Neto'te 5:24 - NTSHOB NSI

²⁴ Hénok lo ke nzin bo Nsi, ke bèn nebe, nummbe Nsi lo lo' i nèn yi.

Neto'te 5:24 Iomraidhean Croise

Neto'te 24:40

Abraham tshob me ndù: Tshùaben ze me ke nzin mbwe i là nsi tum Angél i wù bin yi nène, a nsi ghù ndù o jù bin yu nkatte: O nsi diag nzwi nshum àm à ntùm tunndà àm, ntùm ndà tàa.

Neto'te 37:30

Mbèn njam mbaṅ fèt tse ntshob ndù: Mén ke' bèn mbe mà tôntse. Me nsi ghù tshàm à ndùke?

Neto'te 42:36

Tà yub Yakob tshob bo ndù: Bin biagte bon tshàm fa! Yosèf ke' be, Siméon ke' bèn mbe, mbe ndù bin nsi lo' Benjamin ndonni. Njoṅ tshen tshu là fa vù à be tu àm!

Neto'te 5:22

Hénok nke nzin bo Nsi. A bwe Metusalem, mbèn ntswe ngu'njù nkù tat, mbwe bon bandum boa tse bènnzwi.

Neto'te 5:23

Hénok lo tswe ngu'njù ntshob tàn bon ntôg nkù tat.

Neto'te 5:25

Ngelaṅ Metusalem kum ngu'njù ntshob sammbàa bon fom nkù là, a bwe Lemek.

Neto'te 6:9

Tshù tshô Noa li: Noa na' mb'a mèn netsine, mèn mebwô netèt benntùn tse bo be num ze ngelaṅ nà. Noa lo ke nzin à bo Nsi.

2 Fenfen 2:1

Tshùaben lo be ket Elia ntùm Zim nèn yi mfe kamànyam ndù bo Elisa ke nèn Guilgal.

2 Fenfen 2:10

Elia tshob ndù: Ju z'o bètte là ta neshu. L'a be z'o yen àm ndùse Ywèt nsi lo' àm nèn yi là, mba yen nu là nsi bumte num o ndùlala, ntag ndùlala mb'a ke nsi bumte.

2 Fenfen 2:11

Mba bo be num manze nke ntshobte bo bo là, mo' kalig mbwôg boa nyàmdiaṅ fagte Elia bo Elisa, Elia ko' ntùm zim nèn mfe kamànyam.

2 Fenfen 2:12

Elisa nke ndôte nke nkua' ntshob ndù: Tà! Tà! Kalig Israél boa nyàmdiaṅ tse! A ke bèn neyen i. Ndùlal'a ghom nzwe tse mfag bag tse bàa;

Yobkwi 49:15

Bo be njab yub ntùm ngô fe ben mba bwoṅ nyàm nà. Vùkob be ntshagte yube, bo swe' ndaṅndaṅ nèn tà mà ntùm fi, ngô fe ben, tù' dù'ntswe yube.

Yobkwi 73:24

O nsi tshùa njam ntag mu tshagt'àm; o nsi bèn lo' àm ntùm ghamte.

Yérémia 31:15

Tshùaben bèn ntshob ndù: Bo tshwèt nju' nekua' nke mfe Rama. Nelàn vù bo netam keshù' mbimbi. Rashél ke ndàn à bon tse. A ke' bam ndù mèn fite ntù i num nu bon tse, nummbe bo ke' bèn mbe.

Matio 2:18

Bo lo ju' mo' nze mà Rama, nekua' mba netam keshù' yàm neshu: Rashél ke ndàn bon tse, ke kô ndù mèn fite ntù i, nummbe bo ke' bèn mbe.

Lukas 23:43

Yésu tshob yi ndù: Kua' nenùne, me tshob wù ndù: Sènni bag wù nsi be Paradis.

1 Yohané 1:7

Là, a be ze bag à bin zin ntùm nka', mba tu wul i be ntùm nka' là, mba bag à bin tamte be be, lem Yésu Mén i lànte be num njoṅ nukebwô fa.

Yuda 1:14

A num bo ze Hénok , mbatte mèn sammbàa fe num Adam, na' ntshob ntshob Nsi, ntshob ndù: Tshù, Tshùaben se' boa bwoṅ benntùn nelàne,