Neto'te 42:18 - NTSHOB NSI

¹⁸ A be kum mbatte lé'njù tat Yosèf tshob bo ndù: Me be mbwôg Nsi. A be ze bin kô neyôg wut tsin nà, bin ghù ju ze me nsi tshob bin nà.

Neto'te 42:18 Iomraidhean Croise

Neto'te 20:11

Abraham bùnte ndù: Me lo kwate ndù sàm mèn ke' be bwôg Nsi mum yen ngô li, ndùlala, nkwate mbe bo ghù nezwi àm num tu nzwi àm.

Neto'te 39:9

A ke' tshùa àm ntùm yen ndà li, ke bèn nke nga sàm ju me, kà ntag nda' tu wul o, nummb'o b'a nzwi i. Be me ghù tshàm yen lèn nukebwô ndùb li, mfàn nu num miag Nsi à ndùke?

Neto'te 42:19

A be ze bin b'a ben nenùn nà, mo' mfèt zin ghô ndàtsha, bin lo' nsa nèn nkém tsin tunndà yi,

Néhémi 5:15

Ngomna tse bo bwôg be me là lo nyu' ngô, nke nkwé bàn bo ndu' bo, kà mbèn ngù ndô nkàb silba ṅam nkuà; tshé' ghafa' tshob lo bèn nke ngù yub be ndaṅndaṅ, nke mfétte ngô. Tu wul àm me ke' ghù ndùlala, nummbe me tshwèt mbwôg Nsi.

Néhémi 5:9

Me bèn ntshob ndù: ze bin tshwèt ngù ndùlala ke' bwô. A lo ke bwô ndù bin zin à ntùm nebwôg Nsi be, ndù kà ngôngô tse bo b'a ghakeban be là tute be ké?

ṄWA'NI YOB 1:1

Mo' mandum lo be ntùm ngô Uts, lén se Yob, mandum nà na' mb'a mèn netsine, mbe mèn ndaṅndaṅ. A lo ke mbwôg Nsi, nke ndo' mvèn i ntam nukebwô yi.

Netume 1:17

Nda' ndù ghakwé bon ke ghù kua' ju ze mfen Egipto tshob bo là; bo faṅ bon ntùn; nummbe bo lo ke mbwôg Nsi.

Netume 18:21

Yen nà mbe tôge, o lôte ntùm ngô, ntsho' kum benntùn bwe, tse bo be mbwôg Nsi, tse ngô lèn yube, tse be mèn ke fùte yub là, nte yub mum ngô, mo' ke nsa' ben ntsha' mbùm, mo' sa' ben nkù, mo' sa' ben ṅam ntàn, mo' sa' ben gham.

Lévitiko 25:17

Kà sàm mèn netèt bin fùte mfèl i, a bwô ndù o bwôg Nsi o; nummbe me b'a Tshùaben Nsi o.

Lévitiko 25:43

O ke nsi lo' neta kà tô i yi, là, o nsi bwôg Nsi o.

Lukas 18:2

Mo' ngatsho'te ntsha lo be ntùm mo' ngô ke be bwôg Nsi, nke ngwag njoṅ benntùn fa.

Lukas 18:4

Num ngelaṅ yàme, a ke kô, là, a tshob tu wul i mo' lé'njù ndù: Me ke' be bwôg Nsi, mbèn nke ngwag njoṅ benntùn fa.