Neto'te 9:1 - NTSHOB NSI

¹ Nsi yab kàn Noa boa bon tse tse bandum, ntshob bo ndù: Bin bwe bon, njàme, kà ndun num nsitsha'a.

Neto'te 9:1 Iomraidhean Croise

Neto'te 1:22

Nsi naṅ mbotni num bo ntshob ndù: Bin bwe, nzwit zin yàme, ndun ntùm dibantse, nsaṅ bèn ndun num nsitsha'a.

Neto'te 1:28

Nsi yab kàn bo, ntshob ndù: Bin bwe, nzwit zin yàme, ndun num nsitsha'a, nke ntô ngontse ts'a dibantse là, nsaṅ mi a be mfe kamànyam nà, boa njoṅ nyàm tshwèt fa tse bo be nzinte num nsitsha' là.

Neto'te 10:32

Tshù mba tse tunndà bon Noa tse bandum be num yub zwiaṅ i, ntùm yub ngô là. Ngôngô ts'a sa num nsitsha' fe ngelaṅ dibambaṅ tôg là tum à num bo.

Neto'te 2:3

Nsi naṅ mbotni num mbatte lé'njù sammbàa, ndo' sen lé'njù là, nummb'a lo fite wul i num sen lé'njù là num njoṅ mfa' mi fa.

Neto'te 24:60

Bo yab kàn Rébéka ntshob ndù: Mfèt yag, a bwô ndù ben ntsha'ntsha', ben ntshu'ntshu' tum num o! A bwô ndù nzwil o lo' ngô ghakeban tse.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 8:17

Lo' njoṅ nyàm fa tse bin à bo be là ntum yi, boa njoṅ tshu neyôg fa: Nsaṅe, nyàm nke'nke'e, boa nyàm tse bo be nsoṅ bam sob nsi là. A bwô ndù bo sa num njoṅ nsitsha' fa, mbwe, mbèn njàm num njoṅ nsitsha' fa.

Neto'te 9:19

Tshen ben tat li b'a bon Noa tse bandum; a nzwit yub bèn ndo' njù nsitsha' fa.

Neto'te 9:2

Njoṅ nyàm fa num nsitsha'a, njoṅ nsaṅ fa mfe kamànyam, boa njoṅ tshu fa tse bo be nzinte num nsitsha' là nsi ke bwôg zine. Me fà njoṅ ngontse fa tse bo be mum dibantse là bin.

Neto'te 9:7

Mba bin nà, bin bwe, njàme, nsa mum njù, nke ntô i.

Yobkwi 112:1

Aléluya! Ghamte be Tshùaben. Mènfen b'a mèn z'a be mbwôg Tshùaben nà, ze ntshù' mi be mbwô i neshu là!

Esaya 51:2

Bin yen tà zin Abraham bo mà zin Sara z'a bwe zin njene! Nummbe me na' ntsiaṅ Abraham à ndùs'a na' nke' à tù' i là. Me lo tam ntse yi, ngù nzwil i yàm.