Neto'te 41:57 - NTSHOB NSI

⁵⁷ Benntùn nke ndo ntùm ngôngô nèn jun nsa Yosèf mà Egipto; nummbe nziku' lo ta neshu ntùm njoṅ ngôngô fa.

Neto'te 41:57 Iomraidhean Croise

Neto'te 12:10

Mo' nziku' tsho ntùm ngô, Abram swe' nèn mà Egipto, ntswe bwe; nummbe nziku' lo ta mum ngô neshu.

Neto'te 41:54

Ngu'njù nziku' sammbàa to' nese' ndaṅndaṅ mba Yosèf tshob là. Nziku' be ntùm njoṅ tsemo' ngô fafa; là ntùm njoṅ ngô Egipto fa jujù ke bwoṅ bwe.

Neto'te 41:56

Nziku' be njoṅ dù' fa mum ngô Egipto. Ndùlala Yosèf tsho' njoṅ nze nta fa, nswèn nsa ba Egipto. Nziku' nke nèn be mbwe mà Egipto.

Neto'te 42:1

Yakob be yen mba nsa be mà Egipto là, ntshob bon tse tse bandum ndù: Numke bin nke nze wut tsin bin bin à?

Neto'te 42:5

Bon Israél nèn nejun nsa netèt tsemo' ben tse mba bo se' jun yub nsa là; nummbe nziku' lo nèn tà nkum Kanaan.

Neto'te 42:6

Yosèf na' mbèn nke nsa' ntùm ngô; a yi bèn nke nswèn nsa benntùn fa mum ngô. Fèt Yosèf se' ngwù nsi mbwe i kabkab.

Neto'te 43:1

Nziku' lo ke nta ntùm ngô nke nèn à be mbwe.

Neto'te 47:14

Yosèf lo sô njoṅ nkàb fa z'a be Egipto mba z'a be Kanaan nà, njam nsa mi a ke nswèn nà; a ghù yen nkàb là tsho ndà Faraon.

Neto'te 50:20

Bin lo kwate neghù nukebwô num àm, là Nsi kaṅ a tù' ze mebwô num neghù ndù nu ze bin tshwèt njen sènni là bumte, yen nà b'a ndù neyôg ta' ngô z'a ghù benntùn yàm nà.

Nebwôgte 9:28

mbwôg ndù kà ngô z'o sô yag bwe là tshob ndù: A b'a nummbe Tshùaben ke' ghù mba' nelo' yub kà nèn nkum yi ntùm ngô z'a bù bo là. Mb'a be mbàn yub là, a lo sô yube, neghù ndù bo kwùte num kônkwa.