Neto'te 8:21 - NTSHOB NSI

²¹ Tshùaben fit ywèt tse, a bwô i, a tshob mum ntù i ndù: Me ke nsi zi bèn so ndon num tsha' a num mènntùn, nummbe nkwatenu ntù mènntùn b'a mi kebwô fe mônke'; me ke nsi bèn biagte njoṅ tshu fa tse me na' nabte mba me lo neghù là.

Neto'te 8:21 Iomraidhean Croise

Neto'te 3:17

Tshùaben Nsi se' num mandum ntshob ndù: Mb'o ju' ntshu nzwi o, njù tàm tù se me na' ntshù' o yi là, ndon tshùa num tu o ntsho num tsha'a. O nsi ke sô yu ju neyôg yi bw'a ntùm nge' yàme, ndùlala num njoṅ lé'njù yôg so fa.

Neto'te 4:12

O nsi ke dù' tsha'a, a ke bèn mfà fu' se wù. O nsi ke zine, be tshakendà num nsitsha'a.

Neto'te 5:29

A tswi lén se ndù Noa, nummb'a lo tshob ndù: Yen mén ni nsi tswe'te ntù be num mfa' boa ngùtni tse be be ntùm bwe fe lé'njù se Nsi naṅ ndon num nsitsha' là.

Neto'te 6:13

Nsi tshob Noa ndù: Yôg benntùn mi num nsitsha'a, me bèn njù' ndùlala. Nefètte lem dun num nsitsha' num nu benntùn. Ndùlala me nsi biagte yub boa tsha'a.

Neto'te 6:17

Mbe se' mba me là, me nsi lo' dibambaṅ bo ntse se' yi num nsitsha' num nebiagte njoṅ benntùn fa yi boa tshu tse bo ghù zwiag bam kamànyam nà. Njoṅ tshu fa ts'a num nsitsha' là nsi kwùte.

Neto'te 6:5

Tshùaben yen ndù nukebwô mènntùn tshwèt njàm num nsitsha'a, nkwatenu ntù i nke mbe be mi kebwô njoṅ ndù fa.

Neto'te 6:7

Tshùaben tshob ndù: Me nsi biagte njoṅ benntùn fa tse me na' nabte là num nsitsha'a; me nsi tamte njoṅ benntùn fa, tamte njoṅ nyàm nke'nke' fa, tamte njoṅ nyàm fa tse bo be nsoṅ bam sob nsi là boa nsaṅ mi a mfe kamànyam nà fa; nummbe me fém mba me na' nabte yub là.

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

Yobkwi 51:5

Nummbe me lèn mfànnu màm. Nukebwô àm ke mb'a be mbwe njoṅ ndù fa.

Yobkwi 58:3

Nga, bin be mfàn nu ntùm ntù tsine, mbu min b'a mi nefètte lem ntùm ngô, mbu min mi lem be nkag zwentù mum ngô.

Yobkwi 58:4

Ghatshùagntù bag à fe bam mà yub. Ghatatte b'a ghafàn nze fe ndùse bo tum bam mà yub là.

Netume 29:18

Ton njoṅ komnjù fa num tômbwôge. Yen nà b'a nyàm z'o ton Tshùaben nà, a b'a ju nelamte z'a be njwèt jujù ze bo ton Tshùaben nebott'é yi là.

Netume 29:25

Bèn kwé mum mbu mube, nèn nton num tômbwôge, bo nyàm z'o ton nà. A b'a ju nelamte mbwe Tshùaben nelo' mbott'é yi.

Tànkùt 20:9

We z'a ghù netshob mb'a lànte ntù i, ntù' tse mèn nelàn num nukebwô tse à?

Nzenu 7:20

Nummbe sàm mèn netsin mba ntshù' ke num nsitsha'a z'a ku'ni neke ngù be mebwô ke to' fàn nu là.

Esaya 47:12

Tsiag ntùm nka mi o be bwe là, ntùm nka mi o be bwe fe mônke' là. Be mo' ndù o jù bin i; be mo' ndù o tù' nduku.

Esaya 47:15

Tshù mb'a nsi be num ben ts'o be njen nge' nke mbètte yub nu là. A nsi be be ndaṅndaṅ num ben bin a bo ke nta ntàn fe mônke' là. Bo nsi kù nèn bag bag. Sàm mèn ke nsi tum se' ywimt'o.

Esaya 48:8

O lo ke yoṅ nju'u. Yen nu là lo ke yoṅ ntam toṅ o. Nummbe me lo lèn ndù o ke nsi be mèn nenùne, mba ndù bo lo à tsiaṅ o ngatatu fe lé'njù se bo bwe o là.

Esaya 53:6

Be na' mb'a tshakendà mba njùmbwe là. Mba we lo na' nke mbwe à ze manze. Tshùaben lo ghù mfànnu njoṅ be fa tsho tu i.

Esaya 65:6

Ndonni, tshù ju ze me jù' ntù àm ni: Me ke nsi ntswe ntshu mi'i, m'a' ghù bo ket nge', kua' nenùn m'a' ghù bo ket nge'.

Yérémia 17:9

Ntù mènntùn ṅatte ntshùa njoṅ i fa. A bag ntshùa mba ke lo. We z'a ghù nelèn ntù mènntùn à?

