Neto'te 7:11 - NTSHOB NSI

¹¹ A lo be kum ngu'njù nkù ntôg ṅwù bàa lé'njù ntshob sammbàa gham mba Noa tswe ntùm njù là, num sen lé'njù là, njoṅ tumnsi ntse fa fag, ntse sa mum njù, ntôndà kamànyam tsho' nte nge.

Neto'te 7:11 Iomraidhean Croise

Neto'te 1:7

Nsi te mo' kub ju neta mfe tèt tù a swe' nkwim nsi num tsha'a mfagte ntse mi a be bam kub ju neta là, mba ntse mi a be mfe num bwe là. A be ndùlala.

Neto'te 6:17

Mbe se' mba me là, me nsi lo' dibambaṅ bo ntse se' yi num nsitsha' num nebiagte njoṅ benntùn fa yi boa tshu tse bo ghù zwiag bam kamànyam nà. Njoṅ tshu fa ts'a num nsitsha' là nsi kwùte.

Neto'te 7:6

Noa lo tswe ngu'njù nkù ntôg kà ntse dibambaṅ nse' num nsitsha'a.

Neto'te 8:14

A be num mbatte ṅwù bàa, mum lé'njù ntshob sammbàa ṅam mbàa mum ṅwù, tsha' miagte njume.

Neto'te 8:2

Ndùlala njoṅ tumnsi ntse fa tsin, ntôndà mi a kamànyam nà fùn, mbaṅ ke bèn nelo.

2 Fenfen 7:19

kwùntshaṅ bùnte mèn Nsi ntshob ndù: Tshùaben lo ntsho' be ntôndà mfe kamànyam mb'a be lèn yen nu li bumt'à? Ndùlala Elisa lo tshob yi ndù: O nsi yen yen nu là kua' miag mu, là, o ke nsi zwi'te ju bwe.

2 Fenfen 7:2

Tàndà ntsho ze kwùntshaṅ mfen tshob mèn Nsi ndù: Tshùaben lo ntsho' be ntôndà kamànyam mb'a be lèn yen nu là bumt'à? Elisa bùnte ndù: O nsi yen kua' miag mu, là, o ke nsi zwi'te ju bwe.

ṄWA'NI YOB 12:15

Nsi num ntshùb ntse tsha' jum, nkag i a sate tsha' fafa.

ṄWA'NI YOB 28:4

A num ntswe' tô ngùanesà num dù' benntùn be ntswe là. Nku mi ke' bèn mbe ywimt'é, bo ghel i tù, a nke nshùme, mbe ngùanesà mbaṅ benntùn.

ṄWA'NI YOB 38:16

O to' nèn tà nkum dù' dibantse num ntum nà ké? O to' zinte tà nkum tun ghem ké?

ṄWA'NI YOB 38:37

We z'a ze nu tà, kà nku'ni nesiaṅ ba ndot, mben yub nsi mbaṅ lo,

Yobkwi 33:7

A be nkùmte ntse mi a ntùm dibantse là dù' ntshù'; naṅ ntse ntùm ndamntse.

Yobkwi 74:15

O lo ghù ba tumnsi ntse bèt nsi mba ba ntsit mbaṅ nà. O lo ghù nta'ntse mi a ke' be jum nà jum.

Tànkùt 3:20

A tshùa njam ze nesiaṅte kà ngù nta'ntse nke nswe'e, kà ba ndot nke mfà mbaṅ.

Esaya 24:18

Mèn z'a kù mbwe nkua' bwôg là vù ntùm gheme, mèn z'a tshwèt nko' ntùm ghem nà vù ntùm nkù; nummbe ntôndà mi à mfe kamànyam nà tsho' nte nge, tun tsha' kam nke nyi'te.

Esaya 24:19

Tsha' kebte, tsha' be'te, tsha' tshwèt mvètte.

Yérémia 5:22

Tshùaben tshob ndù: Bin ke nsi bwôg àm tsin ké? Bin ke nsi vètte tsin mbwe àm ké? A b'a me na' mbèn mfà nkwango' dibantse mba ze ndùnsi là. A b'a ze ndùnsi matmat z'a ke' bwô ndù a tôg là. Ntu' ntse mi a be ntùm bwe là be nke mbùne, là, mo' sàm neta ke be bo. Men ntu' ntse là be nke ntshu'u, là ke yôg ntôg ze ndùnsi.

Yérémia 51:16

Ntse be nju' nz'é, nkùmte dù' ntshù' mfe kamànyam. A be ngù ba ndot lo tun njù nko' nèn tù; a be ngù mbeba'mbaṅ bo mbaṅ be. A be nsô fetmbaṅ ntùm nta tse.

Ezékia 26:19

Nummbe tshù ju ze Tshùaben Nsi tshob li: Me nsi ghù o tù' kônkwa, be mba ngô ze mèn ke' be tswe bwe là. Me nsi ghù ghem lam o mbume, ntse ndùbndùb kabt'o.

Malashi 3:10

Bin lo' njoṅ bag tshu fa num tse gham nèn yi mà ndà tshunkàb, ndùlala ndù jujù be mum ndà àm; bin laṅt'àm ndùlala. Tshùaben tàndà ntsho bèn ntshobe; yen ngelaṅ nà bin nsi yene, a be ze me ke' tsho' ntô kamànyam, ke tam ntse bin kua' mà yàm nà.

Matio 24:38

Ntùm tshen lé'njù là ts'a be kà tse dibambaṅ nse' là, benntùn lo ke njù, nu, nso bènnzwi, mfà ngonngon tshob ntùm nandà tà nèn nkum lé'njù se Noa tsho ntùm kenu là;

1 Tésalônikà 5:3

Ngelaṅ ze bo nsi tshob ndù: Fite mba la' be tshaṅ nà, be ndùse nebagte nsi se' num bo ndende mba ya nebwe be nse' num mènnzwi jùm nà, bo ke nsi kù kà tume.

2 Pétro 3:6

njam tshen tshu là, njù yen ngelaṅ nà lo bi ntùm dibantse.