Neto'te 43:9 - NTSHOB NSI

⁹ Me bèn ndo' wul àm nte tshwèt yi num tu i, o nsi bètt'é kua' me. A be ze me ke' lo' i nse' nte mbwe o là, mba me nsi be ngafànnu mbwe o matmat.

Neto'te 43:9 Iomraidhean Croise

Neto'te 31:39

Me lo ke be lo' fe nyàm ze ju ghom i là nse' yi mbwe o. Me lo ke mbat'é be yàm tu, njoṅ i fa o bètte là tum be bu àm, k'a be ndù bo yi à mbwôgtshù ke tèttswe' lo.

Neto'te 42:37

Rubèn tshob tàab ndù: A be ze me ke' lo' Benjamin mbèn yi mfà wù là, mb'o ghù nezwi bon tshàm tse bandum bàa.

Neto'te 43:10

Nummbe be lo mbe ke ke me'te nu ts'a neme'te mba bag à nèn ndonni mba yoṅ bàa kà mfe.

Neto'te 9:5

Mbe se' mba lem tsin nà, me nsi bètt'é ndaṅndaṅ mba zwiag sin nà; me nsi bètt'é njoṅ nyàm fa, me nsi bètte zwiag mènntùn mènntùn, bètte zwiag mba we lo mfèl i.

2 Samuél 14:9

Mènnzwi là z'a fe Tékoa là tshob mfen ndù: Mfen àm, mbe tshùaben àm, ntsha nsi vù a tu àm mba tunndà tàa; be mfen bo ze tunndà ke ju' tshob mo' sàm kebwô.

1 Fenfen 1:21

Me bag nshum o Salomon nsi tù' à ben kebwô ndùse mfen àm nsi nèn tèt tà tse là.

ṄWA'NI YOB 17:3

Nsi àm, yab tshwèt. Be yàm tshwèt mbaṅ tu wul o.

Yobkwi 119:122

Be ngabéb njam ngafa' o, kà ghako'te wut fé't'àm.

Ezékia 3:18

A be ze me tshob ngatshùagntù ndù a nsi kwù, o ke tshob yi, ke ghù ngatshùagntù kag nze kebwô nsi, njôg tu wul i là, mba yen ngatshùagntù là nsi kwù num mfànnu mi, tu wul àm bètt'o lem tse.

Ezékia 3:20

Ndùse mèn netsin nsi kag ze nunetsin nsi ghù nukebwô là, me nsi bùn nkù mbwe i a kwù; l'a be z'o ke' soṅ i là, mb'a nsi kwù mum nukebwô i, bo lagte mfa' mebwô mi a ke ngù là; tu wul àm me bètt'o lem tse.

Ezékia 33:6

Là, a be ze ntom yen mba ṅwi se' ke tô nta nesoṅ benntùn yi, ṅwi se' ngwat benntùn, nzwite mo' ta' i netèt bo là, mba yen mèn ni kwù num mfànnu mi. Nda' ndù me bètte lem tse ntom.

Ezékia 33:8

A be ze me tshob ndù ngatshùagntù nsi kwù, o ke tshob yi ndù a bate ngùninu mi là, mba yen ngatshùagntù là nsi kwù num mfànnu mi, là tu wul àm ghù mbètt'o lem tse.

Lukas 11:50

Ndùlala ndù lem njoṅ ghatshob ntshob Nsi fa tse bo fètte fe ngelaṅ nenabte njù là, bo bètte yen zwiaṅ benntùn ni yi;

Héber 7:22

Ndùlala, Yésu b'a nganze kàn s'a bwô ntshùate là.