Neto'te 6:12 - NTSHOB NSI

¹² Nsi lôte tsha'a, njen ndù nukebwô dun bwe; nummbe njoṅ benntùn fa lo ghù à be nzin kebwô num nsitsha'a.

Neto'te 6:12 Iomraidhean Croise

Neto'te 18:20

Ndùlala Tshùaben tshob ndù: Tshu'te z'a be num nu Sodom bo Gomora là yàm neshu! Nukebwô yub bèn mbag neshu!

Neto'te 18:21

M'a' swe' nèn njene, a be ze tshu'te z'a be nse' mbwe àm b'a ndaṅndaṅ mba ngùninu mub be là. A be z'a ke' b'a ndùlala là, mba me nsi lène.

Neto'te 6:13

Nsi tshob Noa ndù: Yôg benntùn mi num nsitsha'a, me bèn njù' ndùlala. Nefètte lem dun num nsitsha' num nu benntùn. Ndùlala me nsi biagte yub boa tsha'a.

Neto'te 6:8

Là Noa be mènfen num miag Tshùaben.

Neto'te 7:1

Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

Neto'te 7:21

Ndùlala njoṅ tshu fa tse bo be nzinte là mi: Nsaṅe, nyàm nke'nke'e, nyàm tshwèt, nyàm tse bo be nsoṅ bam sob nsi là boa njoṅ benntùn fa num nsitsha'a.

Neto'te 9:12

Nsi tshob ndù: Tshù keki kàn ze me yab netèl àm bag à bin mba njoṅ nyàm fa bin à bo be li. Yen nu là nsi be ngu'ngu':

ṄWA'NI YOB 33:27

A num ntsiaṅte mbwe benntùn nke ntshob ndù: Me lo ghù nukebwô, mbagte nu z'a tsin nà, là Nsi ke ghù m'a ndaṅndaṅ mba nukebwô tshàm be yi là.

Tànkùt 15:3

Miag Mbom be mbe njoṅ dù' fa, nke ndôte ghatshùagntù boa ben kebwô.

Lukas 3:6

Njoṅ benntùn fa nsi yen yôg s'a fe Nsi là.

2 Pétro 2:5

a be ze Nsi na' mbe ke ko ndèn njwèn njù là, là ndem Noa, ngatshob nunetsine; mo' mèn netèt ben fome, ngelaṅ z'a kag dibambaṅ num njù ghakeghamt'é là.