Neto'te 6:2 - NTSHOB NSI

² bon ba mfetù yen ndù ngonngon benntùn bwô yube, ndùlala bo lo' ts'a bwô yub là.

Neto'te 6:2 Iomraidhean Croise

Neto'te 12:11

Ngelaṅ z'a ke ngebte netsho mà Egipto là, a tshob nzwi i Saraï ndù: Tshù, me lèn ndù o b'a mènnzwi ndù ntshù mu bwô.

Neto'te 24:3

ndù me ghù o kàn mfe num lén Tshùaben. Kàn mfe num lén Nsi nganabte kamànyam bo tsha' ndù o ke nsi diag nzwi nshum àm à netèt ngonngon Kanaan, tse me tshwèt ntswe netèt bo là.

Neto'te 26:35

Tshen bènnzwi là kag zwentù yàm ntù Isak bo Rébéka.

Neto'te 27:46

Rébéka tshob Isak ndù: Nu yôg ke' bèn nebwô àm num ngonngon Hétia. A be ze Yakob so mo' ngon Hétia mba tshen nà, mo' ngon netèt ngonngon yen ngô li là, mb'a ywimt'àm ke neke njôg à?

Neto'te 3:6

Mènnzwi yen ndù tàm tù bwô nejù mba neyene, nta njoṅ, nke nga' nze zenu. Ndùlala, a lo' tàm se njù, mbèn mfà mba se ndu i z'a be mbaṅ i là, a jù.

Neto'te 4:26

Set bwe ze mén mandum, ntswi lén se ndù Enosh. Bo to' netsiaṅ lén Tshùaben à num yen ngelaṅ nà.

Neto'te 6:1

Ndùse benntùn na' nto' neyàm num nsitsha'a, mbèn nke mbwe bon bènnzwi là,

Neto'te 6:3

Tshùaben tshob ndù: Me ke bèn mbam ndù mènntùn yôg matmat, nummb'a b'a mènntùn. A nsi ke yôg nda' num ngu'njù bon bàa nkù.

2 Samuél 11:2

A be mo' mfetnjù, David lo num kunndà se; ndùs'a ke nkatte num tuba' fen nà, a tsin njen mo' mènnzwi a nke nsôg wul i, ndù a bwô num se i neshu.

Esdra 9:12

A ndùlala, kà bin fà ngonngon tsin tshob bon, ke bèn mbètte tshob ngonngon mfà tsin bon. Kà bin lat wut zin mba bo tshwèt nsine, ngù yôg mebwô là. A nsi tshùa ndùlala bin tù' ben neta, ngù mbwô ntàm mi à ntùm yen ngô li là, mbèn ngù mfaṅ ngô là bon tsin mba ntsi' là.

ṄWA'NI YOB 1:6

Tshù, a lo be mo' lé'njù, bon Nsi se' ntsinte mbwe Tshùaben mfe kamànyam. Mba Satan se' ze ntsho netèt bo.

ṄWA'NI YOB 31:1

Me lo wat kàn bag miag màm, mbe ndù be me ke lôte ménngon bo ke' yoṅ ntabt'é là miag mbàa.

Netume 34:16

A be z'o bètte ngonngon tshob mfà tsho bon nà, mba bo a' be kat boa nsi tshob nsoṅte bon tsho mba bo kat yub boa nsi tshobe.

Esaya 63:16

Mba tà ndùlala, o b'a tà yag, nummbe Abraham ke' ghù nelèn yage, mbe ndù mba Israél ke' lèn yage, A b'a wù Tshùaben bèn mbe tà yag. O bèn nke ntshob mb'o b'a ngayôg yag fe ngu'ngu'.

Malashi 2:11

Yuda lo ta tu, mo' nge' tsho Israél bo Yérusalém; nummbe Yuda lo fàn nu num ju z'a be ze Tshùaben nà, ju ze tshùaben be nkô là. A tamte bo ngon nsi ba tum.

Malashi 2:15

Sàm mèn z'a ke' nkwa nu là ke' to' ghù ndùlala. Nda' ta' mèn bèn ngù ndùlala, mba numke? Nummb'a lo ke ndiag nzwit ze Nsi na' mbù yi là. Ndùlala bin zete mum ntù tsine, ndù kà mba we lo be ngatatte mbwe mènnzwi ze bo yi lo ngon nà!

1 Korintô 7:39

Mènnzwi lat num ndu i njoṅ ngelaṅ fa z'a ke' ntùn nà. Là, a be ze ndu i kwù là, mb'a ku'ni neghù mo' ndu mb'a kô là, là nda' num Tshùaben.

2 Korintô 6:18

Tshùaben ngatô njù tshob ndù: Tu wul àm, me nsi lo' zine, me nsi b'a Tà zin, bin be bon tshàm tse bandum mba tse bènnzwi.

Nebwôgte 14:1

Bin b'a bon Tshùaben Nsi zin, Kà bin lem wut zin, ke bèn nkom tu zin ndùse bin be nsivù là.

2 Pétro 2:14

miag mub dun nu màndà, bo ke' be bot neghù nukebwô, bo num nsoṅte ben tse bo ke' ghù tànntù là; bo ghù ntù z'a zi'te neze'te là, bo b'a bon ndon.

1 Yohané 2:16

Nummbe njoṅ tshu fa ts'a be ntùm njù là, ghe'te mbàb wut, ghe'te miag, ko'tewut ntùm yôg, ke fe à Tà, a fe à njù.