Neto'te 41:8 - NTSHOB NSI

⁸ Njù làn, zenu Faraon tshu', a ghù bo tsiaṅ njoṅ tse ghangàm fa boa njoṅ tse ghazenu fa. Faraon soṅ njem ts'a lo njen nà, sàm mèn ke ku'ni netote ntun mi yi.

Neto'te 41:8 Iomraidhean Croise

Neto'te 40:6

Yosèf nèn mbaṅ bo nkebnjù lôte yube, mbe tèt yub bo nke ntshù kebwô.

Neto'te 40:8

Bo bùnte yi ndù: Mba we lo netèt bag zi njem, mèn z'a tote ntun mi bag là ke be. Yosèf tshob bo ndù: A ke b'a nda' Nsi bèn nke ntote njem ké? Bin soṅ àm njem zin di!

Neto'te 41:15

Faraon tshob Yosèf ndù: Me yen mo' njem, mèn z'a tote ntun mi me là ke be. Là, me ju' bo tshob ndù a be z'o ju' ta' njem nà, mb'a b'o tote ntun mi.

Neto'te 41:24

Tsha nsa nejumte sammbàa mi mbwe tse ts'a bwô là. Me tshob tshàm ghangàme, là sàm mèn ke' tote ntun mi mfà me.

Neto'te 41:7

Là tsha nsa sammbàa tse nejumte mi tsha nsa sammbàa ts'a dunte, ngu' là. Yen ngelaṅ nà, miaglo keb tu Faraon, a yen ndù a lo mb'a njem.

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Netume 7:11

Là Faraon tsiaṅ ghazenu boa ghaka, mba ghangàm tse bo be Egipto là; mba bo yub lo' nka ngù yub be ndaṅndaṅ.

Netume 7:22

Là tse ghangàm ba Egipto bèn ngù yub be ndaṅndaṅ njam nka mube. Ntù Faraon sag, a ke ju' ju ze Mosé bo Aron tshob ndaṅndaṅ mba Tshùaben tshob bo là.

Netume 8:7

ba metu' nsi lo num o, tum ntùm mba' mu, lo num ghafa' tsho, tum ntùm ngô o, k'a tù' b'a nda' ntùm ta'ntse.

Netume 9:11

Ghangàm ke ku'ni netsin mbwe Mosé num nu nkeko'o, nummbe nkeko' lo ṅab ghangàm boa njoṅ ba Egipto fa.

Esaya 19:3

Tu Egipto nsi tshu'u, me biagte ze nezete. Bo nsi bètte ba neto boa ghaka nu, bètte ghangàm boa ghabètte fe ben nu.

Esaya 29:14

A ndùlala, me nsi bèn lab yen nzwit mèn ni njam tshu netshàm boa nsa; zenu tse ghazenu nsi bi.

Esaya 8:19

A be ze bo tshob bin ndù: Bin bètte ba mfe nu ke ndù bin bètte ghalèn nu ndamnjù ke ghangàm no nu là, bin bùnte ntshob bo ndù: Ta' ngô ke' ke mbètt'a Nsi i nu ké? Mb'a bètte ba mfe nu mfà num benntùn ké?

Daniel 1:20

A lo ke mbe num njoṅ nu fa z'a bètte zenu bo nesiaṅte, nu ze mfen bètte yub là, a yen ndù bo ghù zenu ntshùa njoṅ ghangam fa boa njoṅ ghaka fa tse bo be mum ze ngô là yoṅ tse gham.

Daniel 4:18

Tshù njem ze tu wul àm mfen Nébukanetsar yen nà. Tu wul o Beltasar fà ntote tun mi me. Nummbe njoṅ ghazenu fa mum yàm nufen ke' ku'ni netot'é me. Tu wul o ku'ni, nummb'o ghù ywèt ba nsi nelàn num o.

