Neto'te 6:11 - NTSHOB NSI

¹¹ Nukebwô bagte tsha' num miag Nsi, nefètte lem lo' dù' num nsitsha'a.

Neto'te 6:11 Iomraidhean Croise

Neto'te 10:9

Mbe neta ngata' yoṅ mum njù. A ndùlala ze bo be ntshob ndù: O b'a neta ngata' yoṅ mba Nimrod là.

Neto'te 13:13

Là, ba Sodom na' mb'a tshùagkèt ben kebwô num miag Tshùaben.

Neto'te 6:10

Noa lo bwe bon bandum tat, Sém, Kam bo Yafét.

Neto'te 7:1

Tshùaben tshob Noa ndù: Tsho ntùm sitima, wù mba njoṅ tunndà o fa. Nummbe me yen ndù o lo be mèn netsine mbwe àm num yen zwiaṅ njù li.

2 Kronika 34:27

Mba yen nu là kwag ntù o, o fà wul o nsi mbwe Tshùaben, nju' ju me tshob num yen dù' li boa ba la' tse, naṅ ntsha tu bo, nso ndon nelo' nyi'te yub yi là, me Tshùaben ju'. Nummb'o fagte nzwe tsho, nkua' num miag màm.

Yobkwi 11:5

Tshùaben be ndaṅte mèn netsine. A be mban tshùagkèt mèn mba mèn ze nefétte lem be mbwô i là.

Yobkwi 140:11

a bwô ndù bo ma' nge'mbwôg nedum num bo, a ma' yub ntùm mbwôge, ntùm ngem dù' ze be bo ke bèn ntum nà.

Yobkwi 55:9

mba me nsi fon dù'ntswe ndende, num neta fetmbaṅ mba tonkèt fetmbaṅ z'a tshwèt nsate dù' là.

Netume 32:7

Tshùaben tshob Mosé ndù: Swe' là ndonni, nummbe yu nzwit mèn tù' mbagte wul i. Me dù à nzwit mèn z'o sô yub mà Egipto là.

Esaya 60:18

Bo ke nsi bèn tshob nu nefètte lem ntùm so la', ke nesate dù' ke fam no ntùm tsho tsha'a. O nsi tswi lén mu nkummba' ndù yôg, ntswi lén ba nzendà ghamte.

Yérémia 6:7

Ndaṅndaṅ mba ntse be ntum ntùm tumnsi ntse là, be ndaṅndaṅ mfànnu Yérusalém be ntume. Bo ke ntshob à nda' nu nefètte lem bo nesate netèl i. Bo ke njen à be nkeko' boa mfaṅ netèl i.

Ezékia 28:16

O lo be ghù ndù ntàn mu zine, ndun nu nefètte lem, ngù nukebwô. A ndùlala me nsi tèn o num mbat Nsi ze nelàn ma' nsi, mbiagt'o, wù kérubim ngakabte z'o be netèt ndoṅ mi a tshwèt nziag là.

Ezékia 8:17

A tshob me ndù: Mén mèn, o yen à? A b'a fùag nu tunndà Yuda neke ngù lèn tshen nukebwô ts'a bag ntshùate là nsen ni ké? Ndù bo nsi ghù nefètte lem lo' ngô, bo ke tsin neke nkamte yantù àm ké? Tshù bo là tse bo tshwèt nkabte ntselag yub tshaten nà.

Habakuk 1:2

Tshùaben, me nsi ke tsiaṅ o be ke ju' nz'àm tà kum à ndùke? Me kua' ntsiaṅ o num nu nefètte lem! Là o ke tshu' àm.

Habakuk 2:17

Nummbe nefètte lem z'o ghù Liban nà nsi vù tu o, nezwite nyàm tshob tse nsi kag bwôg num o, num lem benntùn ts'o fètte ntùm ngôngô, netèt ntumntum, lem ba la' là.

Habakuk 2:8

Mb'o na' ndagte ngô yàm nà, tshé' ntumntum nsi lagt'o; nummb'o lo fètte lem benntùn. O lo yab nge' num nu nefètte lem mum ngô, ngù ndùlala mum ngô mba njoṅ ba la' fa.

Lukas 1:6

Ntu tshob bàa fa na' mb'a ben netsin mbwe Nsi, mbèn nke nze ntshù' mba ntag Tshùaben ke fànte.

Roma 2:13

Nummbe a ke b'a ghaju' ntshù' bèn mbe ben netsin mbwe Nsi, là ghaze ntshù' nsi tù' ben netsine.

Roma 3:19

Là be lèn ndù njoṅ tshu fa tse ntshù' num ntshob là, a ke ntshob à ben tse bo be ntùm ntshù' là, ndùlala ndù njoṅ ntshu fa meme, mba ndù njoṅ njù fa be ghavù ntsha mbwe Nsi.

Nebwôgte 31:29

Me lèn kua' ndù bin nsi sagte wut tsin ndùse me nsi kwù là, mba ndù bin a' kag nze ze me kite bin nà, nge' nsi kab mbu num bin ndùse bin ghù kebwô num miag Tshùaben, kà lo' mfa' mbu min du'te yantù i yi là.

Ghasa'kame 2:19

Là, ngelaṅ ze ngasa'kam kwù là, bo bèn nto' neke mbagni ntùm mat yub kà mbèn ntshùa mba ba tà tshobe, nke ndo' tsemo' nsi ghua, nke ngamte yube mbèn nke nkwim ntunkekwi' mub nsi mbwe bo, ntù' tàn tshob be ndùlala, ke ghua' mat yub ntùm tatu.