Neto'te 47:11 - NTSHOB NSI

¹¹ Yosèf te tàab boa fèt tse, mfà yub dù'ntswe mum ngô Egipto ntùm dù' tsha' ntùn z'a be ntùm ngô là, ntùm bag ngô Ramsès, ndaṅndaṅ mba Faraon tshob là.

Neto'te 47:11 Iomraidhean Croise

Neto'te 46:34

bètte ju ze bin ke mfa' là, bin bùnte yi ndù: Ghafa' tsho b'a ghakwiagte nyàm, fe ngelaṅ mônke' tà nkum sènni, ke b'a nda' bag, mba tà tshage. A nsi tshùa ndùlala bin tswe Gosen, nummbe njoṅ ba Egipto fa ke' be kô ghabéb mbwe.

Neto'te 47:27

Ba Israél tswe ntùm ngô Egipto, bag ngô Gosen, bo ghù dù' bwe boa tshu yàme; mbwe nzwit yub bèn njàm neshu.

Neto'te 47:6

Tshù ngô Egipto là num miag mu. Te tàan boa fèt tsho num dù' tsha' ntùn ntùm ngô. A bwô ndù bo tswe Gosen; a be z'o yen ben tse bo ku'ni netèt bo là, o yab yub num nebéb nyàm tshàm.

Netume 1:11

Ndùlala bo yab ghatô netèt bo ndù bo lo' nànte mfa' ma'ni yub yi, yôg ta num bo. A tshùa ndùlala bo kut ba ndàlem Faraon: Pithom bo Ramsès.

Netume 12:37

Ba Israél lo Ramsès nèn Sukkot; bo na' mb'a benntùn nguan 600 000, ke siaṅ bènnzwi boa bônke'.

Esaya 22:24

A nsi be ntom num njoṅ nkuni tunndà tàab, neto' num mbu ntù ntùn mba mfenyu' mbu ntù, neto' num njoṅ tshundà nke'nke' fa, ntu' mba nkab.

Nesiaṅe 33:3

Bo lo Ramsès num lé'njù ntshob tàn gham num yen mbwe maṅwù là. A lo be num lé'njù z'a batte Pasa là, ba Israél tum yub tu, ba Egipto nke njene.

Yohané 10:10

Ntshô ke nse' à be nda' num neyi, num nezwi, mba num nebagte. Tu wul àm, me se' à ndù bo ghù yôg, mbèn ngù ntshùate.

Yohané 10:28

Me num mfà yôg matmat bo, bo ke nsi bi yoṅ ntshù', sàm mèn ke nsi sô yub bu àm.

Yohané 14:2

Dù'ntswe num ntùm ndà Tàa yàme; a lo mbe ndù a ke' be, mba me lo tshob bin, nummbe me tshwèt nèn nenabte dù' bin.

Yohané 14:23

Yésu bùnte ntshob yi ndù: A be ze mèn kô àm nà, mb'a nsi lé' ntshob màm, mba Tàa nsi kô i, mba bag nsi se' yi, mba bag nsi ghù dù' ntswe mbaṅ i.

Yohané 17:2

Mb'o na' mfà ngù' yi num njoṅ benntùn fa, ndùlala ndù njoṅ i fa ts'o fà yi là, a fà yôg matmat bo là.

Yohané 17:24

Tà, ben ts'o fà me là, me kô ndù dù' ze me be bwe là, mba bo be yub bwe bag à bo, ndùlala ndù bo yen nkuni màm mi o fà me là. Nummbe o lo kô àm kà nenabte njù mbe.