Neto'te 47:6 - NTSHOB NSI

⁶ Tshù ngô Egipto là num miag mu. Te tàan boa fèt tsho num dù' tsha' ntùn ntùm ngô. A bwô ndù bo tswe Gosen; a be z'o yen ben tse bo ku'ni netèt bo là, o yab yub num nebéb nyàm tshàm.

Neto'te 47:6 Iomraidhean Croise

Neto'te 13:10

Lot bù' miag mi, njen njoṅ tômbo' Yordan mb'a tshwèt mfite njoṅ dù' fa là! Tshùaben lo be sate Sodom bo Gomora, a nke ntswe à mba nka' Tshùaben nà, mba ngô Egipto ngelaṅ mèn ke mfe à nze Tsoar là.

Neto'te 13:9

Njoṅ ngô fa ke là mbw'o ké? Ndùlala be fagte: A be z'o nèn bu kwéb là, mba m'a' nèn bu zwim, nèn bu zwim mba m'a' nèn bu kwéb.

Neto'te 20:15

Abimélék bèn ntshob mba ndù: Tshù ngô àm n'a naṅ mbwe o là. Te mba yà lo z'a bwô o là.

Neto'te 34:10

Bag bin nsi ke tswe, ngô nsi b'a zine. Bin tswe mum bwe, nzinte nèn mba yà lo, ntete bwe.

Neto'te 45:10

O nsi tswe mum ngô Gosen, dù' z'o nsi ghebte mbaṅ àm nà, tu wul o, bon tsho tse bandum, nyàm tsho tse nke'nke' boa tse ndùbndùb, boa njoṅ tshu fa ts'a b'a tsho là.

Neto'te 46:34

bètte ju ze bin ke mfa' là, bin bùnte yi ndù: Ghafa' tsho b'a ghakwiagte nyàm, fe ngelaṅ mônke' tà nkum sènni, ke b'a nda' bag, mba tà tshage. A nsi tshùa ndùlala bin tswe Gosen, nummbe njoṅ ba Egipto fa ke' be kô ghabéb mbwe.

Neto'te 47:11

Yosèf te tàab boa fèt tse, mfà yub dù'ntswe mum ngô Egipto ntùm dù' tsha' ntùn z'a be ntùm ngô là, ntùm bag ngô Ramsès, ndaṅndaṅ mba Faraon tshob là.

Neto'te 47:16

Yosèf tshob bo ndù: Bin fà nyàm tsine, me nsi fà jujù bin lo' bate nyàm tsin yi, a be ze nkàb ke' bèn mbe là.

Neto'te 47:4

Bo bèn ntshob Faraon ndù: Bag se' netswe à mum ngô, nummbe nenà mbwe ke' bèn mbe ghafa' tsho; tshù nziku' vù mum njoṅ ngô Kanaan fa. Ndùlala bam ghafa' tsho ndù bo tswe ngô Gosen.

Neto'te 47:5

Faraon tshob Yosèf ndù: Tàan boa fèt tsho se' mbaṅ o.

1 Fenfen 11:28

Yéroboam na' mb'a neta mônke', ndù ngù' num yi. Ndùse Salomon yen i tshwèt fa' là, a fà njoṅ ghanjôgmasi fa tse bo tum ntùm tunndà Yosèf là yi.

2 Kronika 26:10

A kut ba dù' nebéb dù' num kônkwa, ntswe' ntôntse yàme, nummb'a lo ghù nyàm yàm ntùm ntômbo' mba tun mbale, ngù ghadù' nà boa ghadù' ntù ndu' num mbat Karmél, nummb'a lo kô nu nedù' tsha' kua' mebwô.

Netume 18:21

Yen nà mbe tôge, o lôte ntùm ngô, ntsho' kum benntùn bwe, tse bo be mbwôg Nsi, tse ngô lèn yube, tse be mèn ke fùte yub là, nte yub mum ngô, mo' ke nsa' ben ntsha' mbùm, mo' sa' ben nkù, mo' sa' ben ṅam ntàn, mo' sa' ben gham.

Netume 18:25

Mosé tsho' kum benntùn ntùm njoṅ ngô Israél fa, njab yub num tu ngô, mo' num ben ntsha' mbùm, mo' num ben nkù, mo' num ben ṅam ntàn, mo' num ben gham.

Netume 9:10

Bo lo' bwembwôg ntùm ndà mbwôge, ntsin mbwe Faraon; Mosé ma' tù, a kag nkeko'o, nsô ndô ndô ntshu tse num benntùn boa nyàm.

Netume 9:21

Là ben tse bo ke ngwag ntshob Tshùaben nà faṅ ghafa' tshob boa nyàm tshob mà tshwèt.

Tànkùt 21:1

Ntù mfen ke mb'a koṅntse ntùm mbu Tshùaben; a be mben i ma' mba yà lo z'a kô là.

Tànkùt 22:29

O to' yen nkum ngafa' tshwèt fa' ké? A nsi b'a num fa' fenfen ke b'a mbaṅ lamte benntùn.

Yérémia 40:4

Ndonni me tshu' o num ntshan mi o ghù mum mbu mu là sènni; a be z'o kô ndù be nèn Babilon nà, o se', me nsi tomt'o; a be z'a ke' bwô o nenèn Babilon nà, kà se'; tshù ngô fa là mbwe o, mba yà lo ze nu tse bwô o, o kô nenèn bwe là o nèn.

Yohané 17:2

Mb'o na' mfà ngù' yi num njoṅ benntùn fa, ndùlala ndù njoṅ i fa ts'o fà yi là, a fà yôg matmat bo là.

1 Samuél 21:7

Ndùlala ngafà tshule'te fà bàn nelàn David, nummbe mo' bàn lo ke be nsi k'a ke b'a tshen nà tse bo lo' mbwe Tshùaben, kà njab tse nedum bwe ndo' mbate yub yi là.