Neto'te 6:7 - NTSHOB NSI

⁷ Tshùaben tshob ndù: Me nsi biagte njoṅ benntùn fa tse me na' nabte là num nsitsha'a; me nsi tamte njoṅ benntùn fa, tamte njoṅ nyàm nke'nke' fa, tamte njoṅ nyàm fa tse bo be nsoṅ bam sob nsi là boa nsaṅ mi a mfe kamànyam nà fa; nummbe me fém mba me na' nabte yub là.

Neto'te 6:7 Iomraidhean Croise

Neto'te 6:6

Tshùaben fém mb'a na' nabte mènntùn njab num nsitsha' là, ndùlala ngù yantù ntùm ntù i.

Neto'te 7:21

Ndùlala njoṅ tshu fa tse bo be nzinte là mi: Nsaṅe, nyàm nke'nke'e, nyàm tshwèt, nyàm tse bo be nsoṅ bam sob nsi là boa njoṅ benntùn fa num nsitsha'a.

Neto'te 7:4

Nummb'a tù' lé'njù sammbàa me ghù mbaṅ lo num nsitsha' num lé'njù ṅam nkuà, mbwôgtshù bo tèttswe'. Me nsi biagte njoṅ tshu fa tse me na' nabte là num nsitsha'a.

Neto'te 8:21

Tshùaben fit ywèt tse, a bwô i, a tshob mum ntù i ndù: Me ke nsi zi bèn so ndon num tsha' a num mènntùn, nummbe nkwatenu ntù mènntùn b'a mi kebwô fe mônke'; me ke nsi bèn biagte njoṅ tshu fa tse me na' nabte mba me lo neghù là.

Yobkwi 37:20

Là ghatshùagntù nsi bi, bo tse bo b'a ghakeban Tshùaben nà, bo nsi tôg à mba nenà ts'a ntùm nà là, bo nsi tôg nèn bite mba nzembwôg là.

Tànkùt 10:27

Nebwôg Tshùaben be nkwi'te tse lé'njù mènntùn, là tse ngu'njù ghatshùagntù ke nsébt'a nesébte.

Tànkùt 16:4

Tshùaben nabte njoṅ tshu fa mb'a nsi miagte yi là, a nabte mba ngatshùagntù num lé'njù nge'.

Esaya 27:11

Ndùse mbu ntù nsi jum nà, bo nsi be'te, bènnzwi se' nso mbwôg bwe. Nummbe yen nzwit mèn nà ke' ghù nkwate. A ndùlala ze Mbom i ke' ko ndèn mi là. Mèn z'a nabt'é là ke' tshàm ndèn mi.

ṄWA'NI OSÉ 4:3

A ndùlala ngô nsi tswe à ntùm ntsenyà, mèn z'a tswe bwe là nsi bi boa nyàm tshwèt, boa nsaṅ mfe kamànyam; mba ngontse ts'a dibantse là nsi bite.

Amos 7:3

Ntù Tshùaben fite num yen nu là, a tshob ndù yen nu là ke bèn mbe.

Amos 7:6

Ntù Tshùaben fite, Tshùaben Nsi tshob ndù yen nu là ke nsi be mba yen yoṅ i li.

Sofoni 1:18

Ke nkàb yub, ke gol yub lo ke nsi tshu' yube, mum lé'njù tshùagntù Tshùaben, ndùse mbwôg ghe't'é, lànghe' se nsi kù njoṅ ngô fa là; nummb'a nsi biagte njoṅ benntùn fa bo be ntswe mum ngô là ndende.

Sofoni 1:2

Tshùaben tshob ndù: Me nsi sate njoṅ tshu fa num nsitsha'a.

Sofoni 1:3

Tshùaben tshob ndù: me nsi bagte benntùn boa nyàm, nsaṅ mfe kamànyam boa ngontse ts'a dibantse, tshu fa'te bo njoṅ ghatshùagntù fa; me nsi biagte benntùn num nsitsha'a.

Nebwôgte 28:63

Mba Tshùaben ke ṅwate neghù bin yàm nà, be ndaṅndaṅ a' ṅwate nebiagte zin fa. Bo nsi sô zin ntùm ngô bin tshwèt ntsho bwe a tù' zin nà.

Nebwôgte 29:20

Tshùaben a' sô i nte njam num nge' i, sô i ntùm tunndà Israél fa, kua' mb'a be ntùm ndon fa ts'a ntùm kàn bo kite ntùm ṅwa'ni yen ntshù' li là.

1 Samuél 15:11

Me fém mba me na' nte Saulo num fen nà, nummb'a num nsô wut num àm, ke be ze ju ze me tshob yi là. Nu tse bag Samuél, a ma' mbu Tshùaben njoṅ yen tèttswe' là fa.