Neto'te 47:22 - NTSHOB NSI

²² Nda' ndù a lo ke jun tsha' ghale'te Nsi, nummbe Faraon lo lo' mo' ntshù' num ze nu ghale'te Nsi. Bo nke ndo' ju ze Faraon ke mfà bo là njôg yi. Tshù ju z'a na' ngù bo ke swèn tshob tsha' là.

Neto'te 47:22 Iomraidhean Croise

Neto'te 14:18

Mélkisédék, mfen Salém, mbèn mbe ngale'te Nsi z'a tà mfe tù là, a ghù bo lo' bàn bo ndu' nse' mfà Abram.

Neto'te 41:45

Faraon yab lén Yosèf ndù Tsafnat Paenéak; a fà mènnzwi Yosèf, lén se Asnat, ngon Potiféra. A b'a ngon ngale'te Nsi z'a ke ntswe tusô On nà. Yosèf zinte ntùm njoṅ ngô Egipto fa num nelèn dù'.

Neto'te 41:50

Ngu'njù nziku' lo be se', ndù Asnat ngon Potiféra, ngale'te Nsi z'a ke ntswe tusô On nà bwe bon bandum Yosèf bàa.

Neto'te 47:21

A ghù benntùn nèn mum ntusô, nelo mo' taṅ ngô nèn nkum mum mo'o, mum ngô Egipto.

Neto'te 47:23

Yosèf tshob ngô ndù: Me jun zin sènni boa tsha' tsine, num se lén Faraon. Tshù nzwit ju là; bin ghù neywit nà.

Neto'te 47:26

Yosèf lo' yen nu là ngù kàn yi mum ngô Egipto tà nse' nkum sènni; yen nà b'a ndù mbatte bag ju tàn num tshu ts'a tum mum tsha' là b'a ze Faraon; a nda' tsha' ghale'te Nsi là ts'a ke' be tse Faraon nà.

2 Samuél 8:18

Benaya nshum Yéhoyada be mfen ba Kérét boa ba Pélét tse bo ke mbéb David là; tse nshum David na' mb'a mbwe kamkam mbaṅ mfen.

Esdra 7:24

Bag ke' bam bin ndù bin kwé ntshub, ke tagsi, ke nekwé nkàb bam ntshùa lo sàm ngale'te, sàm mèn Lévi, sàm ngayobkwi, sàm ngabéb nzendà, ke sàm mèn Nétinia, ke sàm ngafa' lo ntùm yen Ndà Nsi li.

Néhémi 13:10

Me bèn ndèn mba ndù bo na' ke be fà ze ju ba Lévi, boa ghayobkwi tse bo ke mfa' fa' Nsi là, bo na' kù, mèn nke nèn ntùm ze nà, mèn nke nèn ntùm ze nà.

Matio 10:10

ke lo' bàm num katte, ke lo' nzwe bàa mba nketo'o, ke lo' kôg, nummbe ngafa' ku'ni num jujù i.

1 Korintô 9:13

Bin ke' lèn ndù ben tse bo ke mfa' fa' Ndà Nsi là ke njôg à num tshu ts'a tum Ndà Nsi là ké? Bin ke' lèn ndù ghafa' tômbwôg ke njôg à num tômbwôg ké?

Galatia 6:6

A bwô ndù ngazi'te ntshob Nsi ghù ndù ngatswit'é ghù ze bag i ntùm njoṅ tshu tse tse mebwô fa.

Nebwôgte 12:19

Zete là newag mèn Lévi mba zit ngelaṅ no z'o nsi ke' ntùn ntùm yu ngô là.

2 Tésalônikà 3:10

Nummbe ngelaṅ bag na' mbe la' bin nà, bag lo tshob yen ni bin ndù: A be ze mèn ke' kô nefa' là, k'a nebèn njù ju.

1 Timôtio 5:17

Ghakwé mbwe tse bo tshùb sob fa' mebwô là, ku'ni nekwé ghamte yoṅ bàa, njôg mbe ben tse bo num ndab wut tshob ntùm netshob ntshob Nsi mba netswite là.