Yérémia 18:12

Bo nsi bùnte tshob ndù a ke nu, bag nsi zin à mba bag yen nà, mba we lo ghù à mba nkwatenu ntù i mi kebwô yen nà.

Yérémia 8:6

Me be nkù' ntoṅ, nke nju'u: Bo ke ke ntshob à mb'a lo mbwô ndù bo tshob là. Sàm mèn ke' kaṅ ntù num ze tshùagntù ntshob tu wul i ndù: A ke li ze me ghù à? Njoṅ yub fa so nde mba nyàmdiaṅ z'a so nde tshwèt ntsho là.

Ezékia 20:41

Ngelaṅ me nsi sôte zin ntùm ngô tse bin na' nsate bwe là, mba bin nsi ghù lén sàm be nelàn num miag ngôngô. Yen ngelaṅ nà me nsi lo' zin mba jule'te ze nelamte là.

Lévitiko 1:13

A nsi lo' ntse sôg tshu bam nyàm yi boa mbwe tun mi; ngafà tshule'te nsi fà njoṅ i fa, ton i num tômbwôge. Yen nà b'a nyàm netone, mbe jule'te ze bo ton mbwôg là, ze njwèt mi lamte Tshùaben kua' mebwô là.

Lévitiko 1:17

A nsi fagte mbàb mi, là ke sôte yub num saṅe; ngafà tshule'te nsi ton saṅ num tômbwôge, num ntshwèn z'a mbwôg là. A b'a saṅ netone, mbe jule'te ze bo ton mbwôg là, ze njwèt mi lamte Tshùaben kua' mebwô là.

Lévitiko 1:9

A nsi lo' ntse sôg tshu bam nyàm yi boa mbwe tun mi; ngafà tshule'te nsi ton njoṅ i fa num tômbwôge. Yen nà b'a nyàm netone, mbe jule'te ze bo ton mbwôg là, ze njwèt mi lamte Tshùaben kua' mebwô là.

Lévitiko 26:31

Me nsi lo' ntusô min kaṅ kônkwa yi, biagte tsin dù' ghamte, ke bèn nke mfit njwèt tsin labinda ts'a be ndamte kua' mebwô là.

Lévitiko 4:31

A nsi lo' njoṅ nzit fa, mba bo num ndo' nzit jule'te z'a tshwèt nda'te ndù mèn tamte bo Tshùaben nà, ton num tômbwôge, njwèt mi lamte Tshùaben kua' mebwô. Tshù mba ngafà tshule'te nsi tamte fa num yen mèn nà là. A nsi tshùa ndùlala kà bo lagte yi.

Lévitiko 8:28

Yen nà be tôg Mosé bèn nkwé tshen tshu là mum mbu mube, nton num tômbwôge, num nyàm z'a mbwôg là: Yen nà b'a jule'te ze neghom kame, mbe jule'te ze netone, ze njwèt mi lamte Tshùaben kua' mebwô là.

Nesiaṅe 15:3

ngelaṅ ze bin nsi fà ju neghamte Tshùaben, ju neton a kù, fà mba ju nele'te, k'a b'a mbwe, k'a b'a nyàm no, ke ju nefà ndo' nka' nu yi, ke nu neko' ntù mèn kà mfà, ke nefà num lé'njù ndùb lo, ngelaṅ nefà ju nelamte Tshùaben.

Matio 15:19

Nummbe nkwate nukebwô ke ntum à ntùm ntù benntùn, nezwi mèn, neghù màndà, nekale, tshô, nekwé nta tatte mba tshabte.

Yohané 3:6

Ze bo bwe i mbàb là b'a mbàb; ze bo bwe i Ywèt là b'a Ywèle.

Roma 1:21

Nummbe mba mba bo lèn Nsi là, bo ke' ghamt'é mba Nsi là, ke labt'é, là nkwatenu mub lo' yub nèn yi num tshu banban, ntù tshob tse kagni sènte ntùm njame.

Roma 3:23

Nummbe njoṅ benntùn fa lo ghù nukebwô, ke ghù nkuni Nsi.

2 Korintô 2:15

Nummbe bag à bin b'a labinda Kristô mbwe Nsi netèt ben tse bo tshwèt njôg là, mba tse bo tshwèt mbi là;

Efésô 5:2

Bin zin ntùm nkôni mba Kristô na' nkô zin mfà tu wul i num tu be mba jule'te Nsi, mba ju neghamte Nsi z'a lamte mebwô là.

Filipi 4:18

Me ghù njoṅ z'a ku'ni là, me b'a ntùm fu', me dun, nummbe Epafrôditô fà ywimte zin me, a b'a labinda z'a lamte mebwô là, a b'a ju nele'te Nsi ze Nsi bame, z'a bwô Nsi là.

1 Yohané 5:19

Bag à bin lèn ndù be fe à Nsi, ndèn ndù njoṅ njù fa nô ntùm nukebwô.

1 Samuél 26:19

A bwô ndù mfen, tshùaben àm bam neju' ntshob ngafa' i: A be ze Tshùaben bèn nke ntènt'o num àm nà, mb'a bwô ndù a bam labinda bwôntù li; là, a be z'a b'a benntùn bèn nke ntènt'o là, mb'a bwô ndù ndon tsho tu bo mbwe Tshùaben. Nummbe bo tshwèt nta' àm sènni num nesô àm num ntsi' Tshùaben, nke ntshob me ndù: Nèn mfa' tse nsi ba tum.