A be z'o ghù nu ndaṅndaṅ num miag màm, nze ntshù' màm boa nkàn màm, mba ngafa' àm David na' ngù là, mba me nsi be bag wù, kut ta' ba' z'a tswe là wù mba me na' nkut David là, mbèn mfà Israél wù.
Yobkwi ko'ko'. Se Salomon. A be ze Tshùaben ke' kut ba' là, mba ghabomndà ghùtni wut yub à banban; Tshùaben be ke béb ngô, mba ngabéb ngô zi tshùalo à banban.
Mba mba ngafànnu tshwèt nke' mfàn nu nguan yoṅ nkù mbèn nke nàn nsaṅlaṅ be nefàn nà, me lèn ndù fen b'a ju njoṅ ghabwôg Nsi fa, nummbe bo num mvètte mbwe Nsi.
M'a' tsho' ta' ngale'te Nsi ze nenùne. A nsi ghù à ju ze ntù àm kô là, ghù à mba ntù àm kô là. Me nsi fà nzwit mèn yi yàme, z'a nsi ke fa' mbwe mfen me nsi yo' là.
Netsho'o, lagte mfà ngafa' o me, num kebwô fa ze me ghù là, nummbe Tshùaben nsi ghù tunndà tshùaben taṅ nga, lagte me nummbe tshùaben ke nde' à tse ntsho Tshùaben, mbe ndù tshùagntù ke zi mbe tse ntùm ntù o.