Netume 1:11 - NTSHOB NSI

¹¹ Ndùlala bo yab ghatô netèt bo ndù bo lo' nànte mfa' ma'ni yub yi, yôg ta num bo. A tshùa ndùlala bo kut ba ndàlem Faraon: Pithom bo Ramsès.

Netume 1:11 Iomraidhean Croise

Neto'te 15:13

Tshùaben tshob Abram ndù: Lèn ndù nzwil o nsi be ghùn ntùm ngô z'a ke' b'a yub là. Bo nsi lo' yub ghù kuan yi, ghùtni yub num ngu'njù nkù kuà.

Neto'te 47:11

Yosèf te tàab boa fèt tse, mfà yub dù'ntswe mum ngô Egipto ntùm dù' tsha' ntùn z'a be ntùm ngô là, ntùm bag ngô Ramsès, ndaṅndaṅ mba Faraon tshob là.

1 Fenfen 9:19

A kut njoṅ ntusô fa, mi nta ts'a be ntùm bwe na' mb'a tse là, ntusô nkalig ntsho, ntusô ghako' nyàm bo njoṅ tshu fa ts'a bwô Salomon nekut Yérusalém, Liban, bo njoṅ ngô fa z'a be mfen ntùm bwe là.

2 Kronika 16:4

Ben-Hadad bam nu ze mfen Asa tshob yi là; ntum tàndà ntsho tse num mi ntusô Israél. Bo lo' Ijon, Dan, Abél-Maim boa njoṅ ntusô fa mi a be Néftali bo nke ndem tshu bwe là.

2 Kronika 8:4

A kut Tadmor kônkwa boa ntusô fa mi Hamat ke ndem tshu bwe là.

Yobkwi 105:13

Bo nke ndo mum mo' ngô nèn mum mo'o; ntum ntùm mo' nufen ntsho ntùm ngô ghua.

Yobkwi 129:1

Yobkwi ko'ko'. Bo be nkamt'àm fe mum lé'njù nshum tshàm. A bwô ndù Israél tshob ndùlala.

Yobkwi 129:2

Bo lo ke nkamt'àm fe mum lé'njù nshum tshàm, là bo lo ke tshùa àm.

Yobkwi 68:13

Tàndà ntsho kù, nkù nène, ntshu ntsho z'a tù' ndà là ghabte ntsha' ntsho:

Yobkwi 81:6

A b'a keki s'a yab num Yosèf là. Ngù ndùlala ngelaṅ z'a tum ndà mum ngô Egipto là. Me ju' mo' nze ze me ke' lèn nà.

Netume 1:14

Bo ghù yôg ta num bon Israél ntùm tô tsha'a, nebom tsha'a, bo nzenze mfa' yàm tshwèt, kà njôg ngù memo' mfa' nzenze mi bo ke ma'ni yub ntùm bwe là.

Netume 2:11

A lo be ndùse Mosé be ndùb là, a nèn lôte fèt tse. Tu wul i yen nànte mfa' mi bo ke ma'ni fèt tse bwe là miag mi. A te lag num mo' mén Egipto z'a ke ntsham mén Héber mo' mèn netèt fèt tse là.

Netume 3:7

Tshùaben tshob ndù: Me yen nge' yàm nzwit mèn be ntùm bwe Egipto là, nju' kua' tse ghaghùtni yub be nke ngù bo nkua' là. Me lèn kua' nge' a be ntùm bwe là.

Netume 5:10

Kamkam boa ntoṅnku ngô tum, ntshob ngô ndù: Faraon tshob mb'a ke bèn nefà nenà bin!

Netume 5:15

Ntoṅnku tse bo be bon Israél là nèn mbote yen nu là Faraon, ntshob ndù: Numk'o nke ngù ghafa' tsho ndù à?

Netume 5:8

Bin faṅ à be njoṅ tsha' bo ke mbom nà tu bo, kà bin séb ju bwe. Bo b'a lô, a ndùlala bèn ngù kà bo nke nkua' ntshob ndù: Bin faṅ yag bag nèn mfà jule'te Nsi yag.

Tànkùt 27:4

Tshùaben be njab nu, yantù nke mbùn dù', là we z'a ku'ni netsin tù mbwe lànghe' à?

Nesiaṅe 20:15

Ba tà tshage lo swe' nèn mà Egipto ntswe bwe ngu'njù yàme, ba Egipto ghùtni yage, bag mba tà tshage.

Nebwôgte 26:6

Ba Egipto lo ma'ni yage, ngùtni yage, ndo' yag nkaṅ kuan yi kua' kebwô.