Netume 13:3 - NTSHOB NSI

³ Mosé tshob ngô ndù: A bwô neke nkwimte sen lé'njù li se bin tum Egipto, ndà kuan nà. Nummbe Tshùaben lo' à bu i ze neta nsô zin yi bwe. A ke' bwô bin jù bàn ze bo te ywibte se là.

Netume 13:3 Iomraidhean Croise

Neto'te 15:16

A nsi be tôg zwiaṅ benntùn kuà nzwil o bèn mbèn njam nsen ni; nummbe mfànnu ba Amor ke' yoṅ ndun me lo nsi num bo.

1 Fenfen 8:42

nummbe bo nsi lèn ndù lén so b'a se ndùb, bu o be ze neta, laṅbu so be ndù a sage, se' le't'o ntùm yen ndà li là,

1 Kronika 16:12

Bin kwimte kuni tshu ts'a na' ngù là, nkwimte tshu netshàm boa tsho'te ntsha ts'a tum ntshu i là.

Néhémi 1:10

Bo b'a ghafa' tsho, mbe yu nzwit mèn, ndù o lo' à ngù' o ze ndùb bo neta bu o ntshu' yub yi.

Néhémi 9:10

O lo sô mesin boa nu netshàm num Faraon, num ghafa' tse, num ben tse mba ngô i, nummb'o lo lèn mba bo na' ma'ni tà tshag yi là. O lo ghù nkuni mu tum mb'a tshwèt nke' ntum mba sènni là.

Yobkwi 105:5

Bin ke nkwimte mfa' nekuni mi a mfa' là, bin ke nkwimte tshu netshàm mba tsho'te ntsha ts'a tum ntshu i là,

Yobkwi 114:1

Ngelaṅ Israél na' ntum mà Egipto, tunndà Yakob tum netèt ba tum nà,

Yobkwi 136:11

A lo ghù Israél tum la' bo, nummbe kondèn i be ntswe matmat,

Yobkwi 136:12

njam bu neta mba mb'a nyit bu i là, nummbe kondèn i be ntswe matmat.

Yobkwi 89:14

Bu o b'a ze neta, bu o ta, bu o ze zwim lo tù.

Netume 12:15

Bin nsi jù bàn ke te ywibte se num lé'njù sammbàa. Bin sô ntsha' bàn ntùm ndà tsin fe num mbwe lé'njù. Mba we lo z'a nsi jù bàn bo te ywibte se netèt tshen lé'njù sammbàa là là, mba bo nsi sô ng'é netèt ba Israél.

Netume 12:17

Bin nsi ke ze jùa bàn ke te ywibte se, nummb'a kua' sen lé'njù là se me na' nsô tsin ntshu ntsho ntùm ngô Egipto là. Bin ke nze sen lé'njù li ngu'ngu'. A kàn s'a ghô matmat là.

Netume 12:19

Bo ke nsi tèt ntsha' bàn ntùm ndà tsin num lé'njù sammbàa. Mba we lo z'a nsi jù bàn bo te ywibte se là là, mba bo nsi sô i netèt mbumte ba Israél, ke bo bwe i à njù ke ntùm ngô lo.

Netume 12:2

Yen maṅwù li nsi b'a mbwe maṅwù netèt tsemo' maṅwù fa. Bin nsi ke lo' à yi ghù mbwe maṅwù yi ntùm ngu'njù.

Netume 12:41

Tshen ngu'njù 430 là lo be tôg njoṅ ntshu ntsho Tshùaben fa tum Egipto.

Netume 12:42

Yen nà na' mb'a tèttswe' Tshùaben zi tshùalo, nsô yub Egipto là. Yen tèttswe' là b'a ze tshùalo z'a bwô ndù ba Israél ke nkwimte ngu'ngu', ndo' nke ngamte Tshùaben yi ngu'ngu' là.

Netume 12:8

Bo nsi fèt mbàb yen tèttswe' là. Bo nsi ton à netone, bo bàn ke te ywibte se, boa nenà ts'a zwe là.

Netume 13:14

A be ze nshum o be mo' lé'njù mbètte tote yen nu li là, mb'o nsi bùnte yi ndù: Tshùaben lo tshùa njam bu i ze neta nsô yag Egipto, ndà kuan.

Netume 13:9

A nsi be wù à mba keki là bu o, be ju nekwimte num miag mu, ndùlala ndù o ghù kàn Tshùaben ntshu o. Nummb'a na' ndo' à bu i ze neta nsô o yi Egipto.

Netume 20:2

A b'a me Tshùaben Nsi o, ze me na' nsô o ngô Egipto, ndà kuan nà.

Netume 20:8

Ke nkwimte lé'njù Sabbat, nke nze.

