Netume 11:1 - NTSHOB NSI

¹ Tshùaben tshob Mosé ndù: M'a' lo' miagte nge' nse' yi num Faraon mba mum ngô Egipto. Yen nà nsi be tôg a faṅ zin bin tum nsen ni, a nsi be faṅ zin bin nèn yoṅ ntshù' ta' zin à neta'a.

Netume 11:1 Iomraidhean Croise

Neto'te 15:14

Me nsi naṅ ntsha tu ngô tse bo nsi be kuan bwe là, bo tum ntùm tshen ngô là boa mfu' yàme.

ṄWA'NI YOB 10:17

O tshwèt ndo' tsemo' ghakwénta tse nswe nse' yi num àm, nke ngù tsho yantù nke njàm num àm be neyàme. O lo' nge' ke ndù i ntsho àm yi.

Netume 12:29

A be tshaṅ tèttswe' Tshùaben zwite njoṅ tuswe bon fa Egipto, neto' num tuswe Faraon z'a nsi tswe diaṅkwa se là, nèn nkum num tuswe ngandàtsha, boa njoṅ mbwe bon nyàm fa.

Netume 3:20

Là, me nsi nyit bu àm, lo' nsà tse me nsi ghù là lab Egipto yi, nsà tse me nsi ghù netèl i là ghù a ta' zine.

Netume 6:1

Tshùaben tshob Mosé ndù: Ndonni, tu wul o nsi yen ju ze me nsi ghù Faraon nà. Bu neta nsi nànt'é a faṅ yub bo nène, bu neta nsi nànt'é a ta' yub ntùm ze ngô.

Netume 9:14

Nummbe me nsi tum njoṅ nge' fa num o, num ghafa' tsho mba mum ngô o yen yoṅ i li; a nsi tshùa ndùlala o lèn ndù sàm mèn ke num nsitsha' z'a be mba me là.

Lévitiko 26:21

A be ze bin tùn tu me, ke kô neju' ntshu àm nà, mba me nsi lab zin yoṅ sammbàa tshùa mba nukebwô tsin be yi là.

Nebwôgte 4:34

Mo' nsi bwe ndù a to' se' lo' mo' nzwit mèn netèt mo' nzwit mèn njam laṅte, ba keki, ba nsà boa ntsho nele'e, ze bu i ta, nyit, njam ba nu netshàm boa fétwut là ké? Tshùaben Nsi zin lo ghù njoṅ tshen tshu là fa num miag min Egipto.

Apokalipse 16:9

mo' nedum ndùb ton benntùn, bo tshabte lén Nsi z'a ghù ngù' num tshen nge' là là, ke kaṅ ntù tshob num nefà ghamte yi.

1 Samuél 6:4

Bo bètte ndù: Bag fà à ke lèn nda' à? Bo bùnte bo ndù: Lo' gol nabte mfuni neloṅ yi tàn, ndo' gol nabte mfuni tshetku yi tàn, be kua' njoṅ ze fenfen be netèt ba Filistia là, nummbe nge' ts'a na' ntsho zin nà, be lèn tshen nge' là na' mbèn ntsho yube, mba tu wut tsine.