Neto'te 8:12 - NTSHOB NSI

¹² A bèn mbéb lé'njù sammbàa, mbèn ntum bwoṅtambia', a tsho ke bèn nebèn njam mbaṅ i.

Neto'te 8:12 Iomraidhean Croise

Neto'te 8:10

A bèn mbéb tsemo' lé'njù sammbàa, mbèn ntum bwoṅtambia'.

Neto'te 8:11

A be bèn njam mbaṅ i mfetnjù ndù a fét futù fi ntshu i. Ndùlala Noa lèn ndù ntse kôgte num njoṅ nsitsha' fa.

Yobkwi 27:14

Nywinte num Tshùaben! Lo' neta mbèn ntswe'te ntù o! Nywinte num Tshùaben!

Esaya 25:9

Bo nsi tshob num sen lé'njù là ndù: A b'a Nsi ze be yab ntù num i là, a b'a yi bèn nke njôg be. A b'a Tshùaben ze be yab ntù num i là; a bwô ndù be ṅwate, ntsiaṅte num yôg s'a fe yi là.

Esaya 26:8

Wù Tshùaben, bag tshwèt mbéb o num manze tsho tsho'te ntsha. Ntù yag num ntam ndùse bag tsi lén so, nkwimt'o là.

Esaya 30:18

Mba tà ndùlala, Tshùaben tshwèt ndiag neko ndèn mine, a nsi lo nsi ghù kondèn i num bin; nummbe Tshùaben b'a Nsi netsine. Ghafen b'a ben tse bo ke nywint'a num i là.

Esaya 8:17

Me be nywinte num Tshùaben, z'a lem se i tunndà Yakob là; me yab ntù àm num i.

Yérémia 48:28

Ba Moab, bin yèn ntusô nsi, nkù nèn ntswe ntùm ba ngabndoṅ. Bin be mba ba bwoṅtambia' tse bo num nte nkàn yub à num ba ngabndoṅ nà.

Habakuk 2:3

Nummbe men ntshob ngatshob ntshob Nsi là ke nda't'a ngelaṅ ze bo nabte t'a tù' neku' là. Nu mbit tù' nebumte, be a ke tatte. A be z'a sèn nà, o béb i. Nummb'a nsi bumte, a nsi bumte kà ke tag.