Netume 23:15

O nsi ke ze jùa bàn ke te ywibte se num lé'njù sammbàa, mba me na' ntshob wù là. A nsi b'a num ngelaṅ i ze me na' njab là, ntùm ṅwù nefag tshu, nummb'a yen ngelaṅ nà z'o tum Egipto là. A ke' bwô ndù mèn se' yen àm mbu ndaṅe.

Netume 3:20

Là, me nsi nyit bu àm, lo' nsà tse me nsi ghù là lab Egipto yi, nsà tse me nsi ghù netèl i là ghù a ta' zine.

Netume 34:18

O nsi ke ze jùa bàn ke te ywibte se; a bwô a be ndùlala num lé'njù sammbàa, num ngelaṅ i ntùm maṅwù ngefele. O nsi jù bàn ke te ywibte se mba me na' ntshob wù là. Nummb'o na' ntum Egipto à ntùm maṅwù ngefele.

Netume 6:1

Tshùaben tshob Mosé ndù: Ndonni, tu wul o nsi yen ju ze me nsi ghù Faraon nà. Bu neta nsi nànt'é a faṅ yub bo nène, bu neta nsi nànt'é a ta' yub ntùm ze ngô.

Netume 6:6

A ndùlala tshob bon Israél ndù me b'a Tshùaben, mbe ndù me nsi tshu' yub num mfa' mi ba Egipto tshwèt ma'ni yub yi là, tshu' yub ndà kuan, lo' bu àm ze me nsi nyit là yôg yub yi, ghù ndùlal'a njam netsho'te tse ndùbndùb.

Netume 6:7

Me nsi lo' zin ghù yàm nzwit mèn yi, be zin Nsi, a tshùa ndùlala bin lèn ndù a b'a me Tshùaben. Nsi zin bèn ntshu' zin num mfa' mi ba Egipto tshwèt ma'ni zin bwe là.

Netume 7:4

Faraon ke nsi ju' ju ze bin tshob là. Me nsi yab bu àm mum ngô Egipto, ghù tshàm ntshu ntsho, yàm nzwit mèn, bon Israél tum Egipto. Me nsi tshùa njam netsho'te tse ndùbndùb kà ghù ndùlala.

Yérémia 34:13

Tshù mba Tshùaben, Nsi Israél tshob li: Me lo wat kàn bag à tà tsin lé'njù me na' nsô yub Egipto ndà kuan nà, ntshob bo ndù:

Daniel 9:15

Ndonni me Tshùaben Nsi yag, wù z'o na' ndo' bu o ze neta nsô yu nzwit mèn yi mà Egipto, wù z'o ghù lén so s'a kum sènni là, bag lo ghù nukebwô, bag lo fàn nu.

Matio 10:12

Ngelaṅ bin tshwèt ntsho ndà là, bin tsha't'é.

Lukas 22:19

A bèn ndo' bàn, nde'te Nsi, mbe'te mfà bo, ntshob ndù: Yen ni b'a wul àm ze bo fà num bin nà, [bin ke ngù yen ni, nke nkwimt'àm yi.

1 Korintô 11:24

ngelaṅ a le'te Nsi là, a be't'é, ntshob ndù: Yen ni b'a wul àm ze me fà num bin nà. Bin ke ngù yen ni, nke nkwimt'àm yi.

1 Korintô 5:8

Ndùlala bag à bin tsiaṅte lé'njù jùa, ke b'a ntùm njwèn ntsha' ke ntsha' netshùage, mba nukebwô lo, là ntùm ntsha' nelàne, mba nenùne.

Efésô 1:19

mbèn ndèn neta i ze ndùb z'a tshùate là, num be tse be bam nà, ndaṅndaṅ mba ngù' i ze ndùb,

Nebwôgte 13:10

Là a bwô ndù o zwi i; a bwô ndù o bèn mbwôgmbwe mbù' bu nsi num i nezwi i, kà bu ngô tum z'a mànjam.

Nebwôgte 13:11

O nsi tamt'é ndoṅ a kwù, nummb'a ke ndiag nesô o njam Tshùaben Nsi o z'a na' nsô o ngô Egipto, ndà kuan nà.

Nebwôgte 13:5

A bwô bin ke mbwe be njam Tshùaben Nsi zin, nke mbwôg i; bin ke ntshùb nkàn mi, nke nju' nz'é, nke mfa' yi mbèn nke nso wut num i.

Nebwôgte 13:6

Yen ngatshob ntshob Nsi là ke yen nzinjem nà lo nsi kwù, nummb'a tshob ndù bin ta tu Tshùaben Nsi zin z'a na' nsô zin ngô Egipto, ntshu' zin ndà kuan nà. A bèn ndiag nesô o num manze Tshùaben Nsi o na' ntshob ndù o ke nzin bwe là me Israél. O nsi ke sô nukebwô netèl o kua' ndùlala.

