Neto'te 50:5 - NTSHOB NSI

⁵ Tàa lo ghù me kàn mfe ntshob ndù me bam mb'a bètte là ndù me nsi tshoṅ i ntùm fi s'a na' ntswe' ntùm ngô Kanaan nà, ngelaṅ z'a nsi kwù là. Bin bètt'é ndù me ghù nenèn ntshoṅ tàa ntùm fi ndonni, kà mbèn njam ke di!

Neto'te 50:5 Iomraidhean Croise

Neto'te 3:19

O nsi ke kwiaṅ ze'ni se o kà ghù ju z'o jù là, ndùlala tà nkum ndùs'o bèn njam mum tsha' là, nummb'a dù' ze bo lo' o bwe là. Tshù, o b'a mbabe, mbe ndù o nsi bèn tù' mbabe.

Neto'te 48:21

Israél be miagte mbèn ntshob Yosèf ndù: Tshù, m'a' kwù. Bin à Nsi nsi tù' bèn mbe, a bèn ndo' zin mbèn yi ngô tà tsine.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

Neto'te 50:4

Ngelaṅ ze ndé'njù tse bo làn i tôg là, Yosèf tswi nkùn ndà Faraon ntshob ndù: A be ze bin tshàm ndèn màm nà, bin tshob ju ze me nsi tshob bin nà Faraon, me le'te zin neshu. Bin tshob yi ndù:

Neto'te 50:6

Faraon tshob ndù: Ko' nèn ntshoṅ tàan, ndaṅndaṅ mb'a na' ngù o kàn mfe là.

2 Kronika 16:14

bo tshoṅ i ntùm fi se tu wul i tswe' ntùm tusô David là. Bo yab fe i num ta' kunndà ndù bo tete ba nda boa labinda tse bo nabte num ze mat ngatamte labinda là. Bo ton mbe' yàm i num lén Asa, ndo' nku'ni lén se yi.

ṄWA'NI YOB 30:23

Tshù, me lèn mb'o ke nèn fà àm à vùkob, dù' ze njoṅ benntùn fa nsi bumte là.

Yobkwi 79:3

Bo fètte lem tshob mba ntse là, ndiaṅ Yérusalém yi mbume. Sàm mèn lo ke be z'a tshoṅ yub là.

Nzenu 12:5

Yen ngelaṅ nà bo nke mbwôg neko' nèn tù dù' z'a ṅate là, mbe zin num manze bwôg tshùb mèn, mbe be yen ngelaṅ nà ndù tù mbebe' sô nsàm mi, ngamntàn nke nswe' nse' num tsha'a, miag manyanje' kwù ndaṅndaṅ mba mènntùn num nke ntènte ndùlala, nke nenèn yoṅ ntshù', mbe be ndùlala ndù ghalàn vù yà ke ngebte nekua' là.

Nzenu 12:7

Bwôgmbwe nkwimte Mbom o kà mènntùn z'a be mbab là bèn njam ntùm tsha'a, z'a to' tum bwe là, kà ywèt bèn mbèn njam ntèt Nsi z'a to' fà i là.

Nzenu 6:3

Mo' mèn lo bwe yoṅ nkù, mbèn ntswe ngu'njù yàme, mba mb'a na' ntswe yàm nà, ze njoṅ fu' ke yoṅ nku'u, a ke ghù mba nda' dù' z'a nsi kwù bo tshoṅ i bwe là. Me tshob ndù:

Esaya 22:16

Ke z'o ghù nsen ni, we z'o ghù nsen ni kà nke ntswe' fi nsen ni à? A tshwèt ntswe' fi se mfe num dù' mbù' mbù'ù, a tshwèt ntshu dù'ntswe ntùm gholoṅ.

Matio 27:60

njab i ntùm fi se se nswe s'a na' nabte ntùm loṅ nà, mbwoṅte mo' loṅ, nkabte ntshu fi, nène.

Nebwôgte 4:22

Ndùlala me nsi kwù a ntùm yen ngô li, me ke nsi dut Yordan; là bin, bin nsi dule, lo' yen mbwô ngô là, a tù' zine.

1 Samuél 14:43

Saulo tshob Yonatan ndù: Soṅ àm ju z'o ghù là. Yonatan soṅ, ntshob ndù: Me lo lo' tu kôg s'a be bu àm nà nzwi'te metsit ṅwa' yi. Tshù me li, m'a' kwù.