Neto'te 45:1 - NTSHOB NSI

¹ Ndùlala Yosèf ke bèn nku'ni netshùb ntù i mbwe njoṅ tse ben fa tse boa bo be là, a kua' ntshob ndù: Bin ghù njoṅ benntùn fa lo mbaṅ àm; sàm mèn ke bèn ntù' mbaṅ Yosèf ndùs'a ke nda'te wul i fèt tse là;

Neto'te 45:1 Iomraidhean Croise

Neto'te 42:24

Yosèf lo mbaṅ bo, nsôte wul i num bo, ndàne. A bèn nse'e, ntshobte boa bo, ngù bo ghom Siméon be num miag mube, nkul i ma' ndàtsha.

Neto'te 44:34

Be me ko' nèn mbaṅ tàa ke be ndù bag mén nà bèn mbe à ndùke? Me ke' kô nelo' lag sàm njen nge' z'a nsi tsho num tàa là yi.

2 Samuél 1:20

Kà tswi yen nkùn nà Gat, kà tshob yen tshô là num manze ts'a Askalon nà, mbwôg ndù kà ngonngon Filistia tsiaṅte, mbwôg ndù kà ngonngon ba kesiket yob ngu'u tshùa ntsho.

2 Samuél 13:9

Tamar lo' ka njab ntùm bwe mbwe i. Là Ammon gha nefèle. Ammon tshob ndù: Ghù benntùn tume. Benntùn fa tum ndà i.

Esaya 42:14

Me lo tswe ntshu mi' tà ndùke lo, me lo ke tshob nu, me lo tshùb ntù àm. Là ndonni me nsi kua' mba mènnzwi z'a tshwèt ndùbte là. Me nsi tswe, zwiag sàm tum à kua' nenànte.

Yérémia 20:9

A be ze me tshob ndù me ke bèn nekwat'é, me ke bèn ntshob nu num lén se là, mba mo' ju nsi ke be ntùm ntù àm mba mbwôg z'a tshwèt nkù là, ndù yen ju là lem tà ntùm mvôg màm. Me be nkagtùn nefènt'é, là ke ku'ni tshàm.

Sakaria 12:10

Ndùlala me nsi naṅ ywèt kondèn mba tse le'te num tunndà David mba num ba Yérusalém; bo nsi kaṅ se yub te num àm, mèn ze bo na' nsob i là. Bo nsi kua' num i ndaṅndaṅ mba bo be nkua' num mén ntshù' là. Bo nsi làn i kua' zwezwe mba bo be ndàn tuswe mén nà.

Matio 18:15

A be ze mfèl o ghù nukebwô wù là, o nèn ntèl i, nsoṅ i nu z'a ghù wù là, ntswe bin yi ntu bàa, ntshobt'é; a be z'a ju' o là, mb'o yôg mfèl o.

Mfa' Ghantum 10:41

ke b'a njoṅ benntùn fa, là be nda' ghakwénta tse Nsi na' mbwôgmbwe ntsho' yub là; bag tse bag à bo jù mbèn nu, ngelaṅ a bam num vù là.

Mfa' Ghantum 7:13

Bo be bèn mbatte nkatte yoṅ bàa, Yosèf ghù fèt tse lèn i, Faraon lèn tunndà ze Yosèf tum bwe là.

1 Korintô 13:5

A ke' be ghù nu tuswe, a ke' be diag à ju z'a bwô à nda' yi là, a ke' be ya ntù, a ke' be kwimte nukebwô,