Neto'te 8:1 - NTSHOB NSI

¹ Nsi ko ndèn Noa boa njoṅ nyàm fa, nyàm nke'nke' tse boa Noa be ntùm sitima là. Nsi ghù mo' neta fetmbaṅ tshùa num nsitsha'a, ngù ntse kôgte.

Neto'te 8:1 Iomraidhean Croise

Neto'te 19:29

Ngelaṅ Nsi ke mbagte ngô ts'a tômbo' là, Nsi kwimte Abraham ngù Lot tum ntshu yen nge' là, k'a mbiagte ngô tse Lot ke ntswe mum bwe là.

Neto'te 30:22

Tshù, Nsi kwimte Rashél, Nsi ju' nz'é, nga' bam se.

Neto'te 9:10

boa njoṅ tshu fa tse bin à bo be ndù bo ghù zwiag là: Nsaṅe, nyàm nke'nke'e, nyàm tshwèt fa tse bin à bo be là. Nekebte, me tshob à njoṅ tshu fa tse bo tum ntùm sitima là, njoṅ nyàm fa num nsitsha'a.

Néhémi 13:14

O Nsi àm, kwimt'àm num yen nu li, kà lagte numebwô tse me ghù num Ndà Nsi àm nà mba ba tshu ts'a bwô ndù bo ke nze là.

Néhémi 13:22

Me bèn ntshob ba Lévi ndù bo lànte wut tshobe mbèn nse' mbéb ba nzendà num nelànte lé'njù Sabbat. Nsi àm kwimt'àm num yen nu là, tsham àm num kondèn o ze ndùb.

Néhémi 13:29

Nsi àm kwimte yube, nummbe bo bagte nu nele'te Nsi, mbagte kàn nele'te Nsi, mba kàn ba Lévi.

Néhémi 13:31

me bèn mfà mba ntshù' num neke mfà ntshwèn ngelaṅ mba bo na' nka' là, mba nu nelo' mbwe njwit tshu nse' yi. Kwimte yen nu li me, me Nsi àm a tù' numebwô me.

ṄWA'NI YOB 12:15

Nsi num ntshùb ntse tsha' jum, nkag i a sate tsha' fafa.

ṄWA'NI YOB 14:13

Me kô ndù o lem àm ntùm ngô fe ben. Lem àm tà nkum ndùse yantù o tshùa là. Yen nà mbe tôg o yab ngelaṅ z'o nsi kwimt'àm nà.

Yobkwi 105:42

Nummb'a lo ke nkwimte ntshob mi mi nelàn mi a tshob Abraham ngafa' i là.

Yobkwi 106:4

Tshùaben, kwimte yag njam nkôni z'o ghù num yu nzwit mèn nà. Kwimte yage, mfà ywimt'o bag.

Yobkwi 115:12

Tshùaben be nkwimte be, a nsi yab kàn be, a nsi yab kàn tunndà Israél, a nsi yab kàn tunndà Aron,

Yobkwi 132:1

Yobkwi ko'ko'. Tshùaben, kwimte David, mba njoṅ ze ju' ntshu fa.

Yobkwi 136:23

Yi z'a na' nkwimte be ngelaṅ be na' ngwù nsi là, nummbe kondèn i be ntswe matmat.

Yobkwi 137:7

Tshùaben kwimte bon ba Edom, tse bo na' mbe num se lé'njù Yérusalém nke ntshob ndù: Bin sate, bin tswe' dù' tà nkum tun tse.

Yobkwi 29:10

Tshùaben lo be num ko'fen se ngelaṅ dibambaṅ. Tshùaben be ntswe num ko'fen se nsa' njù matmat.

Yobkwi 36:6

Tshùaben! Kondèn o be nèn tà nkum mfe kamànyam, nenùn o nèn tà nkum num ndot.

Netume 14:21

Mosé nyit bu i num dibantse. Tshùaben lo' mo' neta fetmbaṅ z'a fe ntumnyam nà nta' dibantse yi tèttswe', ngù tèt dibantse jum. Ntse bèt bag bag.

Netume 15:10

Là ywèt ntshu tsho tshwèt ma' yub ntùm dibantse, bo nèn tun ntse mba tu' tùn nà, netèt mà dibantse ndùb.

Netume 2:24

Nsi ju' nkua' mube, nkwimte kàn se s'a wat bo Abraham, Isak mba Yakob là.

Tànkùt 25:23

Fetmbaṅ z'a swe' tu là num mfà mbaṅ, lém nga ndàm num ngù se benntùn tam njame.

Esaya 44:27

Me tshob ghem ndù a jume. Me nsi ghù nta'ntse mi jumte.

Yérémia 50:38

Dù' jumte num mi ntse, ntse mi jumte fa, nummb'a b'a ngô ba neto, neto tshob kag bà tu bo.

Amos 8:7

Tshùaben lo' ghamte Yakob ntshob nsaṅlaṅ bwe, a ke nsi lagte mba sàm fa' sob se ntshù'.

Yona 4:11

Tu wul àm, be me ke ko yàm ndèn Ninive, ngô ndùb ké? Benntùn num ntùm bwe ntsha' ntshob bàa bon bàa nkù, ndù bo ke' lèn fagte netèt numebwô bo nukebwô, mba bwoṅ nyàm yàme.

Nahum 1:4

A be ntam mbwôg ntshu dibantse ngù a jum, a be ngù nta'ntse zwimte; Basan bo Karmél yub, nsàm nenà Liban lab.

Habakuk 3:2

Tshùaben, me ju' ju z'o tshob là, wul àm fét num fa' so me Tshùaben. Ghù fa' so tswite wul i ntùm ngu'ngu'. Là mba ntùm yantù o, a bwô ndù o kwimte kondèn o.

Sakaria 10:11

Bo nsi dut dibantse nge', ke lab fetntse mum dibantse, njoṅ ndamntse fa mi a ntùm Nil là nsi jume; bo nsi biagte ko'tewut ngô Asiria. Kôgfen ngô Egipto nsi bi.

Nesiaṅe 10:9

Ngelaṅ ze bin tswe ntùm ngô zine, ntsho kamte zin nà, bin tô nta, nz'é ta, ndo' ngù lèn yi. Ndùlala b'a nekwimte Tshùaben Nsi zin, ndù a kwé zin bu ghakeban tsine.

Nesiaṅe 22:32

Angél Tshùaben tshob yi ndù: Numk'o nke ndab kekwèn o yoṅ tat à? Yene, a b'a me bèn nse' netshèt manze wù, nummbe o tshwèt ndo' yen nezin ni mba metsit ju là.

Apokalipse 16:19

Ngô ndùb ghabte bag tat, ngô ghakeban Nsi vùte. Bo kwimte Babilon ze ndùb mbwe Nsi ndù bo fà ndu' zwentù yantù Nsi yi.

Apokalipse 18:5

Nummbe nukebwô tse kùmte kà nko' nkum kamànyam, Nsi kwimte nuketsin tse.

1 Samuél 1:19

Bo lo nsi kua' bam nkebnjù, mbe miagte nevù mbwe Tshùaben ndo mbèn njam ndà bo Rama. Elkana lèn Ana nzwi i, Tshùaben kwimt'é.