Neto'te 41:51 - NTSHOB NSI

⁵¹ Yosèf tswi lén tuswe i ndù Manasé, nummb'a lo tshob ndù: Nsi ghù me lag njoṅ nge' àm fa bo ndà tàa.

Neto'te 41:51 Iomraidhean Croise

Neto'te 41:30

Tshen nà nsi be tôge, ngu'njù nziku' sammbàa be. Bo nsi lag ngu'njù jujù ts'a be mum ngô Egipto là, nummbe nziku' nsi biagte ngô.

Neto'te 41:50

Ngu'njù nziku' lo be se', ndù Asnat ngon Potiféra, ngale'te Nsi z'a ke ntswe tusô On nà bwe bon bandum Yosèf bàa.

Neto'te 41:52

A tswi lén mbatte bàa ndù Efraim, nummb'a lo tshob ndù: Nsi ghù me jù bin ntùm ngô ze me yen nge' bwe là.

Neto'te 48:1

Tshen nu là lo be tôge, mèn tshob Yosèf ndù: Tshù tàan nà z'a tshwèt ngon nà! Ndùlal'a lo' nshumnshum tse bàa, Manasé bo Efraim nèn bo à bo mbwe tàab Yakob.

Neto'te 48:5

Fe ndonni bon tsho tse bandum bàa, ts'o bwe yub ngô Egipto kà me nse' mbaṅ o Egipto là b'a tshàm. Efraim bo Manasé b'a tshàm bon ndaṅndaṅ mba Rubèn bo Siméon nà.

ṄWA'NI YOB 11:16

O nsi lagte nge' tsho, tù' ke kwimt'a ntse mi a swe' kà ntôg là.

Yobkwi 30:11

Tshùaben, ju'u, ko ndèn màm! Tshùaben, ywimt'àm!

Yobkwi 30:5

Bin yob kwi mfà Tshùaben, bin tse bin be nkô i là. Bin ghamte nelàn i ntùm zin nenyàmte.

Yobkwi 45:10

Ngonngon fenfen num netèt bènnzwi tse bo kô yub là. Màmfen b'a num bag bu o ze zwim ndù a kwi wul i gol z'a fe Ofir là.

Tànkùt 31:7

A bwô ndù a nu ndagte bwoṅ i ke bèn nekwimte nge' tse.

Esaya 57:16

Ndonni me ke bèn nke nga be negha, ke bèn nke nja ntù nèn be mbwe. Nummbe mba nzwiag bo benntùn tse me na' nabte là nsi miagte bite mbwe àm.

Esaya 65:16

Mèn z'a nsi kô ndù mbotni be yi ntùm ngô là, mb'a bwô ndù a lon yen ju l'a num lén Nsi nenùne. Mèn z'a nsi kô nekàn mfe ntùm ngô là, mb'a bwô ndù a kàn mfe à num lén Nsi nenùne. Nummbe me nsi lagte njwèn nge' fa. Tshen njwèn nge' là nsi lem num miag màm.

Nesiaṅe 26:28

Ben Yosèf tunndà, tunndà: Manasé bo Efraim.

Nebwôgte 33:17

Yosèf ghù à neta ta' fot mfô, ndô mi b'a mba ndô nyatnyàm nà. A num ndo' ndô mi là ntsham ngôngô yi, tà nèn nkum dù' tsha' te ndù i là. Tshen nà b'a ben Efraim tse bo b'a ntshu'ntshu' là, ben Manasé tse bo b'a ntsha'ntsha' là.

Yoshua 14:4

Manasé bo Efraim tse nshumnshum Yosèf lo tamte mbe yub nzwit benntùn bàa. Bo ke fà tsha' ben Lévi ntùm ngô, mb'a b'a nda' dù' tusô num netswe bwe, bo dù' z'a njamnjam nà ndù nyàm tshob ke mfèt bwe, tshu tshob ke mbe bwe.

Yoshua 17:1

Bo tam tô num ze bag tsha' nzwit Manasé, nummb'a na' mb'a tuswe Yosèf. Mbe se' mba Makir, tuswe Manasé, tà Galad là, bo fà ngô Galad bo Basan yi, nummb'a na' mb'a ngama' ntsho.

1 Samuél 1:20

A be jùm ntùm ngu'njù, mbwe mén mandum ntswi lén se Samuél, nummb'a lo tshob ndù: Me na' ndon i à Tshùaben.