Neto'te 48:5 - NTSHOB NSI

⁵ Fe ndonni bon tsho tse bandum bàa, ts'o bwe yub ngô Egipto kà me nse' mbaṅ o Egipto là b'a tshàm. Efraim bo Manasé b'a tshàm bon ndaṅndaṅ mba Rubèn bo Siméon nà.

Neto'te 48:5 Iomraidhean Croise

Neto'te 46:20

Asnat ngon Potiféra ngale'te Nsi z'a ke ntswe tusô On nà lo bwe Manasé bo Efraim Yosèf mà Egipto.

Neto'te 48:1

Tshen nu là lo be tôge, mèn tshob Yosèf ndù: Tshù tàan nà z'a tshwèt ngon nà! Ndùlal'a lo' nshumnshum tse bàa, Manasé bo Efraim nèn bo à bo mbwe tàab Yakob.

Neto'te 48:6

Là bon ts'o bwe yub njam tshen ni là b'a tsho. Bo nsi tshùa njam lén fèt tshob tsiaṅ yub num ntsi'i.

Yobkwi 77:16

O lo tshùa njam bu o, ntshu' yu nzwit mèn, bon Yakob mba tse Yosèf.

Esaya 43:1

Yakob, tshù ju ze Tshùaben z'a na' nabt'o tshob ndonni li. Israél, tshù ju ze Tshùaben z'a na' mbom o tshob ndonni li. Kà bwôg sàm ju, nummbe me tshu' o. Me tsiaṅ o lén so, o b'a yàm mèn.

Ezékia 16:8

Me lo ke ntshùa mbaṅ o, njen o ntùm tsho ngu'njù ngùa, ngelaṅ ntù o ke ntam num nkôni là. Ndùlala me lo lo' tôg kummbaṅ sàm nkabt'o yi mb'o be tunntôg là. Me lo wat kàn bag wù, nsaṅlaṅ bwe ndù me nsi be mèn nenùn mbwe o. Ndùlala o tù' yàm ju. A b'a Tshùaben Nsi bèn ntshobe.

Ezékia 47:13

Tshù ju ze Tshùaben Nsi tshob li: Tshù ndùngô tse bin nsi ghabte tunndà Israél tse ntshob bàa gham ntsi' li. Bin fà ze Yosèf nze tse bàa.

Lévitiko 20:26

Bin nsi be ben nelàn num yàm tu, nummbe me Tshùaben b'a nelàne. Me lo fagte zin num ngôngô, ndùlala ndù bin be yàm nzwit mèn.

Malashi 3:17

Bo nsi b'a tshàm ben, Tshùaben tàndà ntsho bèn ntshobe. Bo nsi be tshàm ben mum lé'njù se me nabte là; me nsi ko ndèn mube, mba mèn be nko ndèn nshum i z'a be mfa' yi là.

Nesiaṅe 1:10

Num bon Yosèf, Manasé: Bin lo' Elishama, nshum Amihud, num tu Manasé bin lo' Gamliél nshum Pédatsur.

2 Korintô 6:18

Tshùaben ngatô njù tshob ndù: Tu wul àm, me nsi lo' zine, me nsi b'a Tà zin, bin be bon tshàm tse bandum mba tse bènnzwi.

Efésô 1:5

ntùm nkôni, a lo nabte be tà fe mbwe, ndù be bèn ntù' bon ts'a kwiagte là njam Yésu Kristô; yen ni b'a mb'a bwô i ntùm ze nekô là;

Héber 11:21

Njam bamntù, Yakob z'a tù' nekwù là, lo naṅ mbotni mba num zit mén Yosèf lo, nkwim ntunkekwi' mi nsi, nji'te tu kôg se.

Yoshua 13:7

A ndùlala, ghabte yen ngô là tshé' nzwit Israél bwe'e ts'a tù' là bo kam nzwit Manasé z'a tù' là.

Yoshua 14:4

Manasé bo Efraim tse nshumnshum Yosèf lo tamte mbe yub nzwit benntùn bàa. Bo ke fà tsha' ben Lévi ntùm ngô, mb'a b'a nda' dù' tusô num netswe bwe, bo dù' z'a njamnjam nà ndù nyàm tshob ke mfèt bwe, tshu tshob ke mbe bwe.