Neto'te 48:4 - NTSHOB NSI

⁴ Ntshob me ndù: Tshù, me nsi ghù o bwe, nzwil o yàme; me nsi lo' o ghù bwoṅ ngô yi, fà yen ngô li nzwil o, a be yub ju ntsi'i.

Neto'te 48:4 Iomraidhean Croise

Neto'te 12:2

Me nsi lo' o ghù tàa nzwit ndùb yi. Me nsi yab kàn wù, ghù lén so ju'ni. Kàn nsi ke fe à wù.

Neto'te 17:13

mb'a bwô ndù bo si ket se. Bo nsi tshebte kàn sàm mum mbàb wut zin, nedù a tù' kàn s'a tswe matmat là.

Neto'te 17:6

Me nsi ghù o bwe bon neshu; tsemo' netèt bo nsi tù' fenfen. Ngô yàm nsi tum num o.

Neto'te 17:8

Me nsi fà ngô z'o be ngùn ntùm bwe là wù bin nzwil o, boa njoṅ ngô Kanaan fa, a tù' yu matmat. Me nsi be Nsi zin.

Neto'te 22:17

me nsi yab kàn wù, ghù nzwil o yàm mba nsa mi a mfe kamànyam nà, njàm mba nkwango' mbaṅ dibantse là, ghù ndùlala kà nzwil o lo' ngô ghakeban tse.

Neto'te 26:4

me nsi ghù nzwil o yàm mba nsa mi a mfe kamànyam nà, me bèn mfà tshen ngô li nzwil o; me nsi tshùa njam nzwil o kà yab kàn njoṅ ngôngô nsitsha' fa.

Neto'te 28:3

A bwô ndù El-Shaddaï yab kàn wù ngù o bwe nzwil o yàme, ntù' mbumte ngôngô.

Neto'te 32:12

Tu wul o lo tshob ndù: Me nsi ghù mebwô wù; me nsi ghù nzwil o be mba nkwango' mi a dibantse là, njàm kà mèn ke ku'ni nesiaṅ yube.

Neto'te 35:11

Nsi tshob yi ndù: Me b'a Nsi Nganeta. Bwe bon nzwil o yàme, ta' tumngô boa ngôngô nsi tum num o, fenfen nsi tum zwe' o.

Neto'te 46:3

A tshob ndù: Me b'a Nsi, Nsi tàan. Kà bwôg neswe' nèn mà Egipto, nummbe me nsi te o mà bwe mba ngô ndùb là.

Neto'te 47:27

Ba Israél tswe ntùm ngô Egipto, bag ngô Gosen, bo ghù dù' bwe boa tshu yàme; mbwe nzwit yub bèn njàm neshu.

Yobkwi 127:3

Bon b'a ntsi' mi Tshùaben be mfà là, tàm zwe' mèn b'a nda' ze Tshùaben be mfà là.

Netume 1:11

Ndùlala bo yab ghatô netèt bo ndù bo lo' nànte mfa' ma'ni yub yi, yôg ta num bo. A tshùa ndùlala bo kut ba ndàlem Faraon: Pithom bo Ramsès.

Netume 1:7

Nzwit Israél zi, njàme, mbwe mbèn njàm neshu, bo ta, njàm kà ndun ntùm ngô.

Ezékia 37:25

Bo nsi tswe mum ngô ze me na' mfà ngafa' àm Yakob là. Mba tà tshob lo tswe bwe. Bo nsi tswe bwe, bo, bon tshobe, bon bon tshobe, ndùlala njoṅ ndù fa; ngafa' àm David nsi be mfen yub matmat.

Lévitiko 26:9

Me nsi kaṅ wul àm lôte zine, me nsi ghù bin sine, ghù bin yàme, me bèn nke mbéb kàn sàm se bag bin wat là.

Nebwôgte 32:8

Nsi z'a tà mfe tù là lo fà tse tsha' mba zit ngô lo, njab ndùnsi mba zit ngô lo nsi tswe bwe là ndùs'a ke nsate benntùn nà. A lo ghù njoṅ i fa à mfi' mba tse nshum Israél lo' njàm yi là;