Neto'te 48:10 - NTSHOB NSI

¹⁰ A lo be ndù ywèn à sènte miag mi k'a ke bèn neyene. Yosèf ghù bon tse kù'te nèn mbaṅ tàab, a tate yube, ntsiag yube.

Neto'te 48:10 Iomraidhean Croise

Neto'te 27:1

Isak lo ywène, miag mi to' nesènte, k'a ke bèn neyen nze. Ndùlala, a tsiaṅ nshum i Esau z'a ke nkô i là ntshob yi ndù: Nshum àm, a bùnte yi ndù: Tshù me li.

Neto'te 27:27

A kù'te nse' ntat'é. Isak ju' njwèt nzwe tse, njab kàn yi ntshob ndù: Tshù, njwèt nshum àm b'a mba njwèt nà ze Tshùaben naṅ mbotni bwe là.

Neto'te 31:55

Laban lo nsi mà nkebnjù, ntate bonnkat mi boa ngonngon tse, njab kàn bo nène. Laban lo mbèn njam la' i.

Neto'te 45:15

Yen ni be tôge, a tate njoṅ fèt tse fa, tsiag yub nke nkua'a. Yen ni be tshùa boa fèt tse tshobte.

Neto'te 48:11

Israél tshob Yosèf ndù: Me lo ke bèn ndèn ndù me ghù nebèn njen o, là Nsi ghù me yen mba nzwil o.

Neto'te 48:8

Israél lôte nshumnshum Yosèf bàa, ntshob ndù: A b'a we li à?

1 Fenfen 19:20

Elisa faṅ nyàmna' tse, nkù nde njam Elia ntshob ndù: Faṅ me nèn ndé'te tàa bo màa kà njôg ntam njam o. Elia bùnte yi ndù: Nèn mbèn nse'e, nummb'a bwô ndù o kwimte ju ze me ghù wù là.

Nzenu 12:3

mum lé'njù ze ghabéb ndà nsi vètte là. Lé'njù ze benntùn neta nsi ṅam wut tshob là, lé'njù ze bo nsi sébte njoṅ benntùn tse bo tshwèt ngo' ngefet là, kà lé'njù bènnzwi tse bo tshwèt ndôte tôndà là mi,

Esaya 59:1

Nga, bu Tshùaben ke' vôg neyôg zine. Ntoṅ mi ke' nente neju' nze zin.

Esaya 6:10

Ghù ntù yen ngô li sege, ghù ntoṅ mi sôgte, mem miag mi, ndù k'a yen miag mi, ke ju' ntoṅ mi, ke tshùb ju ntù i, ke kaṅ ntù, ndù kà bo yat'é.

Nebwôgte 34:7

Mosé lo be kwù ndù a ghù ngu'njù bon bàa nkù (120). Miag mi lo ke sènte, neta i ke bèn nkôge.

1 Samuél 3:2

A be num mo' tèttswe' Eli nô ze dù' nke nzi. A lo be be ndù miag mi a to' nke nsènte, k'a nke njen à ntatntat.

1 Samuél 4:15

Eli lo ywène, ngù ngu'njù ntshob fom ṅam bwe'e. Miag mi ke be kaṅte, a ke ke njene.