Netume 12:3 - NTSHOB NSI

³ Bin tshob njoṅ nzwit Israél fa ndù: A mbe lé'njù gham ntùm yen maṅwù li, bo lo' ta' mén mbwe ntùm mba zit tunndà lo, ndo' ta' mén mbwe mba ntùm zit ndà lo.

Netume 12:3 Iomraidhean Croise

Neto'te 22:8

Abraham bùnte ndù: Nshum àm, a b'a Nsi nsi bèn fà njùmbwe ze be nsi ton yi là be; bo yi nèn ntu tshob bàa ku ntshù'.

Neto'te 4:4

Abél num ze bag i, fà mbwe bon nyàm tse, mfà mba kua' nzit mube. Ndùlala Tshùaben bam Abél mba ze ju bwôntù.

2 Kronika 35:7

Yosias fà njùmbwe boa mbwe ntsha' ṅam ntat ba la' mba ben tse bo be Yérusalém nà, mfà njoṅ i fa à num Pasa. A fà mba nyàmna' ntsha' tat. Bo lo' tshen njoṅ i fa là num tshu mfen.

Netume 12:2

Yen maṅwù li nsi b'a mbwe maṅwù netèt tsemo' maṅwù fa. Bin nsi ke lo' à yi ghù mbwe maṅwù yi ntùm ngu'njù.

Netume 12:21

Mosé tsiaṅ njoṅ ghakwé mbwe ba Israél fa ntshob bo ndù: Bin nèn ndo' mén mbwe num tunndà zine, nzwi i, njù Pasa.

Netume 12:4

A be ze tunndà kag num ta' mén mbwe là, mb'a bwô netamte bin mèn mbaṅ ndà, num njoṅ benntùn tse bo nsi là. Bin nsi lo' mén mbwe njoṅ ze be mba we lo fèt là.

Netume 12:6

Bin nsi lé' yen mén mbwe là tà kum lé'njù ntshob kuà gham ntùm yen maṅwù li. Njoṅ mbumte bon Israél wat yen mén mbwe là ndùse njù à ke ntamte là.

Netume 14:15

Tshùaben tshob Mosé ndù: O ke nkua' ntsiaṅ àm à numke? Tshob bon Israél ndù bo lo ntam manze.

Netume 20:19

Bo tshob Mosé ndù: Tshob nu bag yu tu, bag nsi ju' wù; là, kà Nsi tshob nu bag, nummbe bag tshwèt mbwôg nekwù.

Netume 4:30

Aron bèn ntshob njoṅ ntshob fa mi Tshùaben na' ntshob Mosé là, ngù nsà mbwe ngô.

Netume 6:6

A ndùlala tshob bon Israél ndù me b'a Tshùaben, mbe ndù me nsi tshu' yub num mfa' mi ba Egipto tshwèt ma'ni yub yi là, tshu' yub ndà kuan, lo' bu àm ze me nsi nyit là yôg yub yi, ghù ndùlal'a njam netsho'te tse ndùbndùb.

Ezékia 40:1

A na' mb'a ngu'njù ntshob tàn ṅam mbàa mba bag be ndà kuan nà, mbe ngu'njù ntshob kuà gham mba Yérusalém tù' fam nà. Tshùaben yab bu num àm mba ngu'njù to'te là, mum lé'njù gham mum ṅwù, nkel àm sen lé'njù là nèn yi ntùm ngô Israél.

Lévitiko 1:2

Tshob bon Israél ndù: Ndùse ta' mènntùn netèt bin ke mfà ju bwôntù Tshùaben nà, mb'a bwô ndù a fà nyàm, nyàm ndùb ke nyàm nke' lo.

Lévitiko 5:6

A nsi fà ta' nyàm nke' Tshùaben, tamte fa yi num nukebwô z'a ghù là. Yen nyàm nà b'a ngon i, ta' mén mbwe ke mbwe lo. Ngafà tshule'te nsi tamte fa yi num nukebwô ng'é.

Nesiaṅe 15:11

Bo a' ghù num ndu mfô, num kekomnjù, num mén njùmbwe mba mbwe à be ndùlala.

Yohané 1:29

Njù be làne, Yohané yen Yésu, a nke nse' mbaṅ i, a tshob ndù: Tshù mén njùmbwe Nsi z'a ket nukebwô njù là.

Yohané 1:36

a be yen Yésu z'a ke ntshùa là, nte miag mi num i, ntshob ndù: Tshù Mén njùmbwe Nsi là.

Yohané 12:1

Ndùlala lé'njù ntôg kà Pasa ku'u, Yésu nèn Bètania dù' ze Lazaro z'a bam i num vù be bwe là.

Yohané 12:12

Njù be làne, mà bwoṅ benntùn z'a na' nse' mum lé'njù jùa là, be ju' ndù Yésu tshwèt nse' Yérusalém,

1 Korintô 5:7

Bin sô njwèn ntsha' num bin, ndùlala ndù bin tù' bàn nswe, nummbe ntsha' ke' bèn mbe num bin; nummbe ze be njùmbwe Pasa ze bo zwi là b'a Kristô.

Yoshua 7:14

Bin nsi se' ndamnjù, nzwit nzwit; nzwit ze Tshùaben nsi la'te là nsi se' tunndà tunndà; tunndà ze nu nsi kwag i là nsi se' ba' ba'; ba' ze Tshùaben nsi la'te là, ba ndà nsi se' ntshù' ntshù'.

Apokalipse 13:8

Njoṅ ba ntùm njù fa nsi ghamt'é, ben tse bo ke' kite lén sob fe ngelaṅ nenabte njù, ntùm ṅwa'ni yôg mén njùmbwe ze bo na' nse tô i là.

1 Samuél 7:9

Samuél lo' mén njùmbwe num bùn, nton i Tshùaben fà num jule'te. A tsiaṅ Tshùaben num Israél, Tshùaben ju' le't'é.