Neto'te 9:3 - NTSHOB NSI

³ Njoṅ tshu fa ts'a be nkumte, nke njôg là nsi be jujù zine, me fà bin ndaṅndaṅ mba nenà là. Me fà njoṅ yen nà fa bin.

Neto'te 9:3 Iomraidhean Croise

Neto'te 9:2

Njoṅ nyàm fa num nsitsha'a, njoṅ nsaṅ fa mfe kamànyam, boa njoṅ tshu fa tse bo be nzinte num nsitsha' là nsi ke bwôg zine. Me fà njoṅ ngontse fa tse bo be mum dibantse là bin.

Lévitiko 22:8

A ke nsi fèt nyàm z'a kwù là, ke ze ju bèn nsé't'é lo, ndùlala ndù k'a sagte wul i num bwe. Me b'a Tshùaben.

Roma 14:14

Me lène, mbèn ndèn kua' mebwô num Tshùaben Yésu ndù sàm ju ke' be ze nesagte num i, là, a b'a nesagte num mèn z'a kwate ndù a sagte là.

Roma 14:17

Nummbe nufen Nsi ke b'a jujù mba ju nenu, a b'a nunetsine, fite mba tsiaṅte ntùm Ywèt Nelàne.

Roma 14:20

Kà bagte fa' Nsi num nu jujù, njoṅ jujù fa b'a nelàne, là nukebwô num bwe, a be ze mèn z'a num njù njoṅ i fa tù' ywi' là.

Roma 14:3

Kà mèn z'a num njù là wag mèn z'a ke' be jù là; kà mèn z'a ke' be jù là tsho'te mèn z'a num njù là. Nummbe Nsi lo' i.

1 Korintô 10:23

Mèn ku'ni neghù njoṅ i fa, là njoṅ i fa ke' ywimte. Mèn ku'ni neghù njoṅ i fa, là njoṅ i fa ke' be kut sàm ju.

1 Korintô 10:31

Ndùlala, ke bin jù, ke bin nu, ke bin ghù mba ke lo, bin ghù njoṅ i fa num ghamte Nsi.

Nebwôgte 12:15

Mba tà ndùlala, o ghù nezwi nyàm ndùs'o kô là mfèt mbàb i la' o, kua' mba Tshùaben Nsi o bam wù dù' z'o be là. Mèn nesagte bo mèn z'a làn nà ku'ni nefèle, ndaṅndaṅ mba bo num mfèt mbàb njuanyàm bo ze ngabnyàm nà.

Kolosé 2:16

Kà sàm mèn tsho'te zin num ju nejù mba ju nenu, ke num nu lé'njù jùa lo, ke ntshùa ṅwù lo, ke Sabbat lo;