Neto'te 41:42 - NTSHOB NSI

⁴² Faraon sô mbwô bu i, ma' bu Yosèf, ma' ṅwa'ṅwa' nzwe mebwô num i, ma' ntàmtu' gol tô i.

Neto'te 41:42 Iomraidhean Croise

Neto'te 38:18

Yuda bùnte ndù: Ke ze me fà wù mba ju tshwèt l'à? A bùnte ndù: Fà mbwô mu me, mfà ntàmtu' mba kôg s'a bu o là me. Yuda fà tshen tshu li yi, ndo' i, a be jùm.

Neto'te 41:43

A ghù Yosèf ko' ntswe ntùm kalig s'a na' mbe njam se num nu bwô là, bo nke nkua' mbwe i, ntshob ndù: Bin kab tu zin nsi. Tshù mba Faraon fà ngwùt njoṅ ngô Egipto fa bu Yosèf là.

Esta 10:3

Nummbe mfen Asuérus lo ke ntôg Mardokai ze Yuda bèn nse'. Fèt tse ba Yuda lo ke nkô i, nke ndo' i mebwô. A nke ndiag nu mebwô num ze ngô, nke ntshob nu ntùn num fu' ze nzwit mèn.

Esta 3:10

Mfen sô kwa se se màkwa i be bwe là bu i mfà Haman nshum Hammedata mèn Agag z'a b'a ngakeban ba Yuda là.

Esta 3:12

Bo tsiaṅ tse ghakite mfen num lé'njù ntshob tat gham ntùm mbwe ṅwù. Bo kite kamkam mfen boa ngomna ndaṅndaṅ mba Haman tshob là, nkite mba tse zit taṅ ngô lo, nkite mba mfen zit ngô lo, nkite mba zit taṅ ngô lo à num ze mat nekite mba zit ngô lo à ntùm mi ntshobe. Bo kit'a num se lén Asuérus, ndo' ze màkwa mfen nte num bwe.

Esta 8:10

Bo kit'a num lén mfen Asuérus, ndo' màkwa fen nte num bwe. Bo tshag tshen ṅwa'ni là ben tse bo lo' nyàmdiaṅ mfen nèn yi là.

Esta 8:15

Mardokai tum ndà mfen, ndù a ghù nzwe fen num i, nenàfi bo fôgtab, ngù ta' kétmbùm gol, ta' kummbaṅ nzwe mediba bo nzwe meba. Tusô Suse nke ntsiaṅte, nke ntshag nze yub tù ntùm ṅwate.

Esta 8:2

Mfen sô kwa s'a kwé Haman nà mfà Mardokai. Esta bèn nte ze Mardokai num ndà Haman.

Esta 8:8

Ndùlal'a bwô ndù bin kite ṅwa'ni num ze mebwô ba Yuda, nkite mba bin kô là, nkit'à num lén sàm; bin lo' màkwa mfen nte bwe, nummbe bo num nte màkwa mfen num ṅwa'ni bo kit'à num lén se là. Mba zit ṅwa'ni lo bo kite nte màkwa mfen bwe là ghô ndùlala, mèn ke bèn mbate ju bwe.

Yobkwi 73:6

A ndùlala ko'te wut b'a mub ntshèn, nefètte lem be nzwe z'a be nkabte yub là.

Tànkùt 1:9

nummb'a b'a ta' kétmbùm kondèn s'o ghù tu o là, mbe ta' ntshèn mi o ghù tô o là.

Tànkùt 31:22

A num mba' nzwe nfùag, a ghù nzwe ts'a bwô là, tse meba.

Tànkùt 31:24

Mènnzwi là num ntam nkum nke nswène, nke nswèn ba nkob ngatantàne.

Nkwi Nkwi 1:10

Nge' mu bwô netèt ntshèn, kekol o bwô netèt ntôgtse mi a be tô o nkanka là.

Nkwi Nkwi 4:9

Mfèl àm ze mènnzwi, nzwi àm ze me ka, o num ndo' ntù àm. O num ndôt'àm tun lag su, ndo' ntù àm. O num ndo' mo' ta' ntshèn mu ts'a tô o là ndo' ntù àm yi.

Esaya 3:23

A lo' ba yente boa nkum mebwô, nké' ba kuttu boa nzwe nema' tu mèn ts'a fùag là.

Yérémia 52:33

A sô nzwe ngandàtsha num i; Yoyakim nke njù be num téblé mfen Babilon tà zi nkwù.

Ezékia 27:7

Nzwe mebwô ts'a fe Egipto ndù bo vèn nà, lo ke mb'a ze netaṅte num tu o bo ze nefim o yi. Nzwe ts'a ghù nto'nto' meba bo nenàfi, mfe à ba ngô tètntse Elisha là ke mb'a nzwe mu nto'ndà.

Daniel 5:16

Me ju' ndù o ku'ni nefà ntote ntun mi, mba nesiaṅte nu ts'a ta là. Ndonni, a be z'o ku'ni nesiaṅ yen ju nekite li, mfà ntote ntun mi me là, mba me nsi ma' nzwe ndob num o, ma' ntshèn gol tô o, o be mbatte mèn tat mum nufen àm, nke nsa' la'.

Daniel 5:29

Be ndùse Baltazar tshob bo ma' nzwe ndob num Daniel, ntaṅ ntshèn gol tô i, ntshob ntùm ngô ndù a bèn ngù mbatte dù' tat mum nsa'ngô.

Daniel 5:7

Mfen kua' neta, ngù bo tsiaṅ ghaka, ba Kaldéa boa ghalèn nsa. Mfen tshob ghazenu tse bo be Babilon nà ndù: Mba we lo z'a siaṅ yen ju nekite li, ntote tun i me là, mba bo nsi ma' nzwe ndob num i, taṅ ntshèn gol tô i, me fà mbatte dù' tat yi mum yàm nufen.

Lukas 15:22

Là tàab tshob kuan tse ndù: Bin lo' kum s'a be kua' se mebwô là, nse' ma' num i ndende, bin so kwa bu i, mba nketo' nku mi;

1 Samuél 18:4

A sô kummbaṅ s'a ma' num i là mfà David, mba tse tshu ntsho: Ṅwi i, ze ngoṅkét, se kob.