Neto'te 42:13 - NTSHOB NSI

¹³ Bo bùnte ndù: Bag, ghafa' tsho, bag b'a ntu ntshob bà gham, bon mandum ntshù' ntùm ngô Kanaan; kebatnjab b'a bo tà yag sènni, mo' ta' i ke' bèn mbe.

Neto'te 42:13 Iomraidhean Croise

Neto'te 37:30

Mbèn njam mbaṅ fèt tse ntshob ndù: Mén ke' bèn mbe mà tôntse. Me nsi ghù tshàm à ndùke?

Neto'te 42:11

Njoṅ yag fa b'a bon mandum ntshù'; bag b'a ben nenùne, ghafa' tsho ke b'a ba ntom.

Neto'te 42:12

A tshob bo ndù: A ke nu. Bin se' netsha' a dù' ts'a fà bu bin ntùm ngô là.

Neto'te 42:14

Yosèf tshob bo ndù: Bin b'a ba ntom kua' mba me lo netshob bin nà.

Neto'te 42:32

Bag na' mb'a fètfèt ntshob bàa gham, tà yag be ntshù': Mo' ta' i ke' bèn mbe, kebatnjab b'a bo tà yag sènni mum ngô Kanaan.

Neto'te 42:36

Tà yub Yakob tshob bo ndù: Bin biagte bon tshàm fa! Yosèf ke' be, Siméon ke' bèn mbe, mbe ndù bin nsi lo' Benjamin ndonni. Njoṅ tshen tshu là fa vù à be tu àm!

Neto'te 42:38

Là Yakob tshob ndù: Bin à mén àm ke nsi nène, nummbe mfèl i lo à kwù, a tù' à tù' i. A be ze mo' ju tsho ngù i num manze dù' ze bin tshwèt nèn nà, mba me nsi kwù à zwe, me ze me be njwèn mèn nà.

Neto'te 43:29

Yosèf bù' miag mi nte num Benjamin, mfèl i, nshummàab, ntshob ndù: A b'a kebatnjab, mfèt zin mbit bin na' ntshob me li ké? Yosèf bèn ntshob ndù: Nshum àm, a bwô ndù Nsi yab kàn wù.

Neto'te 43:7

Bo bùnte ndù: Mandum nà lo bètte yag nu yàme mfà num tu wut tshag mba mum ngô yage, ntshob ndù: Tà zin bèn nke' ntùn ké? Bin ghù mo' mfèt zin ké? Ndùlala bag soṅ i nu à ndaṅndaṅ mb'a ke ndo' mbètte yag nu yi là. Bag lo ghù nelèn ndù a nsi tshob bag ndù bag lo' mfèt yag nse' yi ké?

Neto'te 44:20

Bag bùnte ndù: Bag ghù tà ndù a ywène; bag ghù mfèle, mén z'a bwe à mum ywèn nà, mfèt yen mén nà lo kwù, a tù' màab à tù' i. Tàab be nkô i.

Neto'te 44:28

Mo' lo lo mbaṅ àm nène, mo' tshùagkèt nyàm kebt'é mfémfé, nummbe me ke' bèn njen i tà nkum sènni.

Neto'te 45:26

Bo soṅ i ntshob ndù: Yosèf b'a ntùn, a bèn mbe ngomna ntùm njoṅ ngô Egipto fa! Ndùlala ntù Yakob tum, nummb'a lo ke ke mbam ju bo tshwèt ntshob là.

Yérémia 31:15

Tshùaben bèn ntshob ndù: Bo tshwèt nju' nekua' nke mfe Rama. Nelàn vù bo netam keshù' mbimbi. Rashél ke ndàn à bon tse. A ke' bam ndù mèn fite ntù i num nu bon tse, nummbe bo ke' bèn mbe.

Nsindàvù 5:7

Tà be lo ghù nukebwô, ke bèn nebe. A be bèn nke nket nge' nukebwô tshobe.

Matio 2:16

Là Hèrodé be yen ndù ghalèn nsa fùt'é, nja ntù neshu; ntum benntùn ndù bo nèn nzwite njoṅ bonfi fa tse bo be Bétléhém mba ntùm dù' ts'a ghebte mbaṅ Bétléhém nà, nto' num tse bo ghù ngu' bàa mba tse bo ke' ghù ngu' bàa là, ndaṅndaṅ mba ghalèn nsa soṅ i ngelaṅ nà.

Matio 2:18

Bo lo ju' mo' nze mà Rama, nekua' mba netam keshù' yàm neshu: Rashél ke ndàn bon tse, ke kô ndù mèn fite ntù i, nummbe bo ke' bèn mbe.