Netume 11:5 - NTSHOB NSI

⁵ Njoṅ tuswe bon fa ntùm ngô Egipto nsi kwùte, neto' num tuswe Faraon, z'a nsi tswe num diaṅkwa se là tà nèn nkum num tuswe ngafa' ze mènnzwi z'a be loṅ bàn nà boa njoṅ mbwe bon nyàm fa.

Netume 11:5 Iomraidhean Croise

Yobkwi 105:36

A zwite njoṅ mbwe bon fa mum ngô yube. Mbwe ntàm ngù' yub.

Yobkwi 135:8

A b'a yi na' ndab mbwe bon ba Egipto, neto' num mènntùn nèn nkum num nyàm.

Yobkwi 136:10

Yi z'a nzwite ba Egipto, mb'a zwite mbwe bon tshob là, nummbe kondèn i be ntswe matmat.

Yobkwi 78:51

a zwite njoṅ tuswe bon ba Egipto fa. Tshen mbwe bon nà tse bo b'a mbwe bon ts'a tum ntùm ba ntàb Kam nà.

Netume 12:12

Me nsi ya' ntùm ngô Egipto yen tèttswe' là. Me nsi lab njoṅ tuswe bon fa ntùm ngô Egipto, neto' num mènntùn nèn nkum num nyàm. Me nsi tsho'te tse nsi ngô Egipto. A b'a me Tshùaben.

Netume 12:29

A be tshaṅ tèttswe' Tshùaben zwite njoṅ tuswe bon fa Egipto, neto' num tuswe Faraon z'a nsi tswe diaṅkwa se là, nèn nkum num tuswe ngandàtsha, boa njoṅ mbwe bon nyàm fa.

Netume 13:15

Ndùlala mba Faraon ke ntshètte yag ndù kà bag tum nà, Tshùaben zwite njoṅ tuswe bon fa Egipto, neto' num mènntùn nèn nkum num nyàm. A ndùlala ze me be njab mba zit mén mandum no Tshùaben, mén mandum z'a bwôg tum bam mènnzwi là, là mbe se' mba tuswe bon tshàm nshum nà, me nsi tshu' yube.

Netume 4:23

Me tshob wù ndù o faṅ nshum àm nèn ngamt'àm. O gha nefaṅ a nèn à? Mb'a be ndùlala là, me nsi zwi tuswe o.

Esaya 47:2

Lo' ngo' bàn, nèn ngo' ngefele, bù' nzwe z'o ma' tu o là, ṅwi'te kum so, nko'te yi num ntammbwe mu, ndù a fà bu o dut ntse.

Nsindàvù 5:13

Ghuan benntùn tshwèt nket loṅ masin, bônke' nke mfa'te bam ntsha' ntshwèn.

Matio 24:41

Bènnzwi bàa nsi ke gho' bàn, bo lo' mo', mfaṅ mo'.

Héber 11:28

Njam bamntù, a lo nabte Pasa, mfètte lem ndùlala ndù kà ngabagte mbwe bon kwag yube.

Ghasa'kame 16:21

Ba Filistia ghom i, nto miag mi. Bo lo' i nswe' nèn yi Gaza, ndo' tshan ntùn ndo' nkul i yi. A nke nkaṅ bu masin negho' ju yi ntùm ndàtsha.