Neto'te 47:25 - NTSHOB NSI

²⁵ Bo bùnte ndù: O neyôg yage! A be ze tshùaben ko ndèn mag là, mba bag nsi be kuan Faraon.

Neto'te 47:25 Iomraidhean Croise

Neto'te 18:3

ntshob ndù: Tshùaben àm, a be ze me b'a ngafen num miag mu là, kà nànte ntôg ngafa' o me ntshùa nène.

Neto'te 32:6

Ben tse Yakob tum nà bèn njam ntshob yi ndù: Bag nèn mbaṅ mfèl o Esau; tshù i là z'a tshwèt nse' bin yi bumte boa benntùn nkù kuà là.

Neto'te 33:15

Esau tshob ndù: M'a' faṅ mo' bag benntùn netèt ben tshàm wù! Yakob bùnte ndù: Mb'a kua' numke? A bwô, nda' ndù be tshùaben àm ke faṅ ndùlala ké?

Neto'te 41:45

Faraon yab lén Yosèf ndù Tsafnat Paenéak; a fà mènnzwi Yosèf, lén se Asnat, ngon Potiféra. A b'a ngon ngale'te Nsi z'a ke ntswe tusô On nà. Yosèf zinte ntùm njoṅ ngô Egipto fa num nelèn dù'.

Neto'te 47:24

Ndùse bin tsho' tshu là mba bin nsi ghabte nze tàn fà nze ntshù' Faraon, lo' nze kuà num nebèn njwit nà yi, mba nekém wut tsin yi boa bon tsine, mba ben tse bo be ndà bin nà.

Neto'te 47:26

Yosèf lo' yen nu là ngù kàn yi mum ngô Egipto tà nse' nkum sènni; yen nà b'a ndù mbatte bag ju tàn num tshu ts'a tum mum tsha' là b'a ze Faraon; a nda' tsha' ghale'te Nsi là ts'a ke' be tse Faraon nà.

Neto'te 50:20

Bin lo kwate neghù nukebwô num àm, là Nsi kaṅ a tù' ze mebwô num neghù ndù nu ze bin tshwèt njen sènni là bumte, yen nà b'a ndù neyôg ta' ngô z'a ghù benntùn yàm nà.

Neto'te 6:19

Tsho ntùm sitima bin à njoṅ tshu fa ts'a be njôg là, o ke ndo' yub bàa bàa, mandum bo mènnzwi, mba zit lo num ze tshaṅ i.

ṄWA'NI RUT 2:13

A tshob ndù: O tshùaben àm, o la'te kondèn o num àm! Nummb'o fite ntù àm, ntshob nu ntù ngafa' o ze mènnzwi, mba mba me ke' be ndaṅndaṅ mba mo' ta' ghafa' tsho tse bènnzwi là.