Netume 10:3 - NTSHOB NSI

³ Mosé bo Aron tsho ndà Faraon ntshob yi ndù: Tshù mba Tshùaben Nsi ba Héber tshob li: O nsi ke gha nefà wul o nsi mbwe àm tà nèn kum à ndùke? Faṅ yàm nzwit mèn a nèn mfa' me.

Netume 10:3 Iomraidhean Croise

1 Fenfen 18:21

Ndùlala Elia kù'te nèn mbaṅ ngô ntshob ndù: Bin nsi ke vù bag bag tà nèn kum à ndùke? A be Tshùaben b'a Nsi là, bin tam njam i, a be z'a b'a Baal là, bin tam njam i. Ngô ke bùnte sàm ju yi.

1 Fenfen 21:29

O yen mba Akab fà wul i nsi mbwe àm à? Mb'a fà wul i nsi mbwe àm nà, me ke fà nge' à num ze ngelaṅ, là me nsi ghù nge' se' num tunndà i à num ze ngelaṅ nshum i.

2 Fenfen 22:19

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

2 Kronika 33:12

Ndùs'a be ntùm ntobni là, a tsiaṅ Tshùaben Nsi i, mfà wul i kua' nsi mbwe Nsi tà tse.

2 Kronika 33:19

Le'te z'a le'te bo mat Nsi bam le't'é là, nukebwô tse boa tse tatu, dù' ts'a kut ba mbwe' bwe boa ba neto mba tshu nekom ts'a ghù kà njôg mfà wul i nsi là, bo kite ntùm ṅwa'ni Hozai.

2 Kronika 34:27

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

2 Kronika 7:14

a be ze yàm nzwit mèn ze bo be ntsiaṅ lén sàm netèl i fà wut nsi, nde'te, ndiag se àm, nkaṅ mvèn i ntam tse manze kebwô yi là, mba me nsi tsin mfe kamànyam bame, lagte nukebwô i yi, bèn yate ze ngô.

ṄWA'NI YOB 42:6

A ndùlala, tuswe ko àm, me kaṅ ntù àm, nô ntùm mbab bo bwembwôge.

Netume 10:4

A be z'o ke nke' nga nefaṅ yàm nzwit mèn nèn nà, mba me nsi ghù ngamntàn se' ntùm yu ngô ndamnjù.

Netume 16:28

Tshùaben tshob Mosé ndù: Bin nsi ke gha neze ntag màm boa ntshù' màm tà kum à ndùke?

Netume 4:23

Me tshob wù ndù o faṅ nshum àm nèn ngamt'àm. O gha nefaṅ a nèn à? Mb'a be ndùlala là, me nsi zwi tuswe o.

Netume 5:1

Yen nà be tshùa, Mosé bo Aron nèn ntshob Faraon ndù: Tshù mba Tshùaben, Nsi ba Israél tshob li: Faṅ yàm nzwit mèn, a nèn kônkwa njù jùa ngamt'àm yi.

Netume 9:17

O tshwèt nke nta be tu, ke bam ndù yàm nzwit mèn nène.

Tànkùt 1:22

Ghafemni, bin nsi kô femni tà nkum à ndùke? Ghatshab ntshu nsi tshab ntshu tà nkum à ndùke?

Tànkùt 1:24

Mba me tsiaṅ bin ke bam, mba me tshag bu àm mèn ke lôte,

Tànkùt 18:12

Ntù mèn ke nka'te neshu o lèn mbe ze nevù ghebte; mbétni bèn nke mbe mbwe ghamte.

Esaya 1:5

Be bo bèn ndab zin a num ke, ndùse bin tshwèt nke nta be tu nèn mbwe à? Tu tsin fa tshwèt ngone, ntù tsin fa nke njen nge'.

Esaya 2:11

Bo nsi kôg ngaka'te fà nsi, so tuswe tu ghako'tewut. Nda' Tshùaben bèn bù' tu i tù sen lé'njù là.

Yérémia 13:10

Yen tshùagkèt nzwit mèn ni z'a be nga neju' ntshob màm, nke mbwe njam nkwatenu ntù i, nke ntam njam tsemo' nsi, num nefa' bo, mbèn nke ngwù nsi mbwe bo là, a bwô ndù a tù' b'a mba sen kob li, s'a ke' bèn nku'ni neghù sàm ju yi là!

Yérémia 13:18

Tshùaben tshob Yérémia ndù: Tshob mfen bo màbwengub ndù: Bin tam tun zin nsi, nummbe kétmbùm se bin ke nkwi wut tsin yi là tum tu bin ngwù nsi.

Yérémia 50:29

Njoṅ zin fa tse bin be ndù' ngoṅkét là, bin tsiaṅ ghama' nkét. Bin lam Babilon mbume, kà bin bam sàm mèn tume. Bin ghù yi ndaṅndaṅ mba mfa' mi be là. Bin ghù yi kua' mba tu wul i na' ngù ze là. Nummb'a lo lo' ka'te mbù' tu i yi nsi num Tshùaben ze Mèn Nelàn Israél.

Ezékia 5:6

Là Yérusalém ghù tatu num ntag màm ntshùa ngôngô, ngù tatu num ntshù' màm ntshùa ntumntum tse bo diaṅ i mbum nà. Bo wag ntshù' màm, ke ke nzin à mb'a ntùm nkàn màm nà.

Daniel 5:22

Tu wul o Baltazar, nshum i, o ke' bag tu o nsi, mba mb'o lèn njoṅ yen nu là fa là.

Nesiaṅe 14:27

Me nsi fènte nu yen ntse'te kebwô li ze bo num nke ntshob be nukebwô num àm njoṅ ngelaṅ fa là tà nkum à ndùke? Me ju' njoṅ ntshob kebwô fafa mi bon ba Israél num nke ntshob num àm nà.

Roma 2:4

O num ngwag bwôntù i ze ndùb, sagntù i mba nefènt'é ké? O ke' lèn ndù bwôntù Nsi ke ntènt'o à num nekaṅ ntù ké?

Héber 12:25

Bin bàm nà, kà bin gha mèn z'a tshwèt tshob là; nummbe a be ze tshen ben nà tse bo na' nga mèn z'a tshob ntshù' Nsi bo num tsha' ke' tum ntshu Nsi, a be ze be tam mèn z'a tshwèt ntshob mfe kamànyam nà mvèn be là.

Yakobo 4:10

Bin fà wut tsin nsi mbwe Tshùaben, a nsi bù'te zine.

1 Pétro 5:6

Ndùlala bin fà wut nsi tun bu Nsi ze neta, ndù a bù'te zin num ngelaṅ i,