1 Nziku' lo ke nta ntùm ngô nke nèn à be mbwe.
Mo' nziku' tsho ntùm ngô, Abram swe' nèn mà Egipto, ntswe bwe; nummbe nziku' lo ta mum ngô neshu.
Tshùaben tshob Abraham ndù: Numke Sara nzwi à? A tshob ndù: Be kua' me li bèn mbwe ndonni ze me ywèn nà ké?
Mo' kekua bèn mbe ntùm ngô, njab mbaṅ z'a be num ze ngelaṅ Abraham nà. Isak nèn mbaṅ Abimélék mfen ba Filistia.
Bon Israél nèn nejun nsa netèt tsemo' ben tse mba bo se' jun yub nsa là; nummbe nziku' lo nèn tà nkum Kanaan.
Ndùlala, ndùse bo miagte nejù nsa mi bo fe yi Egipto là, tà yub tshob bo ndù: Bin bèn nèn njun mo' jujù be.
Bo bèn ntshob Faraon ndù: Bag se' netswe à mum ngô, nummbe nenà mbwe ke' bèn mbe ghafa' tsho; tshù nziku' vù mum njoṅ ngô Kanaan fa. Ndùlala bam ghafa' tsho ndù bo tswe ngô Gosen.
Ngub wut yag ke nton à mba lagmbwôg neka tag yi là, mbe ndùlal'a num tonte nziku' z'a num bag là.
O nsi bèn tshob mbwe Tshùaben Nsi o ndù: Tàa na' mb'a ze Aram, ngakag nyàm. A lo swe' nèn Egipto nte bwe. Ben tse lo ke yàm. Là, a tsho bwe njàm kà ntù' b'a ngô ndùb, ben neta, ndù bo yàm neshu.
