Netume 13:12 - NTSHOB NSI

¹² mb'a bwô ndù o ke njab mba zit tuswe mén no Tshùaben; mba mbwe bon nyàm tsho, tse bandum, b'a ze ju Tshùaben.

Netume 13:12 Iomraidhean Croise

Néhémi 10:36

bag jù' neke ndo' mbwe bon tshag tse bandum boa tse nyàm tshag nèn yi Ndà Nsi yag mfà ghale'te tse bo be mfa' ntùm Ndà Nsi yag là. Nummbe bo kite ntùm ntshù' ndùlala, ndù bag ke mfà mbwe bon nyàmna' tshag boa tse mbwe tshage.

Néhémi 10:37

Mba ndù bag ke mfà tshag mbwe bàn, tshag tshu bwôntù, mag mbwe njoṅ ntàm njoṅ ntù fa, ndu', mfèt, ghale'te Nsi ntùm nto'ndà Ndà Nsi yag. Mba ndù bag ke mfà ta' bag ju ntshù' num tse gham, num mba ke lo z'a tum ntùm tsha' là ba Lévi. Bo nsi ke kwé tshen tshu là yub tu wut num njoṅ ntusô fa mi a be num tsha' tse bag dù' là.

Netume 13:1

Tshùaben tshob Mosé ndù:

Netume 13:2

Yab mba zit tuswe mén, z'a tum bam mènnzwi là me netèt bon Israél, ndùlala netèt benntùn mba netèt ba nyàm. Yen nà nsi b'a yàm ju.

Netume 22:28

Kà bin ke'te ku nefà tshàm tshu ndende ngelaṅ ze bin tsho' tshu mbèn ntshàb mfèt là. Bin nsi ke fà tuswe bon tsin tse bandum me.

Netume 22:29

O nsi ghù à be ndaṅndaṅ num nyàm tsho tse ndùbndùb mba tse nke'nke'e. Tuswe bon tshob a' ke ntswe lé'njù sammbàa boa mà yub, a be num mbatte lé' fome, o fà yub me ndo' ngamt'àm yi.

Netume 34:19

Njoṅ mbwe bon bandum fa me bèn ngù, mba kua' mbwe bon nyàm, nyàmna' bo mbwe.

Netume 34:20

O nsi lo' mén njùmbwe lo' jun tu mbwe mén kekwèn yi. A be z'o ke' jun tu i là, mb'a bwô ndù o be' ntô mi. A bwô ndù o jun tu mba zit mbwe mén nshumnshum tsho lo. Kà sàm mèn se' mbwe àm mbu mbu.

Ezékia 16:20

O lo' nshumnshum tsho boa ngonngon tsho ts'o bwe me là, ma' bu' yi bo, bo tù' jujù yube. Ndù o ke' be ywèt kat ké?

Ezékia 44:30

Njoṅ mbwe ntàm tù fa boa njoṅ tshu bwôntù tse bin nsi se' yi nete mbwe Nsi là nsi b'a tse ghale'te Nsi; bin nsi fà tu bàn zin ghale'te Nsi, ndùlala ndù Nsi tam ntse mum tunndà zine.

Lévitiko 27:26

Sàm mèn ke nsi fà mbwe mén nyàm i Tshùaben, nummb'a to' mb'a ze ju Tshùaben, mbe tuswe ju; k'a b'a nyàmna' k'a b'a njùmbwe lo, mb'a b'a ze Tshùaben.

Nesiaṅe 18:15

Njoṅ tuswe benntùn fa tse bo num mfà Tshùaben nà b'a tsho. Tuswe njoṅ tshu tse Nsi na' nabte là fa, tuswe benntùn mba ba nyàm. Bo nsi tshu' njoṅ tuswe benntùn fa, mba tuswe ba nyàm tse bo ke' kàn nà.

Nesiaṅe 3:12

Tshù me lo' bon Lévi netèt bon Israél num tu tuswe bon, tuswe bon ba Israél, ben Lévi nsi b'a tshàm ben.

Nesiaṅe 3:13

Nummbe tuswe bon b'a yàm ju, fe lé'njù ze me na' nzwite tuswe bon mà Egipto là. Me lo' njoṅ tuswe bon fa, bo b'a yàm ju. Tuswe benntùn mba tuswe ba nyàm b'a yàm ju. A b'a me Tshùaben.

Nesiaṅe 8:17

Nummbe njoṅ tuswe bon fa, tuswe bon benntùn mba tuswe ba nyàm b'a yàm ju, neto'te mba me na' nzwite tuswe bon ba Egipto là. Me lo' njoṅ tuswe bon fa.

Lukas 2:23

mba bo kite ntùm ntshù' Tshùaben nà ndù: Bo nsi ke mfà mbwe bon bandum fa Tshùaben.

Nebwôgte 15:19

O nsi fà njoṅ mbwe bon nyàm tsho tse bandum Tshùaben Nsi o, nyàm tse ndùb boa tse nke'e. O ke nsi lo' mbwe mén mfô fa' yi, ke kebte nyiaṅ mbwe mén njùmbwe tsho.