Neto'te 42:9 - NTSHOB NSI

⁹ Yosèf kwimte njem ts'a na' njen num bo là, ntshob bo ndù: Bin b'a ba ntom. Bin se' netsha' à dù' ts'a fà bu bin nà ntùm ngô.

Neto'te 42:9 Iomraidhean Croise

Neto'te 37:11

Fèt tse te miag ghe'te num i, mbàn i ntshùate; là tàab yab njoṅ tshen nu là fa ntù i nke nkwimte.

Neto'te 42:16

Bin tum mo' mèn netèt bin, a nèn ndiag mfèt zin, bin ghô ndàtsha. M'a' laṅte zin njen mbe ntshob min b'a mi nenùn nà, ntag ndùlala mba me lo' lén Faraon z'a be ntùn nà nkàn mfe yi, ntshob bin ndù bin b'a ba ntom.

Neto'te 42:34

Bin mbe nse'e, bin lo' mfèt zin, kebatnjab nse' yi; a nsi tshùa ndùlala me lèn ndù bin ke' b'a ba ntom, là ben nenùne. Yen ngelaṅ nà, me nsi fà mfèt zin bin, bin katte ntùm ngô.

2 Samuél 10:3

fenfen tse nshum Ammon tshob tàfa' yub Hanun ndù: O kwate mbe David tum ben tse ghafite ntù bo se' ghù à nku'ni tàan ké? Bo ke se' tsha' à tusô kà sat'é ké? Tshen ghafa' David li ke' se' mbaṅ o tom à dù' ké? Bo nsi ghù ndùlala kà yôg kam ntsho.

Netume 32:35

Tshùaben lab ngô, nummb'a lo nabte mfô, mfô ze Aron nabte là.

Nesiaṅe 13:2

Tum benntùn ndù bo nèn ntùm ngô Kanaan ze me fà bon Israél là. Bin nsi tum ta' mèn mum tunndà ba tà tshobe. Bin nsi tsho' yub à netèt ghatô bon Israél.

Lukas 20:20

Bo to' netom Yésu, mbèn ntum ba ntom yi. Tshen ben ni nke ngù mba bo b'a ben netsin nà, nke ndiag netshùa num ta' ntshob Yésu kà ntshùb i, mfà ghatô ngô, mba bu ngomna.

Héber 11:31

Njam bamntù, Rahab kattù mènnzwi lo ke bi boa ghakebam, nummbe a lo lo' ba ntom ntùm fite.

Yoshua 2:1

Yoshua nshum Nun tsin tà Sittim, nànte ntum ntom bàa njam tsham, ntshob bo ndù: Bin nèn ntsha' ngô, mebwô mebwô, Yériko. Bo nèn, ntsho ndà mo' kàttù mènnzwi, lén se Rahab, nzi bwe.

Yoshua 6:23

Tshen bonnshum nà, ba ntom tsho ndà Rahab , nsô i, tàab, màab, fèt tse boa njoṅ tse ben fa. Bo ghù njoṅ benntùn fa ntùm ndà Rahab tum, bo yab njam mbàn bon Israél.

Ghasa'kame 1:24

Ba ghatom dù' yen mo' mandum a nke ntum ntùm tusô là, bo tshob yi ndù: La'te yag dù' ze be bag tshùa bwe ntsho tusô là, bag nsi ko ndèn mu.

1 Samuél 26:4

ntum ba ntom bo nèn mbètte ndèn kua' nenùn ndù a se'e.