Nebwôgte 15:15

Kwimte ndù o lo be ndà kuan Egipto me Israél, ndèn ndù Tshùaben Nsi o lo tshu' o bwe. A ndùlala ze me fà sen kàn ni wù sènni là.

Nebwôgte 16:1

Ghamte Tshùaben Nsi o, ndùs'o tshwèt njù Pasa ntùm ṅwù nefag tshu là. Nummb'a na' mb'a ntùm yen ṅwù là z'a na' nsô o Egipto mo' tèttswe' là.

Nebwôgte 16:12

Kwimte mb'o lo be nkuan Egipto; ndùlala nke ntshùbe, mbèn nke nze men ntshù' li.

Nebwôgte 16:3

O nsi fèt mbàb tshen nyàm nà, ke fèl à bo bàn bo te ywibte se là, o nsi jù bàn ke te ywibte se lé'njù sammbàa, bàn nge' nummb'o lo be tum Egipto nke nànte. O nsi ke ghù ndùlala, lo' kwimte yôg s'a na' mbe lé'njù o tum ngô Egipto là.

Nebwôgte 24:18

Kwimte mb'o lo be nkuan Egipto, Tshùaben Nsi o tshu' o; a ndùlala me fà men nkàn ni wù ndù o ke nze.

Nebwôgte 24:22

Kwimte mb'o lo be nkuan Egipto. A ndùlala me fà men nkàn ni wù ndù o ke nze.

Nebwôgte 26:8

Tshùaben lo' yag ntum yi Egipto. A tshùa à njam bu i ze neta bo ngù' z'a ntùm bu i là, mba njam tshu netshàm boa nsà nekuni.

Nebwôgte 4:34

Mo' nsi bwe ndù a to' se' lo' mo' nzwit mèn netèt mo' nzwit mèn njam laṅte, ba keki, ba nsà boa ntsho nele'e, ze bu i ta, nyit, njam ba nu netshàm boa fétwut là ké? Tshùaben Nsi zin lo ghù njoṅ tshen tshu là fa num miag min Egipto.

Nebwôgte 5:15

O nsi ke nkwimte mb'o na' be nkuan ntùm ngô Egipto, Tshùaben Nsi o nyit bu i ze neta nsô o yi mà bwe. A ndùlala ze Tshùaben Nsi o tshob mb'o ke nze lé'njù fite là.

Nebwôgte 5:6

Me b'a Tshùaben Nsi o, z'a sô o ntùm ngô Egipto, ndà kuan nà (me Israél).

Nebwôgte 6:12

mb'a bwô ndù o zete nelagte Tshùaben z'a na' nsô o ntùm ngô Egipto, ndà kuan nà.

Nebwôgte 6:21

Bag lo be kuan Faraon mà Egipto, Tshùaben lo' bu i ze neta nsô yag yi Egipto.

Nebwôgte 7:8

Là, mba Tshùaben be nkô zin nà, a lo lo' bu i ze neta nsô zin yi, ntshu' zin ndà kuan, ntùm mbu Faraon mfen Egipto. A ghù ndùlal'a num nezwiagte nka'ni mi a na' ngù tà tsin nà.

Nebwôgte 8:14

o zete ndù kà ntù o ka'te, o lag Tshùaben Nsi o z'a na' nsô o Egipto ndà kuan nà;

Nebwôgte 9:12

Tshùaben tshob me ndù: Lo nsi nsen ni ndende nswe'e; nummbe yu nzwit mèn z'o ghù bo tum Egipto là sagte wul i. Bo sô wut yub ndende num manze ze me na' ntshob bo là; bo lo' tùn nabte neto yi.

Yoshua 24:17

Tshùaben Nsi yag b'a mèn z'a na' ngù bag ko' ndà kuan mà Egipto bag à tà tshag là. Tu wul i lo ghù nu netshàm tse nekuni num miag mage, a bèn mbéb yag num manze ze nesag ze bag na' nzin bwe, netèt tshen ngôngô tse bag tôg netèt bo là.

Ghasa'kame 2:12

Bo na' ke mfaṅ Tshùaben, z'a be Nsi ba tà tshobe, Nsi z'a na' nsô yub ntum yi Egipto là, nke mbét njam tsemo' nsi ba ghùn tse bo lam yub mbum nà, nke ngamte yube, yen nà ghù ntù Tshùaben ya num bo.

Ghasa'kame 6:8

Tshùaben tum ta' ngatshob ntshob Nsi bon Israél. A tshob bo ndù: Tshù ju ze Tshùaben Nsi Israél tshob li: Me lo ghù bin tum Egipto, ndù me lo à sô zin ndà kuan.