Neto'te 43:12 - NTSHOB NSI

¹² Bin lo' njoṅ nkàb z'a bwô nelo' là nze bàa. Mo' ndù bin tsho mfà nkàb ze bo yab ntshu mbàm min nà. A nsi be ndù bo nefànte.

Neto'te 43:12 Iomraidhean Croise

Neto'te 42:25

Yosèf tshob ndù bo naṅ nsa ntùm mbàm mub k'a dune, bo bèn njab nkàb yub bwe, mfà jujù nze bo njoṅ z'a ku'ni là. Bo ghù ndùlala.

Neto'te 42:35

Ndùse bo ke nsô tshu bàm bo là, mba we lo tèt se bu' nkàb bàm. Bo yen bu' nkàb, bo mba tà yub, mbwôge.

Neto'te 43:13

Bin lo' mfèt zin, ndo nsi mbèn mbaṅ yen mandum nà.

Neto'te 43:21

Ndùse bag zin nkum dù' bag zi là, bag gha' mbàm mage; mba we lo tèt ze nkàb ntshu bàm i, a b'a kua' njoṅ i. Bag lo' yen nkàb là nse' yi.

Neto'te 43:22

Bag bèn ndo' mba mo' nkàb nse' yi nejun jujù yi. Bag ke' lèn mèn z'a na' njab nkàb ntùm mbàm mag là.

Roma 12:17

Kà bin lo' nukebwô njagte nukebwô yi sàm mèn. Bin diag nu z'a bwô là mbwe njoṅ benntùn fa.

Roma 13:8

Kà bin faṅ njo mèn bam bin, k'a ke nda' nkôni bin bin; nummbe mèn z'a num nkô mo' mèn nà, ghù ntshù' bumte.

2 Korintô 8:21

nummbe bag num nkô à tshu mebwô, ke b'a nda' mbwe Tshùaben, là mba mbwe benntùn.

Filipi 4:8

Fèt tshàm, ndonni njoṅ tshu nenùn fa, njoṅ tshu neghamte fa, njoṅ tshu netsin fa, njoṅ tshu nelàn fa, njoṅ tshu nkôni fa, njoṅ tshu ntshob mebwô fa, a be ze ju bwô là, a be ze ju ku'ni nenyàmte là, bin kwate tshen tshu là.

1 Tésalônikà 4:6

Kà mba we lo tôg mfi', ke fùte wul i ntùm ze'te, ntùm ntàne, nummbe Tshùaben num njagte mba' num lèn tshen nà, ndaṅndaṅ mba bag na' ntshob bin, mbèn nkwé nta là.

1 Tésalônikà 5:21

Bin laṅte njoṅ tshu fa ntshùb z'a bwô là.

Héber 13:8

Yésu Kristô z'a lo mbe nkôg là, b'a be yi sènni kà nèn miagte.