Neto'te 43:11 - NTSHOB NSI

¹¹ Tà yub Israél tshob bo ndù: Mb'a be ndùlala là, tshù ju ze bin ghù li: Bin ma' bon tshu ngô tse ntùn mbàm mine, ntsho mfà nda' yi yen mandum nà: Zin, ṅwa'a, mfèt nelamte, mire, nze' mba mba.

Neto'te 43:11 Iomraidhean Croise

Neto'te 33:10

Là Yakob bùnte ndù: Ke b'a ndùlala. A be z'o ko ndèn màm nà, o bam nda' z'a tum kua' bu àm nà. A ndùlala, mba me yen se o là tswe m'a mba me yen à se Nsi là. Nummb'o lo' àm kua' mebwô.

Neto'te 37:25

Bo tswe nsi nejù jujù, bù' miag mube, njen mo' bwoṅ ba Ismaél bo ke mfe Galad là. Kamél tshob lo ket labinda, mfèt nelamte bo mire tse bo ke nèn yi Egipto là.

Neto'te 43:10

Nummbe be lo mbe ke ke me'te nu ts'a neme'te mba bag à nèn ndonni mba yoṅ bàa kà mfe.

Neto'te 43:14

A bwô ndù Nsi Nganeta ghù ndù yen mandum nà ko ndèn mine, mfaṅ bin à mo' mfèt zin fe mba Benjamin! Mbe se' mba tu wul àm nà, a be ze m'a ke mbi bon tshàm nà, mba m'a' ke mbi yub be!

Neto'te 43:15

Bo lo' nda', ndo' nkàb njoṅ z'a ku' là yoṅ bàa, ndo' Benjamin, ndo nswe' nèn mà Egipto, nèn mbwe Yosèf.

Neto'te 43:25

Bo be béb mba Yosèf se' njagnyam nà, nabte nda' ze bo se' yi là, nummbe bo lo soṅ yub ndù boa Yosèf bèn jù jujù la' i.

Neto'te 43:26

Ndùse Yosèf bèn ndà là, bo fà nda' ze bo se' yi là yi, ngwù nsi mbwe i num tsha' kabkab.

1 Fenfen 10:15

kà njôg ngù z'a ke nsô bu ghatantàne, bo z'a ke ndo' tshuntàn njun yi là, z'a ke mfe fenfen Arabia boa ba ngomna ntùm ngô là.

1 Fenfen 10:25

Mba we lo lo ke ndo' nda' nse' yi: Tshu tse bo lo' silba nabte yi là boa tse gol, ba nzwe, tshuntshùag, ba labinda, ba nyàmdiaṅe, boa nyàm tse kekwèn bo nyàmdiaṅ bèn mbwe là. Bo lo ke ngù ndùlala mba num zit ngu'njù lo.

1 Fenfen 15:19

Mfen Asa tshob yi ndù: A bwô ndù be wat kàn netèt be, ndaṅndaṅ mba tàa na' ngwat kàn bo yu tà là. Tshù nda' là me tum wù là, a b'a silba bo gol. Nèn mbiagte kàn s'a be netèl o bin Baesha mfen Israél là, ndùlala ndù a lo njam àm.

1 Fenfen 4:21

Salomon lo ke ntô mba njoṅ ngô fa neto' fe ta'ntse tà nèn nkum ngô ba Filistia bo tà ze ndùnsi Egipto. Bo lo ke ndo' ntshub nèn yi ntshwèt Salomon, Salomon tô yub ndùlala njoṅ ngelaṅ fa z'a be ntùn nà.

2 Fenfen 16:8

Akaz lo' silba bo gol z'a be ntùm ndà Tshùaben, mba ntùm tshunkàb ndà mfen nà, ntum nda' yi mfen Asiria.

2 Fenfen 20:12

A lo be yen ngelaṅ nà Berodak-Baladan, mfen Babilon tum ta' ṅwa'ni bo ta' nda' Ezékia, nummb'a lo ju' mbe Ezékia tshwèt ngone.

2 Fenfen 8:8

Mfen tshob Hazaél ndù: Lo nsi ndo' nda' nèn bin mèn Nsi bumte. Ghù a bètte Tshùaben mbe ze me nsi lo num yen ngokèt li là.

Esta 4:16

Nèn nkùmte ba Yuda tse bo be Suse là, bin à bo tswe nziku' num tu àm, ke jù ke nu num lé'njù tat, ke tèttswe' ke mbwôgtshù lo. Mba kua' tu wul àm nsi tswe nziku' bag à ghafa' tshàm tse bènnzwi. Yen nà nsi be tôg me tsho ndà mfen, mba mba ntshù' be nsi là. A be be vù mba m'a' kwù.

