Neto'te 9:2 - NTSHOB NSI

² Njoṅ nyàm fa num nsitsha'a, njoṅ nsaṅ fa mfe kamànyam, boa njoṅ tshu fa tse bo be nzinte num nsitsha' là nsi ke bwôg zine. Me fà njoṅ ngontse fa tse bo be mum dibantse là bin.

Neto'te 9:2 Iomraidhean Croise

Neto'te 1:21

Ndùlala Nsi nabte ba ngontse ndùbndùb mum dibantse boa njoṅ nyàm fa tse bo be nzinte ntùm ntse là, mba zit lo num ze tshaṅ i. Nsi yen ndù a bwô.

Neto'te 1:26

Nsi tshob ndù: Be nabte mènntùn z'a fute be là, num mfuni be, a ke ntô ngontse ts'a dibantse là, nsaṅ mi a mfe kamànyam nà, nyàm nke'nke' num njoṅ nsitsha' fa, boa njoṅ nyàm fa tse bo be nsoṅ bam sob num nsitsha' là.

Neto'te 1:28

Nsi yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.

Neto'te 2:19

Tshùaben Nsi lo' tsha' nabte njoṅ nyàm tshwèt fa yi, boa njoṅ nsaṅ fa mfe kamànyam, ngù bo se' mbaṅ mandum num neyen mba b'a tsiaṅ yub là, mba ndù njoṅ tshu nezinte fa lo' lén se mandum fà yi là.

Neto'te 35:5

Ndo bwe nène. Fétwut Nsi sa mum ngô ts'a diaṅ yub mbum nà, kà bo ke ma'ni bon Yakob tse bandum.

Neto'te 9:1

Nsi yab kàn Noa boa bon tse tse bandum, ntshob bo ndù: Bin bwe bon, njàme, kà ndun num nsitsha'a.

Neto'te 9:3

Njoṅ tshu fa ts'a be nkumte, nke njôg là nsi be jujù zine, me fà bin ndaṅndaṅ mba nenà là. Me fà njoṅ yen nà fa bin.

ṄWA'NI YOB 39:11

B'o yé'te num i mb'a ghù neta yàm nà ké? B'o fà mu mfa' yi ndù a fa' wù ké?

Ezékia 34:25

Me nsi wat kàn fite bag à bo, biagte tshùagkèt nyàm mum ngô, kà bo ke ntswete num nkônkwa ke bwôg, nzite mum mfèn.

ṄWA'NI OSÉ 2:18

Tshùaben tshob ndù: O nsi tsiaṅ àm ndu o mum sen lé'njù là, ke bèn netsiaṅ ndù tàbu' àm.

Lévitiko 26:22

Me nsi tshag ba nyàm tshwèt num bin, tse bo nsi ghom bon tsine, ghom nyàm tsine, ghom kua' mbe' yàm benntùn netèt bin; tsin manze nsi b'a fam, sàm mèn be ke bèn nke ntshùa bwe.

Lévitiko 26:6

Me nsi ghù fite tsho ntùm ngô, bin zi mèn ke kamte zin num miaglo; me nsi biagte tshùagkèt nyàm ntùm ngô, ṅwi be ke tshùa ntùm zin ngô.

Yakobo 3:7

Njoṅ mat nyàm tshwèt, saṅe, nyàm nesoṅ mbam mub nsi, nyàm ntse fa, mat mènntùn lo kwiagt'é, nke nkwiagt'é,