Daniel 4:19

Ndùlala nu tshùa Daniel ze lén se be Beltasar là, nkwatenu mi kag bwôg num i. Mfen tshob yi ndù: A ke' bwô ndù njem bo ntote tun mi kag bwôg num o. Beltasar bùnte ntshob ndù: Tshùaben àm, a bwô ndù yen njem nà lôt'a ben tse bo be mban o là, ntote tun mi lôte ghakeban tsho.

Daniel 4:5

Me lo zi mo' njem a kag bwôg num àm; nkwate mi a ke ngùtni àm num kunndà sàm bo tshùalo tse me ke njen nà lo ma' fétwut num àm.

Daniel 4:6

Ndùlala me tshob bo tsiaṅ ghazenu fa tse bo Babilon nà, ndù bo tote ntun njem me.

Daniel 4:7

Ghangame, ghaka, ba Kaldéa mba ghalèn nsa se' mbwe àm, me soṅ yub yen njem nà, là bo ke soṅ àm ntote tun mi.

Daniel 5:11

Mo' mandum num ntùm ngô o ndù a ghù ywèt ba nsi nelàn num i. A lo be num ze ngelaṅ tàan mo' lèn nelàne, mo' lèn nesiaṅte bo mo' lèn zenu be num i ndaṅndaṅ mba zenu ba nsi là. Mfen Nébukanetsar, tàan, lo yab i nkam netèt ghaka, ghalèn nsa, ba Kaldéa, ghangame,

Daniel 7:28

Tshù dù' tshô mi li. Me Daniel, nkwatenu màm lo tshu' tu àm, me nyamte se àm, ndé' men ntshob là mum ntù àm.

Daniel 8:27

Tu wul àm Daniel, ndém àm lo tume, me tam ngokèt, ngon tsemo' bon lé'njù. Yen nà be tôge, me lo nsi, mfa' sàm fa' mfen, ke tshob sàm ju num yen njem nà, ntswe ke ju' sàm ju bwe.

Lévitiko 19:31

Kà bin te lag num ben tse bo be ntshobte boa ywèt là, ke ghatshaṅ ngàm no; kà bin ke ndiag yube, mbwôg ndù kà bin tshùa njam bo nsagte wut tsine. Me b'a Tshùaben Nsi zin.

Lévitiko 20:6

A be ze mèn bètte ben boa ywèt be ntshobte nu ke ghadiag ngàm no, boa bo tamte nkat là, mba me nsi tsho' lag sàm num yen mèn nà, sô i netèt ze nzwit mèn.

Habakuk 3:16

Me lo ju'u, kondèn ko' ntù àm. Nkub ntshu màm be mvètte ndùs'a ju' yen nze là là; mvôg màm be nju, ntunkekwi' màm tiagte: Bin tswe ndù kam me ju' lé'njù nge', lé'njù se nge' nsi kam num nzwit mèn z'a be nkam be là.

Matio 2:1

Num ngelaṅ mfen Hèrodé, bo bwe Yésu Bétléhém mà Yuda;

Mfa' Ghantum 17:18

Tsemo' ghazi'te zenu Epikurô mba tse Stôa nke nta ntshu boa Paulo; tsemo' nke ntshob ndù: Ke ze yen ngantshob li tshwèt ndiag netshob à? Tsemo' bèn nke ntshob ndù: Mo' ndù a b'a ngatshob tshô tsemo' nsi ba ghùn. Nummbe Paulo lo ke ntshob nkùn mebwô num Yésu mba num nelo num vù.

Mfa' Ghantum 7:22

Mosé zi'te njoṅ zenu ba Egipto fa; a na' mb'a neta mèn num ntshobe, mba mfa' mi.

1 Korintô 1:19

Nummbe bo kite ndù: Me nsi biagte zenu ghazenu, me nsi ghua' nelèn ghalèn.

1 Samuél 6:2

Tshen ba Filistia li tsiaṅ ghale'te boa ghangàm ntshob bo ndù: Be nsi ghù Koṅ Kàn Tshùaben à ndùke? Bin soṅ yag mba be nsi bèn ba' i num ze dù' là.