Neto'te 5:3 - NTSHOB NSI

³ Ngelaṅ Adam kum ngu'njù bon tat nkù là, a bwe mén mandum num mfuni mi, z'a fut'é là, ntswi lén se ndù Set.

Neto'te 5:3 Iomraidhean Croise

Neto'te 4:25

Adam lo' nzwi i Eva, a bwe mén mandum. Eva tshob ndù: Nsi bèn mfà mo' mén mandum me num dù' Abél ze Kaïn zwi i là. Ndùlala, a tswi lén se ndù Set.

Neto'te 5:2

A nabte yube, mandum bo mènnzwi; Nsi yab kàn bo, ntswi lén sob mènntùn mum lé'njù s'a nabte yub là.

Neto'te 5:4

Adam bwe Set, mbèn ntswe ngu'njù nkù fome, mbwe bon bandum boa tse bènnzwi.

ṄWA'NI YOB 14:4

We z'a ghù nesô ju nelàn ntùm ze kelàn à? Sàm mènntùn ke bwe.

ṄWA'NI YOB 25:4

Be mènntùn tum mèn netsin num Nsi à ndùke? Be mèn ze mènnzwi bèn mbwe i là tum mèn nelàn mbwe i ké?

Yobkwi 51:5

Nummbe me lèn mfànnu màm. Nukebwô àm ke mb'a be mbwe njoṅ ndù fa.

Lukas 1:35

Angél bùnte, ntshob yi ndù: Ywèt Nelàn nsi se' num o, neta mfe tù kabt'o netshaṅ i. A nsi tshùa ndùlala, kà bo tsiaṅ mén nelàn nà z'o nsi bwe là ndù Mén Nsi.

Lukas 3:36

mén Kainam, mén Arfaksad, mén Sém, mén Noa, mén Lamék,

Yohané 3:6

Ze bo bwe i mbàb là b'a mbàb; ze bo bwe i Ywèt là b'a Ywèle.

Roma 5:12

A ndùlala, be ndaṅndaṅ nukebwô lo tshùa njam ta' mèn ntsho ntùm njù, vù tshùa njam nukebwô, là vù lo se' nsa num njoṅ benntùn fa, nummbe njoṅ yub fa lo ghù nukebwô.

1 Korintô 15:39

Njoṅ mbàb wut fa ke b'a mbàb wut ntshù'. Mo' b'a ze benntùn, mo' be ze ba nyàm, mo' be ze ba nsaṅe, mo' be ze ba ngontse.

1 Korintô 15:49

Ndonni, mba bag à bin na' ma' mfuni mèn nsitsha' là, bag à bin nsi bèn ma' mfuni mèn mfe kamànyam.

Efésô 2:3

mba bag yag lo be netèt tshen ben nà, njoṅ yag fa lo ke njôg ngelaṅ mbwe ntùm ba ghe'te mbàb wut yag, nke ngù tshu tse mbàb wut mba nkwate nukebwô kô là, ntùm neyene, mba bag yag na' mb'a bon yantù mba tsemo' ben nà.