Neto'te 47:9 - NTSHOB NSI

⁹ Yakob bùnte Faraon ndù: A ndonni ngu'njù bon tat nkù mba me tshwèt ntsha mum njù là. Tshàm ngu'njù yôg kag, ke be mebwô, ke bèn ngebte num tse ba tà tshàm, num njoṅ ngelaṅ fa ze bo ke ntsha mum njù num yub ngelaṅ nà.

Neto'te 47:9 Iomraidhean Croise

Neto'te 11:11

Sém lo bwe Arpakshad mbèn ntswe ngu'njù nkù tàn. A bèn mbwe bon bandum boa tse bènnzwi.

Neto'te 35:28

Lé'njù yôg Isak na' mb'a bon bwe'e nkù.

Neto'te 47:28

Yakob lo tswe ntùm ngô Egipto ngu'njù ntshob sammbàa gham; ndùlal'a tamte ngù ngu'njù ntshob sammbàa bon kuà nkù.

Neto'te 47:8

Faraon tshob Yakob ndù: Lé'njù yôg so ghù ngu'njù tse si'i?

Neto'te 5:27

Metusalem lo tswe ngu'njù ntshob bwe'e bon ntôg nkù bwe'e, nkwù.

Neto'te 50:26

Yosèf be kwù ndù a tswe ngu'njù mén bùm nkù. Bo se' fe i ndù k'a bi, njab mum koṅ mà Egipto.

1 Kronika 29:15

Bag be num miag mu à mba ba ghùn nà, mba ghatshùanze, ndaṅndaṅ mba tà tshag là; lé'njù tshag ke ntshùa à mba netshaṅ nà, sàm mèn ke ku'ni nekwimte.

ṄWA'NI YOB 14:1

Mènntùn ze mènnzwi bwe i là, lé'njù yôg tse kag; là yôg se b'a be ntùm nge' ke faṅ lé'njù.

Yobkwi 119:19

Me b'a ntshùanze num nsitsha'a, kà lem àm ntshù' mu.

Yobkwi 119:54

Ntshù' mu b'a njobkwi me ntùm ndà ze me be ngùn bwe là.

Yobkwi 39:12

O be ntshobte mèn, naṅ ntsha tu i num mfànnu mi. O be mfèt ju z'a tanjoṅ yi là ndaṅndaṅ mba bangùa be mfèt tshu là. Ṅ, mba zit mèn no b'a mba ywèt ntshu là.

Yobkwi 39:13

Tshùaben, ju' le'te, nkù' ntoṅ num nkua' màm. Kà tù' mbu' mbwe ntsenyà màm! Nummbe me b'a ngùn la' o, ntshùanze ntùm ngô ndaṅndaṅ mba njoṅ tà tshàm fa là.

Yobkwi 39:5

Tshùaben, soṅ dù' ze yôg sàm nsi miagte bwe là. Mfi' yôg sàm b'a njoṅ ndùke, me lèn mba me fùag l'à?

Netume 6:4

Me lo bèn ngwat kàn bag à bo, num nefà ngô Kanaan, ngô ze bo be kù ntswe ntùm bwe, ndù bo lo tswe ntùm bwe là.

Netume 7:7

Mosé lo ghù ngu'njù ṅam fome, Aron ghù ngu'njù ntshob tat ṅam fome, ndùse bo ke ntshob nu Faraon nà.

2 Korintô 5:6

Ndùlala bag num ndun fènntù njoṅ ngelaṅ fa, là bag lèn ndù bag tswe à ngùanesà mbaṅ Tshùaben, ngelaṅ bag tswe ntùm yen wut li là.

Nebwôgte 34:7

Mosé lo be kwù ndù a ghù ngu'njù bon bàa nkù (120). Miag mi lo ke sènte, neta i ke bèn nkôge.

Héber 13:14

Nummbe bag à bin ke' ghù ngô z'a tswe yoṅ ntshù' là ntùm njù mànsi, là be ke ndiag à z'a nsi se' là.

Yakobo 4:14

bin tse bin ke' lèn ju ze ndamnjù nsi be yi là. Yôg sin b'a ke? Bin b'a ywèt tshaṅ ts'a be ntume, ke ghubte, mbèn mi là.

Yoshua 24:29

Yoshua nshum Nun, ngafa' Tshùaben lo be kwù, ndù a ghù ngu'njù mén mbùm nkù.

1 Pétro 2:11

Fèt tshàm tse nkôni, me tsiaṅ zin tse bin b'a ghùn mba ghakatte là ndù bin kù ghe'te mbàb wut ts'a num ma' mèn ntsho là.