Neto'te 40:8 - NTSHOB NSI

⁸ Bo bùnte yi ndù: Mba we lo netèt bag zi njem, mèn z'a tote ntun mi bag là ke be. Yosèf tshob bo ndù: A ke b'a nda' Nsi bèn nke ntote njem ké? Bin soṅ àm njem zin di!

Neto'te 40:8 Iomraidhean Croise

Neto'te 40:9

Mfen ghama' ndu' soṅ Yosèf ze njem ntshob ndù: Tshù, me lo njen mo' tù ndu' mbwe àm ntùm njem; sen tù ndu' là ghù nkaṅ mi ntat.

Neto'te 41:25

Yosèf tshob Faraon ndù: Njem tse Faraon yen nà b'a ta' ju ntshù'; Nsi diag à neghù Faraon lèn ju z'a nsi ghù là.

ṄWA'NI YOB 33:23

Là, a be ta' Angél be mbaṅ i, mbe nganze netèt tse ntsha' mbùm, num nela'te mènntùn mb'a bwô ndù a ghù là,

Yobkwi 25:14

Tshùaben la'te tsham se à ben tse bo be mbwôg i là, tsham se mbit be ntswite yub kàn Tshùaben.

Esaya 8:19

A be ze bo tshob bin ndù: Bin bètte ba mfe nu ke ndù bin bètte ghalèn nu ndamnjù ke ghangàm no nu là, bin bùnte ntshob bo ndù: Ta' ngô ke' ke mbètt'a Nsi i nu ké? Mb'a bètte ba mfe nu mfà num benntùn ké?

Daniel 2:11

Ju ze mfen tshwèt mbètte là ta neshu, sàm mènntùn ke bwe z'a b'a tsin mbwe mfen ngù a lèn ju z'a tshwèt nkô là, k'a ke nda' nsi tse dù'ntswe yub ke' b'a netèt benntùn nyiaṅtu là.

Daniel 2:27

Daniel tsin mbwe mfen, mbùnte ntshob ndù: Mesin ze mfen tshwèt mbètte ndù bo tote là, a ke' b'a ghazenu, ghaka, ghangame, bo ghalèn nsa bèn ngù nela'te mfen.

Daniel 2:28

Là, ta' Nsi num bwe, mfe kamànyam z'a be nda'te ba mesin nà, a yi bèn ngù ndù mfen Nébukanetsar lèn ju z'a nsi se' mum tsemo' lé'njù là. Tshù njem boa tshu ts'o nô num kunndà so njen ni:

Daniel 2:3

Mfen tshob bo ndù: Me zi mo' njem, tu àm tshu', nummbe me tshwèt nkù ntù nelèn yen njem nà.

Daniel 2:47

Mfen tshob Daniel ndù: Kua' nenùne, Nsi zin b'a Nsi ba nsi, mbe Tshùaben fenfen, mbe ngala'te ba mesin, nummb'o ku'ni kà nda'te yen mesin ni.

Daniel 4:8

A be miagte, Daniel ze lén se be Beltasar, mum lén nsi àm, se' mbwe àm, ndù a ghù ywèt ba nsi tse nelàne. Yen ngelaṅ nà me soṅ i njem.

Daniel 5:16

Me ju' ndù o ku'ni nefà ntote ntun mi, mba nesiaṅte nu ts'a ta là. Ndonni, a be z'o ku'ni nesiaṅ yen ju nekite li, mfà ntote ntun mi me là, mba me nsi ma' nzwe ndob num o, ma' ntshèn gol tô o, o be mbatte mèn tat mum nufen àm, nke nsa' la'.

Amos 3:7

Nummbe Tshùaben Nsi ke' be ghù sàm ju ke be ndù a te bu num ghafa' tse, ba ghatshob ntshob Nsi.