Neto'te 46:1 - NTSHOB NSI

¹ Israél lo' njoṅ tshu fa ts'a ghù là nène, nzin nkum Ber-Shéba mfà jule'te Nsi tàab Isak bwe.

Neto'te 46:1 Iomraidhean Croise

Neto'te 12:8

A lo nsen nà nèn num mbat z'a be Bétél, nze bag ntumnyam nà nte ntàb i bwe. Bétél be mbinyam, Aï be bag ntumnyam. A bom tômbwôg le'te Tshùaben bwe, ntsiaṅ lén Tshùaben.

Neto'te 21:14

Abraham lo nsi mà nkebnjù ndo' bàn bo ntu' ntse mfà Agar, njab nshum i num nkembe' i, nta' i. A nèn mfàn manze nke ntsha num kônkwa Ber-Shéba.

Neto'te 21:31

A num ndùlala ze bo be ntsiaṅ yen dù' là ndù Ber-Shéba là; nummb'a b'a dù' ze bo kàn mfe bwe bo bo là.

Neto'te 21:33

Abraham bwe ntù tamaris Ber-Shéba, ntsiaṅ lén Tshùaben, Nsi matmat bwe.

Neto'te 22:13

Abraham bù' miag mi njen mo' komnjù ndù ndù' lamte num ndô mi num tswe'tù. Abraham nèn nkiagte komnjù là, nton Nsi num ze dù' nshum i.

Neto'te 28:10

Yakob lo Ber-Shéba nèn Karan.

Neto'te 28:13

Tshùaben lo tsin mfe tu tuko' ntshob ndù: Me b'a Tshùaben Nsi tàan Abraham bo Nsi Isak. Dù' tsha' z'o nô num bwe là, me nsi fà i wù mba nzwil o.

Neto'te 31:42

Nsi tàa, Nsi Abraham, Ngafétwut ze Isak be mbwôg i là, lo mbe ke be njam àm mb'o ta' àm ndonni mbu ndaṅe. Nsi yen yàm ngùtni bo nge' ze mbu màm yen nà. A lo mbe tèttswe' nkôg nkeb ntsha.

Neto'te 31:53

A bwô ndù Nsi Abraham bo Nakor be ngakeb ntsha netèt be. Yakob lo' Ngafétwut ze Isak be mbwôg i là nkàn mfe yi.

Neto'te 33:20

A bom tômbwôg le'te Nsi bwe, njab lén se ndù El-Elohé-Israél, Nsi b'a Nsi Israél.

Neto'te 35:3

Bag bin nsi lo ko' nèn Bétél; me nsi tsho bwe bom tômbwôg le'te Nsi z'a na' nju' nz'àm ngelaṅ nge' là; bag yi lo ke mbe num njoṅ ngelaṅ fa me be tshwèt nkatte là.

Neto'te 35:7

A bom tômbwôg le'te bwe, njab lén se ndù El-Bétél, nummb'a b'a bwe là ze Nsi ṅwag yi, ndùs'a ke nkù mfèl i là.

Neto'te 4:4

Abél num ze bag i, fà mbwe bon nyàm tse, mfà mba kua' nzit mube. Ndùlala Tshùaben bam Abél mba ze ju bwôntù.

Neto'te 45:28

Israél tshob ndù: A ku'u! Mén àm Yosèf ke' ntùn, m'a' nèn nte lag num i kà nkwù.

Neto'te 8:20

Noa kut tômbwôg le'te Tshùaben. A lo' nyàm netèt tse nelàne, ndo' nsaṅ netèt mi nelàne, nton yub Tshùaben num tômbwôg le'te Nsi.

ṄWA'NI YOB 1:5

A lo ke mbe ndùse lé'njù njùa fa yà tôg là, Yob tum bo tsiaṅ nshumnshum tse, a sôg yube. Ndùse njù làn nà, a ton ta' nyàm Tshùaben mba num lén zit nshum i lo. Nummb'a lo ke ntshob ntù i ndù: Mo' ndù nshumnshum tshàm ghù nukebwô, nso ndon tu Nsi ntùm ntù bo. Yob nke ngù be ndùlala mba num zit yoṅ i lo.

ṄWA'NI YOB 42:8

Ndonni a bwô ndù bin lo' mfot mfô sammbàa boa nkomnjù sammbàa, nèn mbwe ngafa' àm Yob, nton yub mba jule'te là num zin tu wut. Yob ngafa' àm a' le't'àm num tu bin. A nsi tshùa njam i kà me be ke yab nge' num bin à ndaṅndaṅ mba bà zin be yi là. Nummbe bin lo ke tshob nunenùn num àm mba ngafa' àm Yob na' ntshob là.

Amos 7:9

Bo nsi sate njoṅ tse mbwe' Isak fa ts'a kônga là; njoṅ tse mbwe' Israél fa nsi vù fam. Me nsi lo' ṅwi lo yi nsi num tunndà Yéroboam.

Mfa' Ghantum 7:15

Yakob swe' nèn Egipto, ntsho nkwù bwe mba ba tà be.

Yoshua 24:4

Me lo fà Yakob bo Esau Isak, mfà mbat Seir Esau mba tse tsha' là, là ngù Yakob boa bon tse swe' nèn mà Egipto.

1 Samuél 3:20

Njoṅ ba Israél fa, nelo mo' taṅ ngô nèn nkum num mo' taṅ ngô lèn ndù Samuél b'a ngatshob ntshob Tshùaben.

1 Samuél 8:2

Lén tuswe i na' mb'a Yoél, se mbatte bàa be Abiya. Bo na' mb'a ghasa'kame, nke ntswe Ber-Shéba.