Neto'te 45:6 - NTSHOB NSI

⁶ Tshù, a ndonni ngu'njù bàa mba nziku' se ka mum ngô là, a nke ntù' ngu'njù tàn ze fa' nedù' tsha' bo netsho' tshu ke nsi be là.

Neto'te 45:6 Iomraidhean Croise

Neto'te 37:2

Tshù tunndà Yakob li: Yosèf lo ghù ngu'njù ntshob sammbàa gham, nke mbéb nyàm tàab boa fèt tse, tse bo b'a bon Bila bo Zilpa zwi tàab là. Yosèf nke nsoṅ tàab bon tshu kebwô tse fèt tse ke ngù là.

Neto'te 41:35

Bo nsi tse'te jujù num tshen ngu'njù ntùn nà ts'a tshwèt nse' là; bo nsi lem njoṅ i fa ntùm nta, tu wut Faraon ke nte lag bwe; a bwô bo lé' njoṅ jujù fa ntùm ntusô ndùbndùb.

Neto'te 41:46

Yosèf lo be nèn mbwe Faraon mfen Egipto ndù a ghù ngu'njù ṅam ntat; ndùs'a lo mbwe Faraon nà, a katte ntùm njoṅ ngô Egipto fa.

Neto'te 41:53

Ngu'njù jujù sammbàa ntùm ngô Egipto tôg.

Neto'te 41:54

Ngu'njù nziku' sammbàa to' nese' ndaṅndaṅ mba Yosèf tshob là. Nziku' be ntùm njoṅ tsemo' ngô fafa; là ntùm njoṅ ngô Egipto fa jujù ke bwoṅ bwe.

Neto'te 41:56

Nziku' be njoṅ dù' fa mum ngô Egipto. Ndùlala Yosèf tsho' njoṅ nze nta fa, nswèn nsa ba Egipto. Nziku' nke nèn be mbwe mà Egipto.

Neto'te 47:18

Yen ngu'njù là lo be tshùa, bo bèn nse' ntshob Yosèf mo' ngu'njù ndù: Bag ke' ghù nelem tshùaben ndù nkàb ke' bèn mbe, mba ndù bag lo à lo' nyàm fa nse' mfà tshùaben; nda' ju z'a tù' mbwe tshùaben nà b'a wut tshag mba tsha' tshage.

Neto'te 47:23

Yosèf tshob ngô ndù: Me jun zin sènni boa tsha' tsine, num se lén Faraon. Tshù nzwit ju là; bin ghù neywit nà.

Netume 34:21

O nsi ke fa' num lé'njù ntôge, fite wul o num mbatte lé'njù sammbàa. O nsi ke fite mba num ngelaṅ nedù' nà bo ze netsho' tshu.

Esaya 30:24

Nyàmna' boa nkekwèn tse bo be ndù' tsha' là nsi jù jujù ntùn bo ma' ngwa bwe là, ju ze bo lo' ke'te ndùb bo ze nke' nke'te yi là.

Nebwôgte 21:4

Bo nsi lo' yen metshab mfô là nèn yi mbaṅ ta' fub se ntse ke' be jumte bwe, bo ke bèn ndù' sàm ju bwe là; bo nsi dù' ntô metshab mfô ntùm sen fub là.

1 Samuél 8:12

A nsi lo' tsemo' ghù ghatô benntùn ntsha' mbùm yi, tsemo' ke ntô benntùn ṅam ntàn; tsemo' a' ke ndù' tsha' tse, tsemo' nke ntsho' tshu tse, tsemo' nke nabte tshu ntsho boa nkalig ntsho.