Neto'te 6:3 - NTSHOB NSI

³ Tshùaben tshob ndù: Me ke bèn mbam ndù mènntùn yôg matmat, nummb'a b'a mènntùn. A nsi ke yôg nda' num ngu'njù bon bàa nkù.

Neto'te 6:3 Iomraidhean Croise

Neto'te 6:2

bon ba mfetù yen ndù ngonngon benntùn bwô yube, ndùlala bo lo' ts'a bwô yub là.

Néhémi 9:30

O lo fènte yub ngu'njù yàme, ntshùa njam ywèt tsho nte bu num bo, mba njam ghatshob ntshob Nsi tsho, là bo ke kù' ntoṅ num sàm ju. Ndùlala o swèn yub bu ba mfàm.

Yobkwi 78:39

A kwimte ndù bo b'a nda' benntùn, zwiag s'a be ntum nène, ke bèn mbèn njam nà.

Yobkwi 90:10

Ngu'njù tshag be nèn nkum ṅam sammbàa. Tse tsemo' ben nke nkum ṅam fome mbe z'a fà bu là. Ko'tewut ze be bo ghù bwe là b'a ngùtni bo nge' neyene. Nummb'a be ntôg ndende, be tshùa ndù wat. Bag nke nkù nèn tèt vù.

Esaya 5:4

M'a ghù njoṅ i fa z'a lo mbwô ndù me ghù num tù ndu' sàm ndù a yàm ntàm ntùn nà. A yàm à be ntàm kebwô. Kà m'a' bèn ngù à ndùke?

Esaya 57:16

Ndonni me ke bèn nke nga be negha, ke bèn nke nja ntù nèn be mbwe. Nummbe mba nzwiag bo benntùn tse me na' nabte là nsi miagte bite mbwe àm.

Esaya 63:10

Là, bo lo be ghatatu, ngù a nywin ntùm ywèt tse tse nelàne, ntù' ngakeban yub, nde' yub ntsho.

Yérémia 11:11

A ndùlala, Tshùaben tshob ndù: M'a' ghù nge' tsho yube. Nge' tse be bo ke tshu' wut yub bu bo là. Me ke nsi bùnte ndùse bo nsi kua' tsiaṅ àm nà.

Yérémia 11:7

Nummbe me lo te bu num tà tsin fe lé'njù se me na' nsô yub Egipto là tà nse' nkum sènni. Me lo ke nte bu num bo njoṅ nkebnjù fa nke ntshob ndù: Bin ju' nz'àm!

Nesiaṅe 11:17

M'a' swe' bwe ntshob nu wù. Me nsi nèn num Ywèt z'a be num o là, nsô metsili bwe, nso num bo, bin à bo nsi tamte ket lèt netshagte benntùn, a ke bèn mba ju neket tù' wù.

Yohané 3:6

Ze bo bwe i mbàb là b'a mbàb; ze bo bwe i Ywèt là b'a Ywèle.

Mfa' Ghantum 7:51

Bin tse kekot tsin ta, ntù tsin mba ntoṅ min fùn nà, bin num nke nta tu Ywèt Nelàn njoṅ ngelaṅ fa, bin be à mba kua' ba tà tsin nà.

1 Tésalônikà 5:19

Kà bin biagte Ywèle,