Netume 10:10 - NTSHOB NSI

¹⁰ Faraon tshob ndù: Tshù mba bo tshù njene! A bwô ndù Tshùaben be bin, a be ze me faṅ zin bin nèn bin à bon tsin nà. Bin zete, ndèn ndù nkwate min ke' be mebwô.

Netume 10:10 Iomraidhean Croise

2 Kronika 32:15

A ndùlala, kà bin nefaṅ Ezékia mfùte zine. A ke' bwô nebam mb'a tshob là. Sàm nsi, ntùm sàm ngô ke nufen no mba ntshù' ke' to' tshu' tse ben mum mbu màm ke mbu tà tshàm lo. Zin Nsi b'a zit kà nku'ni netshu' zin bu àm à?

Netume 10:11

A ke nsi b'a mba bin tshwèt nkwate là. Bin bandum nèn mfa' Tshùaben mba bin tshwèt ndiag là. Bo tshob ndùlala, nta' yub mbwe Faraon.

Netume 10:24

Faraon tsiaṅ Mosé ntshob ndù: Bin nèn mfa' Tshùaben. Là bin nsi faṅ nyàm tsin tse nke' boa tse ndùb. Be bin lo' mba bon tsin bin à bo nèn;

Netume 10:9

Mosé tshob ndù: Bag nsi nèn à bag à bon tshage, boa tshag ywèn benntùn; bag nsi nèn à bag à nshumnshum tshage, ngonngon tshage, nyàm tshag tse nke' mba tse ndùb. Nummb'a b'a jùa ndùb se bag nsi ghamte Tshùaben yi là.

Netume 13:21

Tu wut Tshùaben lo ke nzin mbwe bo; mbwoṅ ndot be mbwôgtshù, nke nda'te manze bo, mbwoṅ mbwôg be tèttswe' nke nké' mbwe bo. Ndùlala ba Israél ghù nezin mbwôgtshù mba tèttswe'.

Nsindàvù 3:37

We z'a ghù nebam mbe nu be tum ndù Tshùaben ke' lèn nu bwe à?