Neto'te 44:16 - NTSHOB NSI

¹⁶ Yuda bùnte ndù: Ke ze be bag tshob tshùaben à? Be bag tshob à ndùke nelo' nkwé nta wut yag yi à? Nsi yen nukebwô ghafa' tsho. Ndonni a bwô ndù bag tù' kuan tshùaben àm bag à mén ze bo fon ntu' bàm i là.

Neto'te 44:16 Iomraidhean Croise

Neto'te 37:7

Bag bin lo ke nkut mbèn mà tshwèt, sàm bèn lo tsin tù, min diaṅ àm mbume, ngwùte nsi mbwe i.

Neto'te 37:9

A bèn nzi mo' njem, nsoṅ fèt tse. A tshob ndù: Me bèn nzi mo' njem! Njen ndù lagnyam, maṅwù boa nsa ntshob ntshù' gham vùte nsi mbwe àm.

Neto'te 44:17

Là Yosèf tshob ndù: Yen nkwate là nèn ngùanesà mbaṅ àm. Mén ze bo fon ntu' bàm i là, a yi bèn tù' nkuan àm. Mbe se' mba bin nà, bin bèn njam ntèt tà zin ntùm fite.

Neto'te 44:32

Ngafa' o me lo lo' wul àm nte tshwèt yi num tu mén ni mbwe tàa ntshob ndù: A be ze me ke' lo' i nse' yi là, mba me nsi be ngafànnu mbwe tàa njoṅ ngelaṅ fa me be ntùn nà.

Neto'te 44:9

Mba we lo netèt ghafa' tsho z'o nsi tèt ju mbit yi là, mba bo nsi zwi i, tu wut tshag bèn ntù' kuan tshùaben àm.

1 Fenfen 17:18

Mènnzwi là tshob Elia ndù: A ze be nu ke mèn Nsi? O se' ndà àm à ndù Nsi kwimte mfànnu màm, mén àm kwù ké?

Esdra 9:10

Wù Nsi yag, be bag bèn ntshob à ndùke ndonni à?

Esdra 9:15

Tshùaben Nsi Israél, o b'a mèn netsine, bag tse bag b'a mbwe' vùkob sènni là, tshù bag li mbwe o bag à nukebwô yag. Bag lèn mb'a tshùa num nukebwô bag ke bèn nku'ni netsin mbwe o kà mbe ntùn.

ṄWA'NI YOB 40:4

yen àm njene, me ke' ku' sàm ju mba metsili, ke ze me ku'ni nebùnte wù à? Me mem ntshu àm, mi ntswe.

Tànkùt 17:15

Mèn z'a be nkabte mèn kebwô bo mèn z'a be mbote mèn netsin nà, tamte ntu bàa mb'a be mat ntshù' num miag Tshùaben, nu tshob be mbag i.

Tànkùt 28:17

Mèn ze lem mo' mèn dun tu i là nsi kù tà kum ntùm tàm. Kà mèn sô i bwe.

Esaya 27:9

Tshù mba me nsi bwete mfànnu nzwit Israél li, mbèn njen lèn tàm se nelagte nukebwô i nsi yàm ni: A nyute ndoṅ tômbwôg a mba bo be nyute nke' mbem nà. Tse neto Astarté boa bebun lagnyam ke nsi bèn be tù;

Esaya 5:3

Ndonni a bwô ndù bin ba Yérusalém mba ba Yuda, bin be ghatsho'te netèl àm bag tù ndu' sàm.

Daniel 9:7

Tshùaben, nunetsin tù' fe à nda' wù. Mba bag là, nda' tuswe bèn ko yag sen lé'njù li, ba Yuda, ba Yérusalém, njoṅ ba Israél fa, tse bo ghebte mba tse bo be ngùanesà, ntùm njoṅ ngôngô fa ts'o sate yub ntshag bwe num mba bo ta tu wù là.

Nesiaṅe 32:23

Là, bin ne nyà ke ghù ndùlala, mba bin ghù nukebwô mbwe Tshùaben. A be ndùlala bin lèn ndù nukebwô tsin nsi tam njam bin.

Matio 7:2

Nummbe ndaṅndaṅ mba bin nsi tsho'te ntsha mèn nà, bo nsi tsho'te zin be ndaṅndaṅ.

Lukas 12:2

Mo' ju nelem ke' be z'a ke nsi tum njù mbwôgtshù là; mo' ju ke' bèn mbe ntùm tsham ze bo ke nsi lèn nà;

Mfa' Ghantum 2:37

Bo be ju' men ntshob li a kwag yub tà ntùm ntù tshobe; bo tshob Pétro mba tsemo' ghantum ndù: Fèt tshag, bag nsi ghù à ndùke?

Nebwôgte 25:1

Ndùse ben bàa ghù ntanta, nse' ndà ntsha ndù bo tsho'te yub là, mba bo nsi kag mbu'u, naṅ ntsha tu ngafànnu.

Yoshua 7:1

Mba ndùlala ba Israél fàn kàn num bu' se bo tam nà. Akan, nshum Karmi nshum Zabdi, nshum Zérak, ntùm tunndà Yuda yi tshu tse bo na' ntam bu' bwe là. Ndùlala yantù Tshùaben kam num ba Israél.

Yoshua 7:18

benntùn ntùm yen ba' li se' ntshù' ntshù', nu vù tu Akan, nshum Karmi, nshum Zabdi, nshum Zérak ntùm nzwit Yuda.

Ghasa'kame 1:7

Adonibézék tshob ndù: Tshù fenfen ntu ṅam sammbàa là màdu' mbu mub boa nku mub kebte, bo nke ntswitte tshu bam téblé sàm nà. Nsi ke mba' à ju ze me ghù là me. Bo lo' i nèn yi Yérusalém, a tsho bwe nkwù.