Yobkwi 68:29

Nsi, lo' neta o ntshob nu yi, O Nsi, me tshob à neta z'o fa' fa' yi num bag là,

Yobkwi 72:10

Fenfen Tarsis bo ba ngô tètntse nsi fà ntshub, fenfen Séba mba tse Saba nsi fà ba nda'.

Yobkwi 76:11

mba ngô Edom nsi ghamt'o ntùm yantù i. Ben tse bo ke' ntùn mà Hamat là nsi nyàmt'o. mènntùn be ngamt'o mba ntùm yantù i.

Netume 3:8

Ndùlala me swe' num netshu' yub bu ngô Egipto, mba ndù bo ko' ntùm yen ngô li nèn ntùm mbwô ngô nezi, ntùm ngô ze mbùn nyàm be nswe' bwe bo ṅwa' là, ntùm dù' ze ba Kanaan, ba Hétia, ba Amor, ba Férésia, ba Hévia boa ba Yébusia be ntswe là.

Tànkùt 17:18

Mèn ze tu i ke' tsin nà be mfa'te mbam netsin tsham mèn, nke nte tshwèt num mfèl i.

Tànkùt 18:16

Mènntùn be mfà nda', mb'a' tsho' manze yi, ndo' i nèn nte mbwe ben ndùbndùb.

Tànkùt 19:6

Ngafà b'a ndù a ghù ghabatt'é; benntùn yàm be mbatte ngabwôntù.

Tànkùt 21:14

Nda' ze mèn fà nguangua là be nkôgte yantù; nda' ze mèn be fà ndemte bam kummbaṅ se là num mbote tonte yantù.

Nkwi Nkwi 4:10

Mfèl àm ze mènnzwi, nzwi àm ze me ka, nelo' ntù gha' mbu ntùm yu nkôni! Yu nkôni ta njoṅ ntshùa ndu'. Tsho labinda num ndamte mbwô neshu ntshùa njoṅ mfèt nelamte fa.

Nkwi Nkwi 4:14

Tsham bo safran, kub ntù nelamte bo kinamo, mba njoṅ ntù fa mi a num mfà tshu nelamte là; mire bo aloès boa njoṅ mfèt nelamte mi ntùn fa.

Nkwi Nkwi 8:14

Ménngon bùnte ndù: Nshun àm, kù! Be mba njuanyàm ke mba metshab kwinyàm no là, num tu ba mbat tse mfèt nelamte be bwe là.

Yérémia 8:22

La netshùm ke' be Galad ké? Ngaka ke' be bwe ké? Numke bo tshwinte yàm nzwit mèn a ke yat'à?

Ezékia 27:15

Bin ba Dedan lo ke nta ntàne; ntàn ngô tètntse nzenze ke ntôg a mum mbu mu. Bo ke ndo' a nsennyàm bo ntshwèn ntù bù njun tshu yi wù.

Ezékia 27:17

O lo ke nta ntàn bin ngô Yuda, bo ngô Israél. Bo lo ke ndo' nsa mi a fe Minit là, memo' miag tshu, ṅwa'a, mfèt bo menya njun tshu yi wù.

Ezékia 27:22

Bin à ghatantàn tse bo fe Séba bo Rama là lo ke nta ntàne. Bo lo ke ndo' njoṅ la nelamte fa, ndo' njoṅ nzenze ndoṅ tanjoṅ fa bo gol njun ju wù yi.

Lévitiko 20:24

Me lo tshob bin ndù: Bin nsi lo' ngô yube. Me nsi fà i bin. A b'a ngô ze mbùn bo ṅwa' be nké, nke nswe' bwe là. Me b'a Tshùaben Nsi zin, ndù me lo fagte zin num ngôngô.

Mfa' Ghantum 21:14

Mba bag na' mbe ke ku' nefènt'é là, bag mi ntswe, ntù' tshob be nda' ndù: A bwô ndù ze nekô Tshùaben bumte.

Nebwôgte 33:14

mfà ntàm tù ntùn mi nyàm num mfà là yi, ntàm tù mi a be mba num zit ṅwù lo là.

1 Samuél 25:27

A bwô tshùaben àm bam nda' ze ngafa' i me ze mènnzwi se' yi là, a bwô neghabte ben tse bo be njam o là.

1 Samuél 9:7

Saulo tshob ngafa' i ndù: Be yôg nke nèn la' mèn Nsi mba be nsi yab à ke yi à? Tshù, be ke' bèn ngù sàm jujù mbàm, ke ghù lèn nda' netsho mfà mèn Nsi. Ke ze be ghù à?