Neto'te 7:1 - NTSHOB NSI

¹ Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

Neto'te 7:1 Iomraidhean Croise

Neto'te 6:18

Là, me nsi wat kàn bag wù. O nsi tsho ntùm sitima, wù, bon tsho tse bandum, nzwi o boa zwi bon tsho.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

Neto'te 7:13

Be num sen lé'njù là, Noa tsho ntùm sitima boa Sém, Kam, Yafét bon tse, ngù nzwi i boa zwi bon tse tat,

Neto'te 7:7

Ndùlala Noa tsho ntùm sitima, yi, bon tse tse bandum, nzwi i boa zwi bon tse, ndù bo tum ntshu ntse mi dibambaṅ se' yi là.

2 Samuél 22:24

Me be tshàm a ke lo' mbwe i, me bèn mbéb wul àm num nukebwô.

Tànkùt 10:9

Mèn z'a be nzin num manze nenùn nà be mbe zin ke ke mbwôge. Là, mèn z'a be nzin à num ba lamte manze là, bo nsi fon tun i.

Tànkùt 14:26

Mèn z'a be mbwôg Tshùaben nà ghù kua' dù' ntùn z'a yé'te bwe là, bon tse bèn ngù ndàlem mbaṅ i.

Tànkùt 18:10

Lén Tshùaben b'a mba mà nesà ba' là; mèn netsin be nkù nèn ndem bwe, ke bèn mbwôg tse sàm ju.

Ezékia 14:14

mb'a be ze tshen ben tat li: Noa, Daniel bo Yob tum ntùm yen ngô là njôg ntù yub là, mb'a tshùa a njam yub nunetsine. Tshùaben Nsi bèn ntshob ndùlala.

Sofoni 2:3

Njoṅ zin ghabétni ntùm ngô diag Tshùaben, bin tse bin be nze nkàn mi là, bin diag nunetsine, bin diag mbétni! Mo' ndù be lé'njù yantù Tshùaben tôg zin ntshùa.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Lukas 17:26

A nsi be num tse lé'njù Mén mèn ndaṅndaṅ mb'a na' mbe num tse lé'njù Noa là.

Mfa' Ghantum 2:39

Nummbe nka'ni b'a mine, mi bon tsine, mba mi ben tse bo be ngùanesà, ben yàm tse Tshùaben Nsi be nsi tsiaṅ yub là.

Héber 11:7

Njam bamntù, Noa ze Nsi na' ntshob tshu tse bo ke' yoṅ njen nà yi là, lo kom kenu ntùm nebwôg Nsi ndù a yôg tunndà i; a lo tshùa num bwe, naṅ ntsha tu njù, ntù' njùndà nunetsin ze bo ke nkwé njam bamntù là.

1 Pétro 3:20

ywèt tse bo be ke ju' ntshu Nsi fe mbwe, ntùm ngelaṅ nefènte Nsi, ntùm lé'njù tse Noa kom kenu se metsit bwoṅ benntùn, yôg ntse ntùm bwe là.