Neto'te 48:21 - NTSHOB NSI

²¹ Israél be miagte mbèn ntshob Yosèf ndù: Tshù, m'a' kwù. Bin à Nsi nsi tù' bèn mbe, a bèn ndo' zin mbèn yi ngô tà tsine.

Neto'te 48:21 Iomraidhean Croise

Neto'te 12:5

Abram lo be tum Karan ndù a ghù ngu'njù ntshob tàn ṅam sammbàa. Abram lo' nzwi i Saraï, Lot mén mfèl i, njoṅ tshu fa ts'a ghù là, boa njoṅ tse ben fa ts'a ghù Karan nà, ntam manze nenèn Kanaan. Bo zin nkum bwe.

Neto'te 15:14

Me nsi naṅ ntsha tu ngô tse bo nsi be kuan bwe là, bo tum ntùm tshen ngô là boa mfu' yàme.

Neto'te 15:16

A nsi be tôg zwiaṅ benntùn kuà nzwil o bèn mbèn njam nsen ni; nummbe mfànnu ba Amor ke' yoṅ ndun me lo nsi num bo.

Neto'te 26:3

Tswe mum yen ngô li. Me nsi be bag wù, yab kàn wù, nummbe me nsi fà tshen ngô li wù mba nzwil o, me nsi ghù ndù nu ze me na' nka' tàan Abraham nà bumte;

Neto'te 28:15

Tshù, bag wù bèn mbe, me nsi béb o num njoṅ dù' fa ts'o nsi nèn nà, bèn lo' o se' yi mum yen ngô li, nummbe me ke nsi ghua' o ke be ndù me ghù ju ze me tshob wù là bumte.

Neto'te 37:1

Yakob tswe ntùm ngô Kanaan, dù' ze tàab na' ntswe là.

Neto'te 46:4

Tu wul àm bag wù nsi swe' nèn mà Egipto, tu wul àm, me nsi lo' o ko' yi mà bwe. A b'a kua' Yosèf nsi bèn fi miag mu.

Neto'te 47:29

Ngelaṅ ze ntswe'njù vù ghebte Israél là, a tsiaṅ nshum i Yosèf ntshob yi ndù: A be z'o ko ndèn màm nà, o yab bu o bam tammbwe àm, ngù nu bwôntù mba nenùn num àm; me le't'o ndù k'o tshoṅ àm Egipto.

Neto'te 50:24

Yosèf tshob fèt tse ndù: Me nsi kwù! Là Nsi a' lôte zine, ghù bin tum mà ntùm yen ngô li nko' nèn ntùm ngô z'a na' nsaṅlaṅ bwe fà Abraham, Isak mba Yakob là.

Neto'te 50:6

Faraon tshob ndù: Ko' nèn ntshoṅ tàan, ndaṅndaṅ mb'a na' ngù o kàn mfe là.

Yobkwi 18:46

Bon ba tum vù. Bo tshwèt mbe tum ntùm kàbngô tshob nke mvètte.

Lukas 2:29

Ndonni mba ntshob mu bumte là me Tshùaben, faṅ nkuan o ndù a nèn ntùm fite mb'o na' ntshob là.

Mfa' Ghantum 13:36

Nummbe David lo be miagte nefa' ze nekô Nsi num ze ngelaṅ, nkwù, bo bèn njab i mbaṅ ba tà tse, a bi.

Nebwôgte 30:3

mba kua' me Tshùaben Nsi o nsi lo' ben tsho tse bo be kuan nà bèn yi njam bèn ko ndèn mu, kùmte ben tsho netèt ntumntum tse me Tshùaben Nsi o tshag o bwe là.

Nebwôgte 31:8

Tu wut Tshùaben nsi ke zin mbwe o, bin yi ke mbe. A ke nsi ghua' o, ke kag bu o. Kà bwôg ke bèn mvètte.

2 Timôtio 4:6

Mba me là, bo à to' nefétt'àm, ngelaṅ nenèn ku' me.

Héber 7:3

A ke' ghù tà, ke ghù mà, ke ghù tunndà i, ke ghù neto'te lé'njù, ke ghù nemiagte yôg; a b'a mfuni Mén Nsi, a b'a ngale'te Nsi yoṅ ntshù'.

Héber 7:8

Ben nekwù bèn nke nkwé ta' bag ju num tse nze gham nsen ni, là nsen nà, a b'a mèn ze bo kwé nta mi ndù a b'a ntùn nà bèn nkwé ta' bag ju num tse nze gham.

Yoshua 1:5

Bag wù nsi ke be njoṅ ndù fa z'o ke' ntùn nà. Sàm mèn ke nsi bù' tu i nsi mbwe o. Me nsi ke be bag wù mba me na' mbe bag Mosé là; me ke nsi kag o; me ke nsi ghua' o.

Yoshua 1:9

Tshù ju ze me bètt'o yi li: Ghù tànntù bo fènntù. Kà bwôg, ke vètte, nummbe bin Tshùaben a' ke mbe mba yà lo dù' z'o nsi nèn nà.

Yoshua 23:14

Ndonni me ke nèn à num nze ze njoṅ benntùn fa ke nèn bwe là. Bin lèn njoṅ ntù zin fa bo njoṅ zwiag sin fa ndù njoṅ ntshob ntùn fa mi Tshùaben na' ntshob num bin nà bumte, ke faṅ sàm ta' i. Njoṅ i fa bumte num bin mba ta' i ntshù' ke' tù'.

Yoshua 3:7

Tshùaben tshob Yoshua ndù: Sènni m'a' to' nebù't'o num miag njoṅ bon Israél fa, ndùlala ndù bo lèn ndù bag wù nsi ke be mba bag Mosé na' nke mbe là.

2 Pétro 1:14

Nummbe me lèn ndù a tù' mén nda'nda' me tum ntùm ntàb àm, ndaṅndaṅ mba Tshùaben be Yésu Kristô na' nda'te me là.